2 TIMOTIUS 4:10 - PERJANJIAN BARU NALCA YUBA

¹⁰ Demas bera sokok anyek wanaʾ uboka, nak ara seleb lo binyok. Alda seleb Tesalonika heikek byuk. Kreskes bera alda seleb Galatia moka byuk. Dara, Titus beneba Dalmatia heikek byuk.

2 TIMOTIUS 4:10 ပူးပေါင်းရင်းမြစ်များ

MATIUS 12:32

Nimi ben hnon nimi dibaʾ me nek malya leboka walamla dara, wenyamso malya unaʾ era, or alja sobaʾ memelamla bok, alda Imik Neyung Geisinya ak walamla dara, wene salek gom, soko sidyaʾ daknamla sum eneba, benedya malya unaʾ era alak ab dibaʾ meewanggunumla!” hyok.

MATIUS 26:56

Bok, youmaʾ ununumnaʾ lelemek nang edya ban nenyek unuwanamla aboka orowek momnya dobeknya nenyek gigiwolulaʾ aboka nera ublum,” hyok. Dara, Yesus adya yuba doro diriga ban nang era alak ok loboka, sen-senem abgokek.

LUKAS 14:33

Anya onoʾ Yesus adya dara, ”Anasonya neikek ugumba unuwanalum. Nimi ben hnon ugun gangganek ara, alda yokaʾ-yokaʾ nidyaʾ aljinya nek ara, loboka ubnenggunumla dara, alda nadya yuba doro diriga bannya danggunumla,” hyok.

LUKAS 16:13

”Neiknya bedya nimi penya nang emba hiboka dara, wa pe webnenggunususo. Dara, alda hnonnya bek ara lek ganya boboka, onoʾ yoknya bek ara wanaʾ ubnamso. Goma, mennya bek ganya goluwoka, yoknya bek ara, dolbalek ganya bobnamso. Anasa, ugunda Imik Neyung wa we, rupiah wa we, ubnenggunusom,” hyok.

LUKAS 17:32

Lod alaʾ gel ak umokaʾ anyek ugunda pe beknelum!

RASUL 13:13

Paulus beb alja hemyab eb dara, Pafos heikek ab ara, mek ekla bunaʾ ak bukoka balamek ara, Pamfilia sokok sam Perga heikek byik. Wera anyaganyeb danyek, Yohanes Markus bera sikenek sikbeyok loboka, alda on pik losaawoka Yerusalem heikek yok.

RASUL 15:38

Bok Paulus bedya, sikeneblaboka neikaʾ pe uboka wa wenaʾ orok uboka, onoʾ men yuba lero yabalamek sum enyek, anam pikik balamekjok, Pamfilia heikek ab ara losaawoka Yerusalem heik yeilimoknya bek, Paulus bedya dara, bera neikaʾ yabanaʾ ara perob senewanggumok.

RASUL 16:6

Imik Neyung Geisinya adya Paulus beb, Silas beb dak, Asia mok era Imik Neyung yuba lel birijek aboka mem hyok dara, loboka sikda Frigia sam hnon, Galatia sam yuba lebgiga birik.

RASUL 17:1

Paulus beb Silas beb dara, pikik balarek ara, Amfipolis sam ab ara, Apolonia heikek ab uboka, Tesalonika heikek lanal birik. Dara, Tesalonika heikek ara Yahudi nim edya yuba don e hnon ulumok.

RASUL 17:11

Dara, Berea heikek nim era, ganya hegom aboka perob so ulumek bok, Tesalonika nim ek dara, gasa ganya bolomek. Wera onoʾ, sikda Berea nim era, Paulus bedya Imik Neyung yuba lelemok dara, sikda ganya eleleng aboka pe dolomeekanya, onoʾ Paulus bedya Yesus yuba lelesil ara, aldib gom aboka dara, Imik Neyung yuba bukuk sam sobaʾ ella danob aboka eboka einilimek.

RASUL 17:13

Wera Yahudi nang edya Tesalonika heikek ab sam kelemek enyek, Paulus bera Berea heik Yesus yuba nim ek leboka unulamla an yuba kemek dara, sikbabya Berea heikek yeiniboka, nimi ganya soro-wara eiyiwoka, nimi nidyaʾ ganya ara yu neniyisik.

RASUL 18:23

Wera onoʾ Paulus bera Antiokhia heikek ara, or li wen ubuk dara, yok sum era lanawoka Galatia sam hnon, Frigia sam hnon, yuba doro diriga ban nang ek ganya migib elegoka kayiwoka ubgiga yabalamok.

2 KORINTUS 2:13

Titus benyek eibnenggubsaʾ anasa, nadya ganya seininaʾ goʾ pe kaboka ubnenggubsa. Dara anyagan ulumek nim ek, nara binimna aboka lebgogowasa dara, Makedonia moka bisa.

2 KORINTUS 7:6

Bok, Imik Neyung adya alda nimi malya dan nim ek ganya hekellilisilnya bedya, nuk dara, Titus benyek anyagan bo yokaʾ nong adya, nunja ganya hekom husuk.

2 KORINTUS 8:16

Nara ugunuk senelesin sok, Imik Neyung adya Titus benyek ganya gouluwoka ugunuk aran ganya elegokaʾ anasa, Imik Neyung ak giblenob!

2 KORINTUS 8:23

Titus bek dara, nadyaʾ hembe yokaʾ nong uboka, ugun arasin wa neikaʾ welenamnya bek ulumla. Alda yok penya nang alab neikaʾ yalamak nang dara, anyagan Imik Neyung yuba donaʾ nim edya wa nen welemnelum aboka bokosak nang. Onoʾ sikda Kristus si imik nenelerak nang ulurak.

2 KORINTUS 8:6

Ban unumek anasa, ugun gangganek sam hnon, Imik Neyung adya pe arawoka unulusilaʾ adya, neik unaʾ unulumnulum aboka, Titus bedya nek einimoknya nenyek webdaknamla aboka orugomouba.

GALATIA 1:2

Dara nab, nunjaʾ hemyab anyagan yuba donaʾ nim ulumak nim eb dadya dara, Galatia sokok yuba donaʾ nim ugunsamba momnya doboka beibsab.

PILIPI 2:21

Nimi yok nimi nidyaʾ ara, Yesus Kristus amba dara seininaʾ loboka, alda nunokok pewanasilinya nenyek senewoka seiniro balamak.

1 TIMOTIUS 6:10

Nim ara, rupiah ganya ok hwilimak dara, wera yok-yok malya unaʾ damoka gong-gong lanalamla. Hnon nim era, rupiah ak nauba dobsibya ganya adya, yuba dib senen ganya dilinaʾ loboka, nimi ganya soldobdangoka, sikda hyak nauba igin ganya nenebdangamek.

1 TIMOTIUS 6:17

Anda sokok sam bonaʾ dub nim ek sobaʾ ulmoubnenggulumla bonaʾ emba leboka dengdang ganya boboka, bonaʾ ak ganya dib beiliwomunuk aboka, wenyaboka neklesilom. Bok saawoka, alda Imik Neyung nuk yokaʾ-yokaʾ nauba gigiwosulul senewoka, eleklesilnya bek ok ganya kweboka welenokaʾ aboka, neklesilom.

2 TIMOTIUS 1:15

Nimi nidyaʾ Asia moka ulumak nim era, nak ara loboka yokok byik. Dara, Figelus beb Hermogenes beb dadyaʾ anaba, seleb nak lo binirekaʾ ara, anda ella ululam.

2 TIMOTIUS 4:16

Nak heng goubenyekaʾ anasa, men yuba garawoka sekeldalamsa sum era, nimi ben hnonok sibin anaba arawanggunyek. Sikda nidyaʾ lobnyeekanya, sen-senem abgogorob. Anasa, wera malye, Imik Neyung adya sikenek nera malya ublum henggunususo, senelamna.

TITUS 1:4

Titus o, anab nab dara, neik Kristus ek dib senenumaʾ anasa, wera anda nadya me yokaʾ nong ululam. Nadya dara, anak nunja bleblesilnya Yesus Kristus adya hnon, nunjaʾ neyung Imik Neyung bedya hnon, wanaʾ uboka eleksinaʾ ab, ganya angawoka unaʾ ab, elegogulul e.

PILEMON 1:24

Hnonda nadyaʾ hemyabo ban nang danadya, Markus beb, Aristarkus beb, Demas beb Lukas beb dadya ugunuk perob aboka gibsak.

2 PETRUS 2:15

Ban unu nauba malya unulumak nim era, wanaʾ unaʾ pik era banaʾ loboka, malya pik biniboka seleb weiningdangamek. Ban nim enera Beor bedya me Bileam bedya balamok pik enyek, doboka balamak. Ban Bileam bera alja malya pik anyeb uboka, nauba rupiah dobnamna senewoka malya ulumok.