EPESUS 2:10 - PERJANJIAN BARU NALCA YUBA

¹⁰ Nu nong ak dara, Imik Neyung adya uyiwousukaʾ ara, Yesus Kristus pik uboka nu meewoka, alja orowek yokaʾ-yokaʾ perobnya nenyek unulumnemak senewoka gegewoka beibsuk nim ek ulumab.

EPESUS 2:10 ပူးပေါင်းရင်းမြစ်များ

MATIUS 5:16

Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

YOHANES 3:21

Bok, heknedya dib nong ok pe unululanya bera, alja unulamlaʾ ara, Imik Neyung senelamla sok unulamlaʾ anyek, laga dolulaʾ aboka dilinaʾ ak yalamla,” hyok.

RASUL 9:31

Dara wenyek, Imik Neyung yuba donaʾ nim anyek, Yudea sokok hnon, Galilea sokok hnon, Samaria moka hnon, ulumek nim era, kaboka pe ulumek. Imik Neyung Geisinya adya arawoka, sikda Wenelesilnya bek lok ganya boboka, yuba dolomek nimi nidyaʾ ara, ganya gasa kaboka, sik nonga yuba dolomek, anaba nauba danggiga balamok.

RASUL 9:36

Dara onoʾ Yope heikek ara gel hnon, alja si nera Tabita gek ulumok. Dara, alda Yesus ak dib senewoka domok gel ulumok. (Alja si nera Yunani yub adya dara, Dorkas alamek, nera nunja yub era bei busaʾ pam alamab.) Dara, gel gera perobnya nok unuwoka, bonaʾ garan ulumna nim ek arawoka ulusuk.

ROMA 8:1

Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

ROMA 8:29

Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

1 KORINTUS 3:9

Nunda Imik Neyung amba neik wa welemab nang ulumab. Ugun nong ak dara, Imik Neyung adya alja wa soko yokaʾ anaso ululum. Dara onoʾ, ugunda Imik Neyung alja e ululum.

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

2 KORINTUS 5:5

Wera ban imik nong ongowanamak aboka meewoka beillilesilnya be Imik Neyung adya ok unulusil. Onoʾ alja dara, Geisinya anyek aldib unuwanesin an beknaʾ elegousuk.

2 KORINTUS 9:8

Imik Neyung senemlya dara, ugunuk yok-yok perob eleknaʾ lendewoka eleklemnesil. Wera onoʾ alda yok-yok nidyaʾ pe eleganesilaʾ adya, ugunda yok-yok perob wa nidyaʾ wel dibilloklomnulum aboka hyak nauba ugunuk ulumnesil.

GALATIA 6:15

Nimi bolaʾ garanaʾ gom, orok gom ara, hnon dib nong unggulumla. Alda nimi wenyek nong unaʾ dolomakaʾ ak, hnonok dib nong ulumla.

EPESUS 1:1

Ugunda Epesus heikek munaʾ Imik Neyung mabo Kristus Yesus ak doboka bojam ululum nim ek perob aboka gibsin. Imik Neyung ganya adyok seiniwoka, Kristus Yesus adya yuba lenaʾ gaknya nenewanyoknya, nara Paulus bedya,

EPESUS 1:4

Imik Neyung ara soko yokaʾ-yokaʾ anam ulinaʾ orok bok, si gegena ponaʾ orokaʾ anyek alsamba ok munaʾ gobdo ulunokaʾ aboka, Kristus pik uboka weboka dobsuk. Nuk wanaʾ ulusuukanya,

EPESUS 2:13

”Ugunda youmaʾ dara, mok ululum bok, wenyek dara, Kristus Yesus ab neikaʾ kwebdangoka ululumaʾ ara, Kristus eneng adya oka doro dil yousuk.”

EPESUS 2:15

Yahudi nim edyaʾ unuwanalum an yub eb alja anaso unulumnulum yuba nidyaʾ ara, Kristus alja nong elegokaʾ adya lubok. Dara, alda Yahudi nim eb Yahudi gom nim eb danyek, al lomok hnonok wenyok nimi nonga neniyiwoka ganya namenaʾ gebsuk.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

EPESUS 2:6

Dara, Imik Neyung adya, nub Kristus anya, somoknaʾ ak ab embengaʾ nenewoka suboka bukiyiwousuukanya, Kristus Yesus lomok imik heikek sam neikaʾ beibsuk.

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

EPESUS 4:24

Anya, wenyok uldilisil nong unaʾ era, Imik Neyung ara hyak perob ok uboka, geisa ulumla sok ulumla nong unaʾ enyek, anasoʾ anyek unura ulunobaʾ aboka doblum.

PILIPI 1:6

Wera Imik Neyung adya albeyok ganya doboka, aljaʾ perob wa nong enera ugun gangganek an web einimokaʾ ara, onoʾ welmorulamlyaʾ ara, Yesus Kristus yanamla sum ek loboka webdaknamlaʾ anyaʾ senewoka, an nong ak hnonok dib senelamna.

PILIPI 2:13

Nenesa leboka Imik Neyung adya, alja ganya ek hekel eleklenenokaʾ aboka ugunja ganya lomok sam weboka, unuweisinya ganya hnon, unuwanokaʾ aboka migiba hnon eleklesil.

KOLOSE 1:10

Dara, alja senelamla anyek pe ella ubmun adya, ugunja ululumaʾ ara, al saramek ab dom digum ulumla adya or unu ulunok senewanemlakanya, yokaʾ-yokaʾ unululumaʾ nidyaʾ ara perob senewanamla. Nunda heng uboka mololosab ara, ugunda yok-yok perob wa weboka doka moulumnelumukanya, Imik Neyung ak ella danganaʾ nauba danggiga balalul aboka mololosab.

1 TIMOTIUS 2:10

Bok alda saawoka gweidyaʾ dibaʾ subnamlaʾ ara, Imik Neyung ak giboka, alja mabo dangamna nim edya ulumaknya nenyek, ana diligaʾ doboka unulumnemak.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

1 TIMOTIUS 5:25

Neik so, perob unaʾ ara hnonda laga an ulumla. Bok, hnonda wenera berra laga unggululabok, wera doknowoka ubnamenggom anasa, eimik laga danamla.

1 TIMOTIUS 6:18

Sik dub nim ek, anja dara, perob unaʾ anyek yok nim ek unub elegoka, perobnya nenyek ok nauba unubmoruwoka, ganya lowelelek aboka, heknaʾ hwam ok uboka, yok nim ek eleklesinya ganya bolonokaʾ aboka, wenewoka lelelom.

2 TIMOTIUS 2:21

Nimi ben hnon yok-yok malya unaʾ ak, geisa nenebdanelanya bera, benyek munaʾ nenebdangoka perob wa wenaʾanya ulumnamla. Dara bera, alja neyung adya al nonga perob wa weboka un danasa, weboka doboka dibnamlakanya, alda yok-yok perob wa nidyaʾ webnunaʾ aboka, diri ulumnamla.

2 TIMOTIUS 3:17

Wera ban Imik Neyung yub anadya, Imik Neyung ak arawoka wa welemak nim era, yokaʾ-yokaʾ nidyaʾ perob wa nenyek pe webnokaʾ aboka, weiboka perobaʾ nenelesil.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

TITUS 2:7

Anda yokaʾ-yokaʾ nidyaʾ unulumenaʾ ak ara, yok nang edya diliwagenokaʾ aboka, perob ok unululom. Anda yuba neklesimenaʾ ak ara dib nong ok anyek, laga angawoka neklesilom.

TITUS 3:1

Wenewoka bo usin nang ek hnon, senenggom dub nang ek hnon, pe giboka yuba kelemunukanya, onoʾ perobnya nera, sobaʾ yeng ganya boboka unulululum aboka, anja yuba dolomak nim ek pe wenelesilom.

TITUS 3:14

Nunja nim era, sikja unaʾ ek dara, perobaʾ ak unuwanggubijek aboka, sikja ganya edya anyek desibya bobsibya senelemaknya nera, pe dolonokaʾ aboka, sikda perobnya nenyek unulmorulunokaʾ aboka ella dangalanok.

TITUS 3:8

Ban lebna yub era hyak dib yuba. Nadya senelamnaʾ ara, ban seleb wenyhenya nenyek, yok nimi seleb Imik Neyung ak dib senelemak nimi nidyaʾ ara, perob wa nong enyek hyak duboka yeiriwoka welenokaʾ aboka, hyak nauba so pe neklemnesilim. Ban anaso unaʾ era, nimi nidyaʾ ak dara, perobaʾ ab perobnya neb danyek ulusil.

IBRANI 10:24

Nunda yok nim ek pe wanaʾ ulunobaʾ aboka wenebdangoka, onoʾ perob unaʾ anyek nauba unubgiga balanobaʾ aboka, nunda pe kemero uldalamnamab.

IBRANI 13:21

ugunuk yokaʾ-yokaʾ perobaʾ ak alja senelamlaʾ sunuwoka unulunokaʾ aboka pe munaʾ lelewoka eleklesulul. Anya dara, alja perob senelamlaʾ ara Yesus Kristus pik uboka, nu lomok welesulul. Wera nidyaʾ senenggomaʾ perobaʾ ara al alsamba ok sobaʾ ulmorulul! Aldib, al unululul.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

1 YOHANES 1:7

Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.

1 YOHANES 2:6

Heknedya nara Imik Neyung ab neikaʾ kwebdangoka ulunam wenyalalanya bera, alda Kristus adya nidyaʾ unulumok diligaʾ doboka lunuwoka unululul.