2 TIMOTIUS 4:5 - PERJANJIAN BARU NALCA YUBA

⁵ Bok anak dara, nidyaʾ yokaʾ-yokaʾ lanalamla ak ab, ganya pe siklewoka diri ululom. Anda Imik Neyung bedya wa wennya dibaʾ uboka, yokaʾ-yokaʾ igina kwelenggel bok pe kaboka ululom. Anda perob lero yanggan yuba len wa hyak pe lelewoka welelom. Anak elegenjok wa nidyaʾ anyek, sobaʾ luka bongoldililom.

2 TIMOTIUS 4:5 ပူးပေါင်းရင်းမြစ်များ

MATIUS 25:16

Wera lambadya rupiah lemoknya bedya dara, alda biniboka, onoʾ yok lambadya rupiah dek sounuwoka dobok.

MARKUS 13:34

Sununaʾ ara, nimi be hnon yok heik binibnekanya, alja wa wen nim ek nadyaʾ ara pe diri bo ulululum aboka, anda wa nenyek welemnelam aboka wa yok-yok elege balasil. Dara pik sindamak sam welelanya bek, anda pe welsinilelom aboka oruga balamla sok, ubnamla.

MARKUS 13:37

Nadya ugunuk an pe diri ulululum hesinya nenera, onoʾ nimi nidyaʾ yok nim ek anaba, pe diri ulululum wenyalamna,” hyok.

LUKAS 12:37

Wa wen nang enyek, sikjaʾ neyung be ek yanamnaʾ amba diri ulunabok, wera yalamla dara berra eillilemak nim era, hyak pelemakaʾ nong ara an. Ban lebnesinaʾ ara, wera ban wa dubnya bera meebgogowoka, alja wa wen nim ek buklulum aboka oruganasil dara, alda sikenek denaʾ youboka beiyiboka deb eleganesil.

RASUL 21:8

Wera onoʾ ampum ara lanawoka balamoubaʾ ara, Kaisarea heikek lanal byuba. Kaisarea heikek ek ara, Kaisarea heikek lanal byuba. Kaisarea heikek ek ara, Imik Neyung yuba lennya Pilipus bedya ek biniboka neikaʾ mamouba. Pilipus bera alda Yerusalem heik ab, Imik Neyung yuba lelemnelum aboka, sekbadya nang sekiyisuk sum enyek, al hnon sikiyemeknya.

ROMA 15:19

yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.

EPESUS 4:11

Kristus adyaʾ nim ek elegousukaʾ ara, hnonda yuba lenaʾ gak nang elegousuk, hnonda ununumnaʾ len nang elegousuk, hnon nang era Imik Neyung adya perob lero yanggan yuba len nang elegousuk, hnon nang era yuba nekoka gereja bo un nang elegousuk.

EPESUS 4:12

Ban unura elegousukaʾ ara, munaʾ Imik Neyung mab era, welenok aboka elegousuk. Pe welemeijaʾ adya, Kristus adya nonga perobaʾ nenewoka nauba danggiga balalulaʾ aboka elegousuk.

KOLOSE 1:25

Nara ban yuba donaʾ nimi wa wenya seleb dasaʾ ara, Imik Neyung adya nak wa nenyek alja yub amba hyak munaʾ gobdo ugunuk wero balalul senemok adya an yuba lenya dasa.

KOLOSE 4:17

Dara, Arkhipus bek anaba wenyhenelum, Wenelesilnya amba doblum wa nera pe keeboka nidyaʾ pe welesilom, henelum.

1 TESALONIKA 5:6

Anasa, nimi salyaʾ hogunga malamak sok unuwanggunumab. Bok pe keebmoubuka pe diri uldalamnamab.

1 TIMOTIUS 4:12

Anda goubenya ululamaʾ anasa, yok nim edya anak, alda mek goubenenya benyaʾ seneweigijek. Bok alda saawoka, Imik Neyung mab adya anja unulumennya nenyek diliwagenokaʾ aboka, anja yuba sanaʾ maka hnon, anja ununaʾ hnon, nim ek wanaʾ unaʾ hnon, ganya geisa uboka Yesus Kristus ak dib senen ganya hnon boboka bojam ululom.

1 TIMOTIUS 4:15

Ban nidyaʾ lebnanya nera pe welelom. Anja perob danggiga balamenaʾ ara, nimi nidyaʾ eibgenokaʾ aboka, ganya goluwoka bojam unuro balalom.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

2 TIMOTIUS 2:10

Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

2 TIMOTIUS 2:3

Onoʾ amba hyak Kristus amba bojam uboka yina bololanya geknebaʾ uboka igina kwelenggelya bok, welmorululom.

2 TIMOTIUS 4:17

Bok, Wenelesilnya nak aralenyok. Perob lero yanggan yuba pe lelemlyaʾ adya, nimi nidyaʾ Yahudi gom nimi kebnokaʾ aboka, nak alja migib elegenyok. Dara onoʾ nara senenggom bei gam si ak ab blebnyok.

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

1 PETRUS 1:13

Ban nenesa leboka, ugunja ganya seininaʾ pe meewoka ublulum. Yesus Kristus yanamla sum enyek eleganesilaʾ anyek dib dobnemab senewoka, ugunja ganya welelulumaʾ ara, pe keeboka unulululum.

WAHYU 3:2

Anasa, bukoka pe diri uldalalom. Anja welelam wa nek dara, nadya Imik Neyung hogung ak ara, nidyaʾ ara, perob ok eilinggulumnaʾ anasa, anam somogonunaʾ ululanya nek nidyaʾ somogalyek aboka, migibaʾ gebnelam.