2 TIMOTIUS 3:8 - PERJANJIAN BARU NALCA YUBA

⁸ Youmaʾ danyek Yanes beb, Yambers beb dadya, Musa bek bleklerek sok, onoʾ neikso ban malya unulumak nim era, Imik Neyung adya dib nong yub ek bleklemak. Sikja ganya era seleb oulaʾ oboka blobsuk. Sikja yuba dib senemekaʾ ak ara, saawoka dobnamenggom ubsuk.

2 TIMOTIUS 3:8 ပူးပေါင်းရင်းမြစ်များ

RASUL 15:24

Nunja anyaganyeb kemab dara, anyagan nun gangganek ab ugunuk an yeiniboka, sikja lemek adya ugunuk sam malya nenewoka hnon ugunuk ganya soro-wara eiyiwoka, ugunuk unulusak anaʾ ara kemab. Nunja dara, sikenek unulululum aboka oruksinaʾ ara orok bok, unulusak.

ROMA 1:28

Hnonda, Imik Neyung ak nunjaʾ neyung anyaʾ aboka laga len ganya enyek bonaʾ orok anasa, sikda Imik Neyung adya ganya eiyiba daranaʾ ganya enyek elegousuk. Wera anedya, sikda unuwamenggomnya nenyek unuru yabalamek.

ROMA 16:18

Banaso nim era, nunjaʾ wenesinya, Kristus amba wenggulumak anasa, bok sikja mon emba weldalamak nim. Sikja yub sanaʾ edya hyak or senewanok aboka bugumaʾ saboka, sikja yub era pero makaʾ lelewoka, ganya pe ulumak nim ek wenyaboka sondaʾ lelemak.

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.

1 TIMOTIUS 1:19

Anda dib nong yub enyek ganya kweboka salabmoubmenekanya, ganya seininaʾ ak nekel eleklesilnya nek pe keboka, dulaʾ engewoka welelom. Hnon nim era, ban ganya lomok ono wenelelanya nenyek pe kenaʾ orok dara, sikja dib senelemakaʾ ara malya dangoka eiyiba daralamla.

1 TIMOTIUS 4:2

Sikda yuba lelesak nang era, sikja lelesija yub era sondaʾ yub ella ulumakjok, sene bobnenewoka lebnesak. Sikja ganya lomok ara sobaʾ bleilimna girik ek heilimla soko adya, sik damnya dara nunda malya ulumabaʾ ara ella unggulumak.

1 TIMOTIUS 6:5

Dara nim enera, gogobaʾ hman ganya ok wek deknewoka neik ganya ok bobmoubuka ulumak. Nim en sik ulumak pik seleb serekleboka, yuba doboka dib jong pik era hnon laga dangoka unggulumla. Dara, nidyaʾ bonaʾ dukaʾ dangalamak ara, yuba dolomakaʾ adya anasa unuwanamab senelemak.

2 TIMOTIUS 4:15

Bera alda nunja lelemab yub enera, bol nenel goklesilaʾ anasa, anda alak pe keeboka ululom.

TITUS 1:10

Yuba blekoka eʾ dem yuba leboka, nimi gliboka yokaʾ amba bo balasak nim era nauba ulumak. Okoka dara, Yahudi yuba domek nimi nong enyek, anaso nauba ulumak.

TITUS 1:16

Sikda sondaʾ anasa nunda Imik Neyung ak ella ulumab alamak bok, sikja unulumakaʾ adya, ella ulumab anaʾ ak sonda nenelemak. Sikda omoma dablesil nim ulumak. Sikda yub ak ganya dib oloknaʾ ara lek senelemak nim ulumak. Sikda perobnya nemba dara, pe ununaʾ ara unuwanggunuseng nim ek anara ulumak.

2 PETRUS 2:14

Nimi malya unaʾ ok goluwoka ulumak nim era, hyak nauba malya ulwenelemak. Sumen enyek anyek unumoubaʾ ara elgom uboka, beiyik salyaʾ salalemak gelewa enyek ganya wekenadyok ulumak. Anya nimi yuba dib ganya oloknaʾ orok nimi gliboka anyagan bo balasak. Sikda bonaʾ dub nang danob senewoka, sikja ganya era malya unaʾ adya ok e soboka ulumak. Sikda seleb malya nenewoka, Imik Neyung adya obsuk nim ek ulumak.

1 YOHANES 2:18

Najabo yab o! Yokaʾ-yokaʾ nidyaʾ sidyaʾ daknamla sum era, seleb oka dal! Hnonda eimik era Kristus ak isaʾ nenewanelanya hnon lanawanamlaʾ kelumaʾ ara, wera seleb lanawoka, nimi nauba Kristus ak isaʾ nenelemak. Wera anadya nunda sidyaʾ dakna salek era oka dal, senewoka ella ulumab.

1 YOHANES 4:1

Nadya wanaʾ ulusin hemyabo nim o! Sondaʾ anasa nunda ununumnaʾ len nang aboka, bobnenewoka lemek nang era, mok soko nidyaʾ ob lelewal bok anasa, yok-yok senenaʾ ak ara salyaʾ dib senenaʾ ara loboka, alda men ganya seininaʾ enera Imik Neyung adyinya gom, nera yok gom aboka men sunuwomunjok, wera aldib senewanalum.

WAHYU 2:20

”Bok nara anak igin ganya bolenggenaʾ ara, Imik Neyung adya lelemla aboka laga sondaʾ amba lelemla gel Izebel gek, eil lololamaʾ ak, banyek hnonok ulumla. Nimi nadya wa wen nang ek sondaʾ leboka, gela salanaʾ nauba unuwoka, bisaʾ ak beil balamak denaʾ bukoka dero yabalemakaʾ ak, bobnenewoka malya pik bo ablesil.

WAHYU 2:6

Ban wenyhenaʾ anaba yokaʾ don perobaʾ anak ab ulumlaʾ ara, Nikolaus bek diriga ban maba lek alamnaʾ digum anyek, ambabya lek ganya bololamaʾ anasa, nenyek hnon pelemla senelenggen.”