2 TIMOTIUS 4:18 - PERJANJIAN BARU NALCA YUBA

¹⁸ Nera aldib Wenelesilnya bedya nak malya ublul senewoka sunulunelaʾ ak ab blebelmorulumnenel. Alda nak doboka alja imik heikek pe bo binenel. Alak imik nenewoka sobaʾ pe giblenok. Amin.

2 TIMOTIUS 4:18 ပူးပေါင်းရင်းမြစ်များ

MATIUS 13:43

Dara, alda Imik Neyung ak pelemak nim era, al sikjaʾ neyung bedya wenelemnesil heikek sam henga dingib lomnaʾ anaso ak ulumnemak. Anasa wera, heknya o yakaʾ ara pe keblul!” hyok.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

LUKAS 11:4

Dara, nunda malya ubdangamna nim eb dara, memeldalamabaʾ anasa, ambabya nunjaʾ malya unaʾ era doboka bobogeisilom. Nuk sunulyamalesil pik sam boro dibnenggunusilim, aboka mololelulum,” hyok.

LUKAS 12:32

”Ugun ululum nim era dumunga mekaʾ me bok anasa, ugunda lok ganya bonaʾ ara mem! Imik Neyung ara alja wenelemnesilnya nenyek, ugunjinya danasil.

LUKAS 22:29

Nadyaʾ neyung bedya nak yok nang ek orugoka wenesin migib eleganyok sok, onoʾ nadya dara, migib era ugunuk elegeisin.

YOHANES 17:15

Neyung o, sik nong anyek sokok anyebaʾ ara dobsilomaʾ aboka molonggulumna. Alda sikenek malya unaʾanya bedya obsilyek aboka, anja pe bleboka bo ulusilomaʾ aboka mololamna.

ROMA 11:36

Dara yokaʾ-yokaʾ nidyaʾ ara alak ab, al adya, anya alamba. Anasa alak ara si imik nenenaʾ alsamba ok hyak sob-sobaʾ giblemnemeijaʾ anyek ulusulul!

ROMA 16:27

Yesus Kristus pik uboka, Imik Neyung al alak ok hnonok, hyak geremseng nongaʾ si imik nenewoka gibnaʾ ara, alsamba ok hyak sob-sobaʾ ululul! Amin.

1 KORINTUS 1:21

Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

1 KORINTUS 10:13

Ugunuk an sunulyamalesil sununaʾ ara, yok nimi nidyaʾ anaba, sunulyamalesil soknya nek ulusil. Dara, Imik Neyung ara hyak bojam ululanya ulumlakanya, ugunuk yokaʾ adya senenggomaʾ sunulyamelesil dara, Imik Neyung adya ugunja migiba sunuwoka, uka nauba sunulwenenggom henemla. Dara, ugunuk sunulyamalesil sum era, ugunda pe siklewoka ululumaʾ aboka, Imik Neyung adya pika bak lobnesil.

1 KORINTUS 15:50

Hemyab o, nadya ban wenyhenya nera damok ara banasa lebna. Nunja nong eneng ab ara, Imik Neyung wenesin heikek wekel binggunumab. Dara onoʾ, nunja somoknaʾ nonga ulumabaʾ anara, pe ulmoubnaʾ damok nonga danggunumla.

2 KORINTUS 1:10

Dara, Imik Neyung migib enedya nu nong ara, somoganasibyaʾ nong ok ab blebsuukanya, onoʾ wenebabya blebnesil. Nunda Imik Neyung ak ganya welemabakanya, eimik yanamla igin yakaʾ eneba alja blebnesilaʾ anyaʾ senelemab.

GALATIA 1:5

Anasa, Imik Neyung bek, sobaʾ imik nenewoka gibelmorulenok!

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

2 TESALONIKA 3:3

Bok Imik Neyung ara alda bojam hwam ok ululanya. Anasa alja ugunuk ganya migib neneb eleganesilikanya, nimi malya nenesinaʾ ak ab leileiwoka blebnesil.

1 TIMOTIUS 1:17

Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

1 TIMOTIUS 6:16

Imik Neyung ara, alak ok hnonok dib embengaʾ ulmoublumnamla. Somoknaʾ ara alak mekaʾ unggulumla. Alda nimi mekaʾ oka bimenggom dilinaʾ ak ulumla. Nim adya hnon, alak mekaʾ heng eibnenggumeekanya, onoʾ hnon nim adya eibnamenggom. Alak sobaʾ gibelsinilenok. Alak migib nong sobaʾ ulmorululul. Amin.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

2 TIMOTIUS 4:1

Yesus Kristus ara sokok an eikaʾ ulumak nimi hnon, somoklomak nimi hnon, yana lelewosununaʾ aboka yanamla. Dara, alda laga danamlakanya, alda dubnya dangoka wenelemnesilnya nenesa leboka, Imik Neyung saramek sam hnon, Yesus Kristus saramek hnon, ban nenyek unululomaʾ aboka molowagenaʾ ara,

IBRANI 11:16

Bok wenera sikda hyak perob heik hnonok ok ubsibya senelemakaʾ ara, imik heik ok ulumla. Anasa Imik Neyung ara ban hnonok heik era siksamba meewoka solosilaʾ anasa, Imik Neyung ak ara sikja Imik Neyung aboka si silimneseng dara, alda alya dabnenggunumso.

IBRANI 12:22

Bok ugunuk dara, Sion meinik, Imik Neyung embengaʾ ululanya bedya heikek, Yerusalem imik heik adyaʾ ak sam ab, anya salyaʾ dengsalyaʾ anyek longowoka eiya hlalamak lero nang ek sam ak, seleb youlum.

IBRANI 13:21

ugunuk yokaʾ-yokaʾ perobaʾ ak alja senelamlaʾ sunuwoka unulunokaʾ aboka pe munaʾ lelewoka eleklesulul. Anya dara, alja perob senelamlaʾ ara Yesus Kristus pik uboka, nu lomok welesulul. Wera nidyaʾ senenggomaʾ perobaʾ ara al alsamba ok sobaʾ ulmorulul! Aldib, al unululul.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

1 PETRUS 1:5

Ugunda Imik Neyung migib adya bo ulusil nim ek, ban bonaʾ era ugunsambaʾ ak beillilesil. Yokaʾ-yokaʾ nidyaʾ denghenemla sum enyek, al laga danamla, Imik Neyung nimi blebsinaʾ damoka beibukaʾ anyek, dibaʾ dobnokaʾ aboka, ugunja dib senenaʾ adya, ugun nonga migiba geboka bo ulusil.

1 PETRUS 5:11

Imik Neyung ak hnonok alak ok hyak sobaʾ or migibaʾ ulmorululul. Amin.

2 PETRUS 1:11

Ban unu ulumunaʾ adya, eimik nunjaʾ Wenelesilnya uboka, nimi blebsinaʾ dubnya Yesus Kristus ululanya bera nuk aljaʾ perob heikek weknemabaʾ amba, or anaʾ gak eleganesil.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.

YUDAS 1:1

Ban momnya donaʾ era, nara Yudas, Yakobus alja weis edya, Yesus Kristus adya wa wenya uboka, nunjaʾ neyung Imik Neyung adya wanaʾ uboka, Yesus Kristus amba bo uboka youbsuk nim ek beibsin.