2 TIMOTIUS 4:2 - PERJANJIAN BARU NALCA YUBA

² Anda Imik Neyung yub ara sobaʾ lel eleklelom. Perob salek gom, malya salek gom, sobaʾ meewoka ululom. Anda nimi ganya dangallilisilom, meilinya nera ban aboka wenelesilom, banyek unuwolulum aboka nimi ganya wekellilisilom. Anda hyak ganya kaboka siklewoka ulumenekanya, pe neklesilom.

2 TIMOTIUS 4:2 ပူးပေါင်းရင်းမြစ်များ

LUKAS 7:23

Nak yokaʾ-yokaʾ amba geregoka lek senewoka longgulunelnya bera, pe ulumla,” hyok.

LUKAS 7:4

Dara sikda Yesus ak yeindeboka, ”Neyung o, yin bonaʾanya bera alda anja arawanalam.

LUKAS 9:60

Danyek Yesus adya lebnemokaʾ ara, ”Nimi somoklomak nim era, sik dam nang soko lokol dalanok, alda anda Imik Neyung ara hekaʾ huboka wenelemnesilaʾ anyek, yok-yok moka bo lel elegel binilam,” hyok.

RASUL 13:5

Dara, sikda Siprus moka birik dara, Salamis heikek biniboka, Yahudi nim edya yuba don ek wekoka, Imik Neyung yuba leb elekdo yabalarek. Yohanes Markus bera arawoka yabalemek.

RASUL 16:13

Pilipi ulumoub salek Sabat mem sum dok dara, Yahudi nang edya anyagan Imik Neyung ak mololomak ak senemoub ak mek gwana longomokaʾ ak heik gokgobok sam bilimouba. Dara, nunda anyagan ulumek gelewa gong danyeb neikaʾ yuba saro bulumouba.

RASUL 20:7

Troas heikek ara, ban minggu en men sum enyek, hemyab eb bolowoka neikaʾ ak delemouba. Paulus bera ampum lanawoka binimna senemok anasa, anyagan ulumek nim emba yuba nauba lebdibigemok. Wera inimnek dukdukanek dangamok anaba Paulus bera anam yuba lelmorulomok.

RASUL 28:16

Wera nunda seleb Roma heikek byuba dara, Paulus bera or henga lob loboka ambeyok ululom aboka, yin bonnya ben hnonok uboka neikaʾ bo diri ulumok.

ROMA 10:15

Sikenek hnon yuba bo ban nang enyek orok dara, alsamba yub era hekaʾ uboka leb eleganaseng do? Wera anesemba leboka momnya dobokaʾ ara, ”Sikda perob lero yanggan yuba bo yalamak nang enyek yalamak dara, hyak perob nongja!” wenyaro momnya webok.

ROMA 12:12

Ganya we unaʾ ak ara eiyasaʾ we ululom, mekaʾ gebsinaʾ ak ara or malye sobaʾanya senelelom, anya heng uboka molonaʾ ak dara, ganya ologoka sobaʾ molololom!

GALATIA 6:6

Nim Imik Neyung yuba dololanya bedya, alja yokaʾ-yokaʾ perobaʾ ulumlaʾ nidyaʾ ara, alak yuba neklelanya bek bokoka hnon eleklelul.

KOLOSE 1:25

Nara ban yuba donaʾ nimi wa wenya seleb dasaʾ ara, Imik Neyung adya nak wa nenyek alja yub amba hyak munaʾ gobdo ugunuk wero balalul senemok adya an yuba lenya dasa.

KOLOSE 4:3

Imik Neyung ara nunja wenyaro yabalamabaʾ amba pika baklul aboka, nunsamba heng uboka mololosululum. Nunda ban Kristus an doknomokaʾ anyek, anesemba leboka na henga goubnyekaʾ anyek, wenyaro yabalemnemab anasa, mololosululum.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

1 TESALONIKA 5:14

Na kabo nim o, hnon ara ugunuk dukaʾ lolom-lolom alasab, Salyaʾ ulumak nim ek yuba seklulum, lok ganya bolomak nim ek ganya gwelelek aboka leblulum, hmeng ulumak nim ek arawolulum, nimi nidyaʾ ak, yongon ganya boboka berra ununggom.

1 TESALONIKA 5:20

Imik Neyung adya nim ek eleklesil yub era malye senen ganya bonggom.

1 TIMOTIUS 4:13

Dara onoʾ anam yanggumnya salek era, Imik Neyung yub ara nimi yok nim ek hnon laga einib elegoka, pe wenewoka sikenek nekelmorulesilom.

1 TIMOTIUS 5:20

Bok aldib sikda malya ubija dara, yok nim eneba lok ganya bobnok aboka, nimi nauba longolomakaʾ hnoum ab omoma leboka wabnok.

2 TIMOTIUS 2:21

Nimi ben hnon yok-yok malya unaʾ ak, geisa nenebdanelanya bera, benyek munaʾ nenebdangoka perob wa wenaʾanya ulumnamla. Dara bera, alja neyung adya al nonga perob wa weboka un danasa, weboka doboka dibnamlakanya, alda yok-yok perob wa nidyaʾ webnunaʾ aboka, diri ulumnamla.

2 TIMOTIUS 2:25

Alda bera, nimi yok nim edya alak bleklemak nim ek, sikba Imik Neyung adya ganya dangiyiwoka, perob jong yuba dobnok senewoka diri ulusilyikanya, pe namen uboka wenelemnesil.

2 TIMOTIUS 3:10

Bok anak dara, nadya men nekenggesa yub eb, nadya hekaʾ anaso uboka ulumsaʾ ab, nadya unu ulunun senelenanya neb dara, anda seleb eiyiwoka ella ululam. Nadya hyak dib nongaʾ anyek, Yesus Kristus ak dib senewoka onoʾ nim ek wanaʾ ulusinaʾ ara, anda seleb ella ululam.

TITUS 1:13

Ban ununumnaʾ lelemoknya benedya lemoknya nera hyak aldib nong. Anasa, sikda dib yuba dolomakaʾ nong anyek, pe salalmoublenokaʾ aboka, anda hyak pe oma leboka wenelesilom.

TITUS 2:15

Anda hyak loksonya benyek ulumenekanya, anja yuba kelenggija nim ek, ban nidyaʾ lebnanya nera, hyak pe wenewoka ooma leboka neklesilom. Anak yok nim edya dara, alda or maly, mek goubenenya benyaʾ, seneweigejek anasa, mem!

IBRANI 13:22

Dara ban nadya ugunuk wenewoka beibsin yub era, or burum anasa, hemyabo nim o, nara ugunuk wenewoka wenyhenesinaʾ ara ban yub era hyak ugunja ganya siklewoka kelululum.

WAHYU 3:19

”Nadya okoka yokaʾ nauba wanaʾ ulusin nanga nong enyek, ooma leboka nauba wenelesin. Anasa, anda yeiriwoka migibaʾ anyek anja malya unaʾ eibkweboka loboka ganya dib dangawalom.