EPESUS 2:11 - PERJANJIAN BARU NALCA YUBA

¹¹ Ugun Yahudi gom nim era, ugun nong ara, ”bolaʾ garawanggom nang” anaʾ ara, nim adya bolaʾ garalesikaʾ Yahudi nang edya dara, ugunuk wenyalasak. Dara, Yahudi gom nim o, anyek seiniwanalum. Nera nim adya ganya doboka nang era an wenyan beknaʾ beillilesik.

EPESUS 2:11 ပူးပေါင်းရင်းမြစ်များ

MATIUS 20:7

Wenyek nim enedya benyek an, Nimi adya nadya wa webnenulum aboka oruksinaʾ orok anasa ulumab, hyek. Dara anggur wa damnya bedya sikenek, Wera salyaʾ ululumaʾ anasa, ugumba nadya anggur dok wak sam wel bininulum, aboka orugosuk.”

ROMA 11:17

Anasa gal soruka wen seleb dibookanya, ugunda nong salyaʾ bongolamla gal enesoʾ anyek an seleb soboka makok dara, wera nidyaʾ hiboka Zaitun siligaʾ ok ulumla gal ak an maklum.

ROMA 2:26

Wera anasa, sik anam bolaʾ garawanggom nang edya ban Yahudi nim emba unuwanalum an yuba lelemlaʾ sok sunuwoka pe unulumak dara, alda seleb bolaʾ garananya beneso senewanggunuseng de?

ROMA 2:27

Wera anaso dara, nim anam bolaʾ garawanggomnya bok, unuwanalum an yub ak pe unululanya bedya dara, eimik era, an wenenaʾ yuba damnya uboka, bolaʾ garananya bok, anda ban Yahudi nim emba oruksin yub ak bleklelam anasa, alja anak yana kibnenggel.

1 KORINTUS 12:2

Ugunda Wenelesilnya bek anam elgom ululum salek era, ugunda yuba gomnya giblemakaʾ ak gliboka bo balasuk.

1 KORINTUS 6:11

Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

GALATIA 2:15

Nimi beilinaʾ adya dara, nunda aldib Yahudi nim ulumabaʾ ara, yok mok soko nimi malya unaʾ nim enesoʾ ak unggulumab.

GALATIA 6:12

Nimi nuk perob seneweisinokaʾ aboka hogunga bo elemak nang edya, bolaʾ garanaʾ yub ara, unuwanalumaʾ aboka goklesak. Sikda ban unulumaknya nera, Yahudi nang edya Kristus oboka gal ak glamek yub emba leboka lobaʾ neneweisijik aboka ulumak.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

EPESUS 5:8

Ugunda men dara, gunaʾ lomok ululum bok, wera Imik Neyung mabo dangalum dara, dilinaʾ dangalum. Anasa wera, dilinaʾ lomok sam uru yabalemnalum.

PILIPI 3:3

Nera nuk danyek bolaʾ garanaʾ dibaʾ ara seleb domouba, sikenek dara orok. Nunda Imik Neyung giblemabaʾ ara, Imik Neyung Geisinya adya bo ulusilaʾ adya giblemab dara, onoʾ nunda Yesus Kristus ab seleb neikaʾ kwebdangoka ulumabaʾ adya perob aboka giblemab. Nunda sokok an seʾ nim adya ok ganya doboka unulumaknya nek ganya dib beiliwoka unggulumab.

KOLOSE 1:21

Youmaʾ dara, ugun nong ara, Imik Neyung ak ab mok gebdangoka ululum; ugunja ganya seininaʾ adya alak isaʾ nang gebelumaʾ ara, lagaʾ dok ara, ugunja yu hwam unaʾ adya beknaʾ laga ella ulumok.

KOLOSE 2:11

Onoʾ hnonda al pik ab uboka, ugunda ugunja bolaʾ garawousuk ara, nim adya garalesak soknya nenyek unuwanggubsuk. Alda Kristus adya garalasilnya nenyek unuwousuk ara, wera malya unaʾ nong an gwiriwoka loblum an.

KOLOSE 2:13

Dara ugumbabya youmaʾ dara, ugunja meknenaʾ hnon ugunja sobaʾ malya ululumnya lomok uboka hnon, anedya ugunda seleb somogoka ululum bok, wera Imik Neyung adya Kristus ab neikaʾ seleb embengaʾ gebsuk. Anya, nunja meknenaʾ hwam malya unaʾ nidyaʾ doboka bobogosuukanya,

KOLOSE 3:11

Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.