2 TIMOTIUS 3:3 - PERJANJIAN BARU NALCA YUBA

³ Sikda yok nim ek wanaʾ unggulumnamak, malya ubgen bar aboka, laga leldanaʾ ara ununggulumnamak, sikda yok nimi si ak, bera malya unululanya aboka malya nenelemnemak. Sikda gasa hwam ok boboka ulumak nimi geknebaʾ ulumnamak. Sikda perob unaʾ ara, hyak lek senelemnemak.

2 TIMOTIUS 3:3 ပူးပေါင်းရင်းမြစ်များ

MATIUS 10:21

”Nimi nidyaʾ nadya weis ek obnelum aboka, yok nim ek lebdangdo yibinemak salek hnon yanamla. Neiksonya nera hnonda eili bedya alaʾ me ak gom, alja me nedya eili bek gom unubdangdo yibinemak. Meneng mab edya, sikjaʾ genong neyung ak yok nang ek obnelum aboka yuba dibdangdo yibinemak.

MATIUS 4:1

Wera Yesus ara bisaʾ dubnya Iblis adya sunuwolulaʾ aboka, Imik Neyung Geisinya adya hwalek oblyek sam bo byuk.

LUKAS 10:16

Anya Yesus ara alja yuba doro diriga ban nang ek, ”Nim ugunja yuba kelesak nim era, sikda nadya yub ek kelenyak. Alda ugunuk lek alasak nim era, sikda nak lek alanyak. Anya wera, nak lek alanyak nim era, sikda nadyaʾ neyung be na bokol yeilinyoknya bek, lek alamak,” hyok.

LUKAS 16:14

Parisi nang era, sikda Yesus adya ban nidyaʾ lelemokaʾ ara kelemek. Dara sikda rupiah ak wanaʾ hwam ulumekaʾ adya, Yesus ak okseb goluwek.

YOHANES 6:70

Danyek, Yesus sikenek, ”Wei, ugunda obadya nang enera, nadya sekiyisisaʾ an anano? Bok, ugun gangganek ara, ben hnon bisaʾ me ulumla,” hyok.

ROMA 1:29

An unulumakaʾ ara, hyak malya ganya hogung ok deknewoka, yu hwam ganya ab, naubaʾ dero bolosinya ganya ab, song ganya ab, hyak lek senen ganya ab, oldan ganya ab, waldan ganya ab, sondaʾ miniwoka len ganya ab, malya unaʾ nang eb neikaʾ hiboka, an ganya danyek unuru yabalamak.

ROMA 1:31

pe geremseng ganya orok nang, bojam ganya bonggom nang, wanaʾ senen ganya bonggom nang, anya yadyek anasa or arawounun ganya unggulumla nang.

1 KORINTUS 7:5

Anasa, gela nenya dobdangoka ulumunjok dara, malya ganya boboka, loboka yok-yok unaʾ ara mem. Seʾ amba dara, bokdangoka ulumnulum bok, nera men nenya ab gel ab unuwananam aboka, yuba sabdoumun dara, or unulumnulum. Bok, sobaʾ anaso unulmorulumun dara, bisaʾ dubnya Satan adya ugunuk galal yeisilyek anasa, seʾ ok bilimunaʾ ara youmun dara, gela nenya onoʾ neikaʾ ulumnulum.

1 KORINTUS 7:9

Bok, gela nenya dobsinya ganya nauba seinilemun dara, wera men gela nenya dobnelum. Gela nenya dobsinya ganya adya, anja ganya nauba oka delesilya dara, or gela nenya dobnelum dara, perob so.

1 TESALONIKA 4:8

Anasa, ben hnon ara ban yuba blekoka lolomla dara, nimi yub ak gom, alja Geisinya eleklesil Imik Neyung bedya yub ak blekoka lolomla.

1 TIMOTIUS 3:11

Anasonya neikek, gelewa anaba, yok nim ek malya yuba lenaʾ ab, gelewa danara ganya siklewoka diri ubdangoka, yok nim edya anaba pe ulumak aboka dib senewanemeija gelewa enyek ulunok.

TITUS 1:8

Dara onoʾ, alja ek sam nimi yalamak dara, perobaʾ leboka doro diyiwoka, alda perob unaʾ anyek perob senelelanya benyek, ganya siklewoka diri ubdangoka, pelelanya benyek, geisa ganya boboka, yamal longgululanya bek ululul.

TITUS 2:3

Anasonya neikek, onoʾ seleb kalamla nauba nim ek, Imik Neyung mabo pe ulumak diligaʾ enyek doboka ulunokaʾ aboka, yok nim ek miniwoka len yuba loboka, yu meka nauba deregoka unaʾ ara mem aboka neklesilom. Onoʾ sikda perob yub enyek nekdangoka ulunokaʾ aboka neklesilom.

YAKOBUS 2:6

Dub nimi nong adya ugunuk digam-gamaʾ neneweisinikanya, nimi yana lelesin ek sam bo balasak nang era, an ulumak bok, ugunja dara nim era loboka, bonaʾ garan nim ek malya geboka derelelum.

2 PETRUS 2:14

Nimi malya unaʾ ok goluwoka ulumak nim era, hyak nauba malya ulwenelemak. Sumen enyek anyek unumoubaʾ ara elgom uboka, beiyik salyaʾ salalemak gelewa enyek ganya wekenadyok ulumak. Anya nimi yuba dib ganya oloknaʾ orok nimi gliboka anyagan bo balasak. Sikda bonaʾ dub nang danob senewoka, sikja ganya era malya unaʾ adya ok e soboka ulumak. Sikda seleb malya nenewoka, Imik Neyung adya obsuk nim ek ulumak.

2 PETRUS 2:19

Ban malya uboka bobnenewoka neklesak nang edya dara, sikja malya ul eleklesak nim ek an, ugumba yok perob nimi dangoka ulumnelumaʾ amba or seknelum anaʾ eleganasab alasak bok, sik nong ak dara, sokok an nimi malya nenesinaʾ damok adya sikenek seleb henga goubsuk nang ek ulumakjok lelemak. Anasa nim ara yokaʾ-yokaʾ adya henga goublamla dara, wera bera henga goumnaʾ anadya wa wenya ulumla.

2 PETRUS 3:3

Ugunda men nonogoka beknelumaʾ nong ara, yokaʾ-yokaʾ sidyaʾ daknamla sum era, nimi nauba malya ulumakaʾ adya ok wekdeknewoka ulumak nim enyek boboka lanawanamak. Sikja ugunuk derewoka walamnesak.

YUDAS 1:16

Wera an unu malya unaʾ hwam ok ulumak nim era, sobaʾ yu yaboka gaga kiboka yok nim ek meknelelum aboka malya geblesak. Sikja nong unaʾ era, malya ubsinya ganya diligaʾ enyek ulumaakanya, sikda nonggo aldalamaakanya, nuk perob dosulul senewan dara, dibnya gom bok, miniwoka leboka, yok nim edya unuruwaʾ amba, pe makaʾ lelewoka lelemak.

YUDAS 1:18

Sikja dara ugunuk ara, ”Eimik soko dengaboka sidyaʾ daknamla salek oka danamla dara, perob yub ek dolbalek nenelemak nimi hnon lanawanamak. Wera an nim era, sikja malya unulunob senen ganya edyok wekdeknewoka ulumak nim ek ulumnemak,” hyek.

WAHYU 13:15

Anya onoʾ penenya yu nongaʾ ak, ban nonga sunuwoka memenaʾ ak an, embeng un hibaʾ elegolul aboka, migibaʾ anyek elegok. Anedya banera yuba saboka ubnamlakanya, nimi nauba ban sunuwoka memenaʾ ak an, gibnenggunumak nim era, obnesil aboka un hibaʾ ganya enyek elegok.

WAHYU 13:17

Anedya nimi hnon, ban yu nongaʾ adya si gom, einin momnya donaʾ an beknaʾ dibaʾ si unggulumlya nim era, yokaʾ-yokaʾ anaba dekoka, onoʾ deknok senewoka beilinaʾ anaba, hyak unuwanggunumak aboka, anera unuwosuk.

WAHYU 16:6

Dara sikda munaʾ Imik Neyung mab ab, ununumnaʾ len nang enenga seleb yek menegek anasa, anda wera sikbabya onoʾ eneng anyek deb eleganasilim. Ban enenga denaʾ ara sikinek dara, hyak domdigum nong!” globoka wenyaboka lebok.

WAHYU 17:6

Dara ban gel gera, munaʾ Imik Neyung mab uboka, Yesus amba laga leboka ulumek nang, sikja eneng enedya, yu meka demna anasoʾ anyek, ganya uu aro bulumokaʾ ak eibsa. An gel gen eibsegab dara, nara omom uboka hyak loka dabnyok.