EPESUS 1:22 - PERJANJIAN BARU NALCA YUBA

²² Dara, yokaʾ-yokaʾ nidyaʾ ara, Imik Neyung adya dara, Kristus adya dub dangoka bo ubnamla aboka doboka elegoka, yuba donaʾ nim ulumnemakaʾ ara, Kristus anyek, sikja dubnya ulululaʾ aboka elegosuk.

EPESUS 1:22 ပူးပေါင်းရင်းမြစ်များ

MATIUS 16:18

Anasa wera, anda banyek ella danalam, anda wera Petrus ulumnelam, migib girik alamnenjak. Dara ban girik dub enyek an, somoknaʾ nimi heik sibin adyaʾ anaba oblamagoka malya nenewanggunumla anyek, nadya yuba donaʾ nim dibaʾ sobnamna!

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

1 KORINTUS 11:3

Wera hnonok ella daseng senenanya donok pe ella danalumaʾ ara, nenya adya hukuk ara, Kristus hnonok dubnya ulumla, gel adya hukuk ara, nenya ulumla. Dara onoʾ, Kristus adya huk dubuk ara, Imik Neyung ok hnonok ulumla.

EPESUS 3:21

Kristus Yesus pik uboka, nim Imik Neyung yuba donaʾ nimi pik uboka, sounuwoka likoka sobaʾ gibgiga balanok. Amin!

EPESUS 5:23

Kristus ara yuba donaʾ nim edya sikjaʾ dubnya uboka, onoʾ sik yuba doboka alja nonga dangalamak nim emba blebsinaʾ dubnya ulusil sok, nenya ara alja gel emba dubnya ulumla.

KOLOSE 1:18

Alda nong ak dara, yuba donaʾ nimi hiboka amba, al Kristus ara, huka, dubnya, ulumla. Alda men yokaʾ nong, anya somoknaʾ ak ab men nonga subuknya ulumla. Anasa, yokaʾ-yokaʾ ab dara, alak danyek, hyak nonokdob.

KOLOSE 1:8

Dara al adya ugunja Geisinya lomok uboka wanaʾ ululumaʾ ara, nuk neksuk.

KOLOSE 2:10

Anya ugunda al lomok ululumaʾ adya hyak munaʾ gobdo pebdaksuk. Hnonda, wenewoka bo usinaʾ, senenggom dub unaʾ nidyaʾ amba dara, alak danyek, huka, dubnya, ulumla.

KOLOSE 2:19

Dara, sikda hukuk ara, pe salalmoubnenggulumak. Bok hukuk ab ara, nonga nidyaʾ hiboka, mel-mel ab nolong gwerenaʾ ab dadya, neikaʾ pero welemakaʾ adya, Imik Neyung bedya ak nelemla.

1 TIMOTIUS 3:15

Wen unumnyaʾ adya mandewanyaʾ anaba, Imik Neyung mabo dangoka pe ulumakaʾ damok anyek unulumakaʾ ara men ella danalum aboka ubna. Dara nera, yuba dolomak nimi nong ara sikda egomnaʾ dibaʾ embengaʾ ulmoublamla Imik Neyung adya perob dib yuba dukduka dangalamakaʾ anasa lebna.

IBRANI 2:8

yokaʾ-yokaʾ nidyaʾ amba leboka dubnya nenewolum,” aro momnya dobok. Imik Neyung adya nim ek yokaʾ-yokaʾ nidyaʾ amba dubnya nenewok dara, wera hnon yoknya nek nim adya dubnya unggululanya nera hyak unggulumla. Wera ban unuwokaʾ anyek babya, wera nunja kemen dara, nim ara yokaʾ-yokaʾ nidyaʾ ak ara dubnya dangoka bo ulumlaʾ ara hnon eilinggulumab.