2 TIMOTIUS 3:2 - PERJANJIAN BARU NALCA YUBA

² Nim ara nanokok pewonulul senewoka ulumnamak, rupiah hogung ok beiyiwoka ulumnamak, dengdang anaʾ ganya boboka sondaʾ hwam ok lelemnemak. Sikda yok nim ek geklewoka derewoka walamnamak, nauba nimi yuba lek senewoka bleklemnemak, eleganelemaʾ perob alamakaʾ ara, elgom ulumnamak. Dara, hnonda nimi pe ulumaknya nek ara, sikda lek senelemnamak.

2 TIMOTIUS 3:2 ပူးပေါင်းရင်းမြစ်များ

MATIUS 15:6

bera alja neyung ak, Or eleganggunumla, alalum. Anasa wera, ugunjaʾ neyung yab edya youmaʾ unulumek ununaʾ emba leboka, Imik Neyung yub ara dolbalekaʾ geblelum.

LUKAS 12:15

Dara onoʾ Yesus ara nimi nauba ulumek nim ek an, ”Nim ara bonaʾ dubnya ulumnaʾ anaba, embeng unaʾ ara anyagan anyek ganya kweboka unggulumakaʾ anasa, hmabaʾ ganya ab yokaʾ-yokaʾ sunulusilaʾ ak ab keeboka pe diri uldalalulum,” hyok.

LUKAS 16:14

Parisi nang era, sikda Yesus adya ban nidyaʾ lelemokaʾ ara kelemek. Dara sikda rupiah ak wanaʾ hwam ulumekaʾ adya, Yesus ak okseb goluwek.

LUKAS 6:35

Bok ugunuk dara, ugunja isaʾ nim ek wanaʾ ulumunukanya, sikenek pe unulumnulum. Ugunja bonaʾ yok nim ek seʾ elek lobmun dara, naba lunuwoka men elegonulul senen ganya bonggom. Ugunda nenesonya nenyek unulumun dara, ugunja deknaʾ imik heikek nauba uboka, ugunda Imik Neyung imik ululanya bedya mabo dibaʾ ulumnelum ara an. Al Imik Neyung ara, alda perob unaʾ elgom ulumak nim ek hnon, onoʾ perob aboka gibnenggulumak nim ek anaba, pe unulusilaʾ anasa, ugumbabya unulumnulum.

RASUL 5:36

Anasa wera, youmaʾ dara, nimi si Teudas bera, alda nara senenggomnya aboka gigibdangoka, nim alak diriga biniboka neikaʾ ulumek nim era hiboka dara, denga yuba odaraʾ badya nim ulumek. Bok, al nong ak obek dara, wera alja yuba dolomek nim era doluwoka, bokgokdangoka, alja yuba lelemok anaba gobdo dengaro lomok.

ROMA 11:18

Dara ban al soruk enesa leboka, ugunda hamaʾ daknenggom, mem! Bok ugunda hamaʾ daknelum dara, banyek seiniwanalum, anera ugunda an yareng enyek an maknenggublum, bok yareng enedya ugunuk an makal yousuk.

2 KORINTUS 5:15

Nim embengaʾ ulumak nim ara, siksamba ok unggulumnemak bok, alda sikenek perob dosululaʾ aboka somogoka embengaʾ suboka bukiyiwok Kristus emba ulunokaʾ aboka, Kristus ara nimi nidyaʾ amba somogosuk.

PILIPI 2:21

Nimi yok nimi nidyaʾ ara, Yesus Kristus amba dara seininaʾ loboka, alda nunokok pewanasilinya nenyek senewoka seiniro balamak.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

2 TESALONIKA 2:4

Wera, alda hyak dengdang ganya boboka, nimi malya nenewoka al nong nim adya giblemakaʾ anaso imik nenebdangoka, hnonda nim adya dara, Imik Neyung ak giblemakaʾ ara an senelemakaʾ nenebdanamla. Orokaʾ anaba al nong ara, Imik Neyung yokaʾ ek sam bukoka, nara Imik Neyung ara an aboka sondaʾ amba laga lebdanamla.

1 TIMOTIUS 1:20

Wera unumek nim era, hnonda Himeneus beb, Aleksander beb ulurak an. Dara, ban penya nang era, Imik Neyung si malya nenenaʾ anyek lobdurukaʾ aboka, nadya Satan bek doboka elegeisisa.

1 TIMOTIUS 1:9

Bok unuwanalum an yub ara, nimi pe ulumak nim emba eleganggusuk bok, alda yuba lek aboka bleklemak nim emba hnon, asaʾ hwam uboka yu ganya nim emba hnon, sokok ulumlaʾ digum ok ganya seiniro ulumak nim emba hnon, yuba donaʾ orokaʾ anyek salyaʾ ulumak nim emba hnon, oruknaʾ yub era elegousukaʾ ara, ella ulumab.

1 TIMOTIUS 3:3

Nimi bo usinnya bera, yu meka delelenya bek gom, oldanaʾ hwamnya bek gom, alda saawoka, namen ganya boboka, yok nim ek heknaʾ ganya ok uboka ululenya benyek ululul. Alda rupiah hogung ok bololenya bera beilinaʾ ara, mem.

1 TIMOTIUS 6:10

Nim ara, rupiah ganya ok hwilimak dara, wera yok-yok malya unaʾ damoka gong-gong lanalamla. Hnon nim era, rupiah ak nauba dobsibya ganya adya, yuba dib senen ganya dilinaʾ loboka, nimi ganya soldobdangoka, sikda hyak nauba igin ganya nenebdangamek.

1 TIMOTIUS 6:4

alda dengdang anaʾ adya ella neneldalalabok, yokaʾ-yokaʾ hyak elgom nong jok ulumla. Alda malya ganya edyok wek deknewoka ulmeilimdanyaʾ anasa mala weboka, ella ubnamenggom yuba, bobnenewoka geklero salamakaʾ adya bolgereklamla. Dara, bera ban adya solom ganya hnon, waldanaʾ hnon, hman leldanaʾ hnon, gogobaʾ ganya bobdangoka malya seneldanaʾ hnon, nauba lanalamla.

2 TIMOTIUS 3:4

Sikda yuba bo dil banaʾ ak perob senelemnemak, sikda imik nenebdangoka, ganya mok seinil banggulumnamak. Sikda Imik Neyung ak wanaʾ unya nera loboka, sokok an ununaʾ anyek wanaʾ nong ulumnamak.

YAKOBUS 2:8

Ugunja jongnya nenyek nim ek unulumun dara, wera nera ugunda unuwanalum an yuba momnya dobokaʾ ara, ”Andamnya wanaʾ uldalalam sok, an kabo nim ek wanaʾ ululom,” hyok yub ek sunuwoka unuro perob ok unululumaʾ ara an.

YAKOBUS 4:16

Bok ugunda wenera dengdang ganya boboka nauba nonggo aldalalum. Anya ban unu lelelumaʾ ara malya unaʾ anyaʾ.

YAKOBUS 4:6

Ban ununaʾ anaba, Imik Neyung adya nuk elegosuk wanaʾ uboka arasinaʾ enyek hyak senenggomaʾ ulumla. Ban nenesa leboka Imik Neyung yuba bukuk sam ara, ”Imik Neyung ara, ganya imik nenewoka ulumak nim ek lek senelesilikanya, ganya sokok nenebdangoka ulumak nim ek wanaʾ uboka aralesil,” aro momnya dobok.

1 PETRUS 5:5

Dara onoʾ ugun anam goubenya ululum nang ek hnon lebnesin. Ugunjaʾ nauba so nim edya yuba pe kelelulum. Imik Neyung yub ek sam ara, ”Imik Neyung ara dengdang ganya bolomak nim ek lek senelesilikanya, sokok nenebdangoka ulumak nim ek wanaʾ ulusil,” aro momnya dobokaʾ anasa, ugunda nidyaʾ ara ganya sokok nenebdangoka pe kemeldalamnelum.

2 PETRUS 2:10

Nauba so ara, nimi yana lelewanasilaʾ ara, malya unaʾ adya ok wekdeknewoka unulumak nimi hnon, sembejaʾ ganya adya ok uboka, Imik Neyung adya migib si nek malya nenelemak nim enyek, yana lelewoka obnesil. Nimi malya unaʾ hwam nim era hyak asaʾ ganya boboka, dengdang ganya bolomakaʾ adya imik heikek ulumak nim anaba geklewoka malya ura walamak!

2 PETRUS 2:12

Sikda pam unuruwaʾ ak beiyiwoka oboka youn danasa liklemak sokaʾ ak ulumak. Sikda hyak perob ganya era mekaʾ seininggulumak, anya sikja unulumakaʾ nidyaʾ ara salyaʾ anyek unulumabaʾ ara elgomjok, damok ara anaso danamlaʾ ara salyaʾ ulumakaʾ adya malya geboka derewoka lelemak. Anadya sikja meneng meknewoka unulumak malya unaʾ edya sik nonga geregoka, nim adya pam olomak sok, Imik Neyung adya dara, sikenek obnesil.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

YUDAS 1:16

Wera an unu malya unaʾ hwam ok ulumak nim era, sobaʾ yu yaboka gaga kiboka yok nim ek meknelelum aboka malya geblesak. Sikja nong unaʾ era, malya ubsinya ganya diligaʾ enyek ulumaakanya, sikda nonggo aldalamaakanya, nuk perob dosulul senewan dara, dibnya gom bok, miniwoka leboka, yok nim edya unuruwaʾ amba, pe makaʾ lelewoka lelemak.

WAHYU 13:1

Unuwoka, ban naga bagaʾ era, nauba longon mek berem sokok diri seklemok. Dara nara onoʾ kendesa enyek, hnon gamyakaʾ yu nong anyek, nauba longowok mek gwanek ab lanawokaʾ ak eibsa. Banera, bong ara sagobadyakanya, huk ara sekbadya ak lanawok. Anya ban bong ok ara, dub nang huk goulunaʾ anyek yok-yok goluwookanya, ban sekbadya hukuk ara, Imik Neyung ak waboka derenaʾ si anyek, yok-yok ulumok.

WAHYU 16:11

Wera an unu oka deregoka, soroka mouru balasuk dara, sikda Imik Neyung ak derewoka waboka ulumek. Anababya, sikda sikja yu hwam uboka unun malya unaʾ ak ab, ganya dangawanggumek.

WAHYU 16:21

Anya saragenaʾ mok doun naubaʾ anyek, alja igin era lima puluh kilogram anasoʾ ak, imik ab ara, nimi eilib ak siklero yibok. An unuwok enyek, ban nim enesa leboka, Imik Neyung ak derewoka hyak malyaʾ geblemek.

WAHYU 16:9

Dara nim ara, ban poba enedya yalegoka sesero byuk. Hnonda sik Imik Neyung si, ban igin damok bo uboka ululanya bek, derewoka malyaʾ geblemek. Wera an unuwosuk bok, sikda sikja malya unaʾ ak ab, ganya dangawoka Imik Neyung senenggomnya ululanya bek ara, gibnenggulumek.