3 YOHANES 1:3 - PERJANJIAN BARU NALCA YUBA

³ Nimi yuba dolomak nimi hnon ara, anyagan yeiniboka, anda dib nong yub ek bojam uboka, al dib yub ek sunuwoka sobaʾ ulmorulamla an yuba nak neknyekaʾ anasa, nara hyak perob senewoka eiya dabnel.

3 YOHANES 1:3 ပူးပေါင်းရင်းမြစ်များ

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

1 KORINTUS 13:6

Wanaʾ unaʾ ara, yana lelenaʾ ara pe unaʾ orok dara, perob senenggulumla. Bok, perob unaʾ ak dara, perob senelamla.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

PILIPI 1:4

Nara ugun nidyaʾ amba leboka, sob-sobaʾ Imik Neyung ak molol yabasin dara, nara hyak eiya adya, perob ganya boboka mololesin.

2 YOHANES 1:2

Dib yub ara, nunja ganya lomok ulusilekanya, alda hyak sob-sobaʾ nu lomok ulmoublemnesilaʾ anasa, wanaʾ ulusab.

2 YOHANES 1:4

Imik Neyung adya nuk alja lelesil sok, genong anja mabo darasam ara, dib yuba sunuwoka ulumakaʾ anyek, nara eiyiwoka, nara hyak eiya ulunel.

3 YOHANES 1:10

Bok eimik na anyagan yanya sum era, nidyaʾ alja yok-yok malya unaʾ uboka, sondaʾ leboka, nauba gunulamlaʾ deng ara, nunsamba hnon geklewoka sondaʾ lelelanya nera, laga poboka lebnamna. Bok ban nidyaʾ unulamlaʾ ara, nenyek ok unuro dakdowonun senenggulumla. Onoʾ nunja hemyabo yuba donaʾ nimi yanggan dara, alja ek doboka beilisinaʾ ara alda lek senelamla. Dara onoʾ yok nim edya nunja ek an mabnemab aboka ul yabanaʾ anaba, alja mem aboka yuba sekoka, onoʾ sik arawanob senelemak nim ek yuba dolomak ak ab yaklesil.

3 YOHANES 1:2

Nara anak eikaʾ anyek ulumenekanya, nidyaʾ yokaʾ-yokaʾ ara perob ok ulunggululaʾ aboka mololenggen. Anya wera, anda ganya ak dara pe ululam sok, yokaʾ nidyaʾ pelenggululaʾ aboka mololenggen.

3 YOHANES 1:4

Yoknya nedya nak ganya sangab elegoka ubnenggununeso, alda wera nadya mab era, dib yuba lelemlaʾ sunuwoka ulumak an yub edya danyek, hnonok hyak nauba eiya dablenel.

3 YOHANES 1:5

Nadya hem o! Nunja hem yabo yuba dolomak nim emba welelam dara, hnonda an ella ululam nim emba hnon, hnonda amba elgom ululam bok, yuba dolomak nim emba hyak yeiriwoka bojam weboka aralesilim.