2 TIMOTIUS 4:16 - PERJANJIAN BARU NALCA YUBA

¹⁶ Nak heng goubenyekaʾ anasa, men yuba garawoka sekeldalamsa sum era, nimi ben hnonok sibin anaba arawanggunyek. Sikda nidyaʾ lobnyeekanya, sen-senem abgogorob. Anasa, wera malye, Imik Neyung adya sikenek nera malya ublum henggunususo, senelamna.

2 TIMOTIUS 4:16 ပူးပေါင်းရင်းမြစ်များ

MARKUS 14:50

Dara, alja yuba doro diriga ban nanga nidyaʾ ara, alak loboka, yok-yok sen-senem abgokek.

LUKAS 12:11

Ugun nong anyek, Yahudi nim edya yuba don ek sam gom, wenewoka bo usin nang saramek gom, senenggom dub nang hogung ak laga yana leleweisinobaʾ aboka bo binisak dara, ugunja dara, nunda hekaʾ huru yuba garabdanamab gom, hekaʾ lebnemab gom, aboka ganya daldom-daldom anaʾ ara mem.

YOHANES 16:32

Ugun doluwoka bokgoknesak salek ara, eimik yanamla, hnonda al wen seleb yal. Ugunda ugunja e pik bokgokoka bindowanalumukanya, nara nabeyok lo bininulum bok, nabeyok unggulumnamna, nadyaʾ neyung beb neikaʾ alablaboka ulumnanam.

RASUL 22:1

Paulus wenhyok, ”Neyung yabo hemyab o! Nadya wen ugunuk yuba garabdanamna. Anasa keblulum.”

RASUL 25:16

Bok nadya lebsa ara, Roma nang ek dara, salyaʾ nadya ok ganya doboka henga gereganggunusinya. Sik unulumak ara, yuba damoka minimna nang eb, alak ununanya bek yuba saboka lelemna nang eb, al nonga yuba damoka yana kinanya beneba, darasam yuba sekeldalanabok bar anasa, nadyok ganya doboka unuwanggunusinya, amsa.

RASUL 7:60

Dara onoʾ, hnon komo lumugoka Imik Neyung ak yuba bii aboka lemokja, ”Wenelesilimnya Imik Neyung o, ban unulumak malya unaʾ era sikenek lunuwoka gwirib lobsimenek lobnelam,” aboka molobgogomokaʾ seleb dara, alda dib somogomok.

1 KORINTUS 13:5

Wanaʾ unaʾ ara, salyaʾ ganya adya yokaʾ-yokaʾ ununggulumla, nadya yok nim edya bok, nadyinya nok dolulaʾ aboka senewoka wegenggulumla. Wanaʾ unaʾ ara, yu ganya berra bonggulumla, alda gogobaʾ ganya bonggulumla, mona yeilirub ganya mekaʾ bonggulumla.

1 KORINTUS 9:3

Wera, nimi yok nang edya, anda Imik Neyung yuba lenaʾ gaknya gomaʾ aboka lolonyak dara, nara ban nenyek sikenek lelesin.

2 KORINTUS 7:11

Wera ban neik ganya era, al Imik Neyung seinilamla sok, ugunja angoo senewoka soloma dasuknya nedya unusukaʾ anyek, ugunda pe kendenelum! Wera an ganya enyek bolumaʾ adya, ganya goulunaʾ hnon lumaʾ ganya enyek, perobaʾ nenenaʾ hnon, malya unaʾ lek senenaʾ hnon, lok ganya hnon, nunda eibsibya senen ganya hnon, yeirinaʾ ganya hnon, meknelemak nim ek igina nenesinaʾ ganya hnon, ban bololum ganya adya, ugunuk nidyaʾ laga dosuk. Dara unululumaʾ nidyaʾ adya pe memelum beknaʾ ulumla.

PILIPI 1:17

Bok men lebman yok nang ek dara, Kristus yuba lero yabalamakaʾ ara, dib gomnya nenesa nunokok pewosulul senewoka lero yabalamak. Ban unulumakaʾ nong adya, wera na an henga geregoka beibnyekaʾ anyek ulunanya bek an nauba igina kweiyiwanamab senewoka unulumak.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

2 TIMOTIUS 1:15

Nimi nidyaʾ Asia moka ulumak nim era, nak ara loboka yokok byik. Dara, Figelus beb Hermogenes beb dadyaʾ anaba, seleb nak lo binirekaʾ ara, anda ella ululam.

2 TIMOTIUS 4:10

Demas bera sokok anyek wanaʾ uboka, nak ara seleb lo binyok. Alda seleb Tesalonika heikek byuk. Kreskes bera alda seleb Galatia moka byuk. Dara, Titus beneba Dalmatia heikek byuk.

2 TIMOTIUS 4:15

Bera alda nunja lelemab yub enera, bol nenel goklesilaʾ anasa, anda alak pe keeboka ululom.

1 PETRUS 3:15

Bok ugunja ganya lomok ara, Kristus ara nunjaʾ Wenelesilnya ulusululaʾ aboka dibaʾ memaʾ nenewoululum. Ugunja Imik Neyung adya eimik era anyek eleganesilaʾ dobnemab senewoka diri ululumaʾ anyek, yok nim edya ugunuk heibnesak dara, nunda anasa ulumab aboka orowek seinibgoboka pe neknelum.