3 YOHANES 1:1 - PERJANJIAN BARU NALCA YUBA

¹ Hem Gayus wanaʾ nong ulunggenya o! Nara nimi yuba don nimi bo usinnya bedya, dib yuba lomok uboka wanaʾ ulunggenya bek momnya doboka beibgen.

3 YOHANES 1:1 ပူးပေါင်းရင်းမြစ်များ

RASUL 11:30

Dara, seleb bolowoka mamagoka beibek dara, yuba dolomekaʾ dam nang ek bo binirum aboka, Barnabas beb Saulus bebdak orugosik.

RASUL 19:29

Ban unumok yuba Epesus heik ara, neikaʾ ok oboka lelemok. Wera ban uboka unulumek adya sikda yeiriwoka, Gayus beb, Aristarkus beb, sikda Makedonia nim bok, Paulus beblaboka neikaʾ pika yalamek nang ek, sikenek salawoka sununaʾ kemelemek e digum hnoum bo bilimek.

RASUL 20:4

Dara wera, Paulus beblaboka neikaʾ yabalamek nang era, Pirus bedya me Sopater, Berea heik abnya bera an, Tesalonika heikek ab nanga penya ara, Aristarkus beb, Sekundus beb, Derbe heikek abnya Gayus beb, dara an. Onoʾ Timotius beb, Asia mok eb nang era Tikhikus beb, Trofimus beb, neikaʾ Paulus beblaboka dongero yabalamek.

ROMA 16:23

Nak hnon, yuba donaʾ nim ak hnon, aralesilnya Gayus bedya, ugunuk perob aboka gibisil. Moksoko amba rupiah beillililanya, Erastus bedya hnon, nunja hembe, Kwartus bedya hnon, ugunuk perob aboka gibisirik.

1 KORINTUS 1:14

Anadya wera, nimi yok nim edya nak Paulus bera meka dasinaʾ ara, Krispus beb Gayus beb danyek ok meka dasisaʾ anasa, nara perob senewoka eiya dabnel.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

1 YOHANES 3:18

Najabo yab o! Nunda sibamaʾ adyok gom, yuba dem adyok wanaʾ uldanaʾ ara mem. Bok nunda ganya goluwoka dib arawoka, dib aralemab anaʾ ara, nunja dib unulumnamabaʾ adya, wanaʾ uldalamnamab.

3 YOHANES 1:2

Nara anak eikaʾ anyek ulumenekanya, nidyaʾ yokaʾ-yokaʾ ara perob ok ulunggululaʾ aboka mololenggen. Anya wera, anda ganya ak dara pe ululam sok, yokaʾ nidyaʾ pelenggululaʾ aboka mololenggen.