EPESUS 1:7 - PERJANJIAN BARU NALCA YUBA

⁷ Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

EPESUS 1:7 ပူးပေါင်းရင်းမြစ်များ

MATIUS 26:28

Ban eneng enera, Imik Neyung adya nimi nauba blebnamlakanya, sikja malya unaʾ era sikenek ab sobaʾ memelemnesil amokaʾ ara an.

MATIUS 6:12

Yok nim eb malya ubdangamna nim eb memeldalamab sok, anda anaso uboka nunja malya unaʾ eneba doboka bobogeisilom.

MARKUS 14:24

Anya alda sikenek, ”Nadya eneng era ban, Imik Neyung adya unubdanamab aboka wenyamok eneng era, nimi nauba amba yeksin.

LUKAS 1:77

Imik Neyung ara alja nim ek, sikja malya unaʾ era sikenek ab meewoka, anara blebnesilaʾ ak ulusil aboka, an ganya enyek mablulaʾ aboka ubla.

LUKAS 24:47

Anya onoʾ nimi blebsinaʾ dubnya bedya si pik moruwoka, nidyaʾ soko yuba lero yabalameija dara, sikda nidyaʾ malya unaʾ ak ab ganya dangawanamak dara, Imik Neyung adya sikja malya unaʾ sikenek ab sobaʾ meewanasil. Anasa, ban lero ban yub era Yerusalem heikek ab uboka einiwanamak.

YOHANES 20:23

”Ugunda yok nang malya unaʾ sikenek ab memewanggunulum dara, Imik Neyung anababya ugunja malya unaʾ ugumbabya meewanggunusil. Bok, ugumbabya nimi malya unaʾ sikenek ab memelemnalum dara, Imik Neyung anaba neikik, ugunja malya unaʾ ugunuk ab sobaʾ memelemnesil,” hyok.

RASUL 10:43

Men ununumnaʾ lelemek nang eneba alsamba yuba geklewoka lelemek. Dara, sik lelemek yub era, ban wenyaboka lelemek ara, nimi nidyaʾ Yesus si ak dib senewanamak dara, Yesus migib adya sikja malya unaʾ memelemnesil, hyek,” hyok.

RASUL 2:38

Dara, Petrus bedya sikenek, ”Ugunda nidyaʾ ara, ganya dangawoka malya unaʾ meewanasil dara, ganya dangawoka, Yesus Kristus si sibuka mek danaʾ doblulum. Dara, ugunda Imik Neyung adya Geisinya eleganesilaʾ ara dobnelum.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

RASUL 3:19

Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

ROMA 2:4

Anasa anda aljaʾ heknaʾ ganya ab, aljaʾ or malye senewoka diri usin ganya ab, aljaʾ sangarob ganya ab danera, wera dolbalek so senelelam de? Dara ban Imik Neyung adyaʾ heknaʾ ganya anera, anak ganya dangawoka yuba donaʾ ak bo balenggelaʾ ara, anda elgom ululam de?

ROMA 3:24

bok wanaʾ uboka eleksinaʾ adya, Kristus Yesus pik uboka malya unaʾ ak ab seleb munaʾ dekoka dobsukaʾ adya, or goʾ perobaʾ nenelesil.

ROMA 3:25

Anera Imik Neyung adya men, ganya dib senenaʾ anasa leboka, Yesus eneng pik enyek anyeb nimi malya unaʾ amba deksulul aboka, Kristus Yesus ara nim amba elegosuk. Alja or unulunok senelemok salek, unulumek malya unaʾ era anesemba hnon yokaʾ unuwanggubsuk anasa, wenera alja ban unuwokaʾ damok ara, aljaʾ pe ununanya nera anaso abdok ara an.

ROMA 9:23

Onoʾ saawoka ban yokaʾ-yokaʾ ak alja angoo yadyek senenaʾ elegousununaʾ ulumla ara aljaʾ perob senenggom bonaʾ enyek alja perobaʾ senenggomaʾ amba orowek memewoka ulumla.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

EPESUS 1:14

Imik Neyung adya alja mab ek eleganasin amokaʾ dib dobnemak senen beknaʾ dibaʾ ara ban Geisinya lomok ulusilaʾ adya ulusil. Alda beknaʾ ulmorulusilaʾ ara, eimik Imik Neyung adya munaʾ dekoka dobsuk. Ban nenesa, Imik Neyung bek giblenob.

EPESUS 1:18

Ugunja ganya dilinaʾ ubsilyikanya, Imik Neyung adya ugun youbsuk nang ek perobaʾ dobnemunaʾ anyek, pe ella dololumaʾ aboka mololesin. Imik Neyung adya alja munaʾ Imik Neyung mab amba perob eleknaʾ nauba beillilesilaʾ alja si imik nenenaʾ anyek ella dololumaʾ aboka mololesin.

EPESUS 1:6

Aljaʾ wanaʾ nong ulumok me Kristus pik uboka, nuk aljaʾ senenggomaʾ wanaʾ uboka elegousukaʾ anasa, Imik Neyung imik ululanya bek giblenob.

EPESUS 1:8

nuk hyak gokoka elegousuk. Dara, Imik Neyung ara hyak geremseng unaʾ ab, pe ganya seininaʾ adya ok,

EPESUS 2:4

Bok Imik Neyung ara, alda angoo yadyek senewoka arasinaʾ hwamnya bedya, nuk hyak wanaʾ nauba ulusukaʾ anasa,

EPESUS 2:7

Ban unuwosuknya nera, eimik enyek, Imik Neyung ara alja wanaʾ uboka eleksinaʾ ara hyak senenggomaʾ ulumla beknaʾ eibnokaʾ aboka ubsuk. Alda Kristus Yesus pik uboka nuk wanaʾ ubsukaʾ ak eibnokaʾ aboka ubsuk.

EPESUS 3:16

Ugunda Kristus ak dib senelelumaʾ adya, Kristus enyek ugunjaʾ ganya lomok ulusululaʾ aboka, Imik Neyung ara senenggomaʾ ulumlaʾ anyek sunuwoka, alja Geisinya bedya, ugunja ganya lomok migibaʾ nenewosulul senen ganya boboka mololesin. Ugunja nong unaʾ era wanaʾ unaʾ adya ok oulyanga lokoka goluwoka bo uboka,

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

PILIPI 4:19

Yesus Kristus lomok ulumlaʾ si imik nenenaʾ ab, dub unaʾ ab dadya, ugunja dobsibya senelelumaʾ nidyaʾ ara, nadya Imik Neyung edya eleganesil.

KOLOSE 1:14

Dara nunda al Kristus adya nunja blebsinaʾ damok dekoka dobsuk ara, wera nunja malya unaʾ memelesilaʾ ara an.

KOLOSE 1:27

Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

KOLOSE 2:13

Dara ugumbabya youmaʾ dara, ugunja meknenaʾ hnon ugunja sobaʾ malya ululumnya lomok uboka hnon, anedya ugunda seleb somogoka ululum bok, wera Imik Neyung adya Kristus ab neikaʾ seleb embengaʾ gebsuk. Anya, nunja meknenaʾ hwam malya unaʾ nidyaʾ doboka bobogosuukanya,

KOLOSE 2:2

Sikda nidyaʾ yok-yok pe ella ubnamaakanya dib mel-mel aboka dib senenaʾ dibaʾ dosulul aboka, anya onoʾ sikda Imik Neyung adya men laga danggumokaʾ, al Kristus nong anyek pe ella ubnemak aboka, sikda ganya lomok sangabdangoka, wanaʾ ubdangoka ulunok senelamna.

1 TIMOTIUS 2:6

Alda nimi nidyaʾ amba leboka sikja malya unaʾ ak blebsunun badya aboka, alja nong enyek leb elekdonunaʾ aboka, elegesuk. Dara nera, sum enyek unuweisinya senewoka orowek seinimok sum era, yenewoka laga dok dara, al nong elekdok.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

TITUS 3:6

Imik Neyung adya alja Geisinya nuk gokoka elegesukaʾ ara, nunda blebsinaʾ dubnya Yesus Kristus pik uboka elegesuk.

IBRANI 9:22

Yahudi nim edyaʾ unuwanalum an yub edya dara, yokaʾ-yokaʾ nidyaʾ ara eneng adya ok malya umnaʾ ara geisa nenelemok. Dara, malya unaʾ anaba al eneng nong anyek yeknaʾ orok dara, malya unaʾ ara memenggulusuk.

1 PETRUS 2:24

Nu nong anyek malya unaʾ adya gobuka ulusukaʾ anyek bleboka perobaʾ nenewosununaʾ aboka, anadya Imik Neyung adya unu ubseng senelelanya sunuwoka ubnokaʾ aboka, nunja malya unaʾ gong dara, Kristus adya huka boboka gal ak somogok, Kristus adya eneng menengaʾ edya ugunuk ara bleboka hwebsuk.

1 PETRUS 3:18

Anasa leboka, Kristus ara lika hnonok ugunja malya unaʾ amba aboka, malya unggulumoknya benyek malya unaʾ nim emba aboka somogok. Kristus adya ban unuwoknya nera, anadya ugun nong anyek doboka Imik Neyung ak bo busununaʾ aboka ubok. Alda nong bokaʾ ak salyaʾ obek bok, subokaʾ ak dara, ganya ak suboka bukok.

1 YOHANES 2:12

Najaba yab o, ban ugunuk momnya dobsinaʾ ara, Kristus si pik uboka ugunja malya unaʾ seleb meewousukaʾ anasa ubsin.

1 YOHANES 2:2

Wera Yesus Kristus al nong adya pika moruwoka nunja malya unaʾ amba somogousuk. Nera or nunja malya unaʾ ok gom, al nidyaʾ soko nimi malya unaʾ amba somogok.

1 YOHANES 4:10

Wanaʾ unaʾ ara ban: Nunja Imik Neyung ak men wanaʾ ulumouba gomaʾ, bok alda Imik Neyung adya nuk wanaʾ ulusuukanya, nunja malya unaʾ amba doboka bobogosululaʾ aboka, alja yando me hnonok bok nunsamba bokol yeilisuk.

WAHYU 14:4

Ban nang era, sikda gelewa ab neikaʾ unggulumek nang. Sikda anam goubunya ulumna gel, nengmab adya hnon anam salawanggumnaʾ gel genesoʾ ak ulumek nang. Anya ban domba me ara, yokok yabalamnaʾ nidyaʾ ara, sikda neikaʾ ok balamek. Hnonda sokok an ulumak nimi nidyaʾ ak ab dara, sikinek hnonok munaʾ dekoka, Imik Neyung bek ab, domba me ak, mennya eleknaʾ dibaʾ gebsuk nang.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.