2 TIMOTIUS 3:16 - PERJANJIAN BARU NALCA YUBA

¹⁶ Ban nidyaʾ Imik Neyung yuba momnya dobokaʾ anara, Imik Neyung sik ab gobomok. Dara, nim ek lel elekna damba hnon, nera malya ublam aboka wenewoka pe memen damba hnon, nim ara, Imik Neyung adya senelelanya nenyek unu sunuwoka jong ulululum aboka, wenesin damba hnon, perobaʾ ak ulumla.

2 TIMOTIUS 3:16 ပူးပေါင်းရင်းမြစ်များ

MATIUS 13:52

Dara onoʾ Yesus adya hnon lebokaʾ ara, ”Al nenesa aboka, nimi nidyaʾ yuba neksin nimi bok, Imik Neyung adya wenelemnesilaʾ ak ella dangamek nim era, e damnya benyek alja wenyok bonaʾ ab, youmaʾ bonaʾ ab, beilinaʾ ek ab doboka beiyik sam laga bo yalalanya benesoʾ ak ulumak,” hyok.

MATIUS 21:42

Danyek Yesus adya sikenek, ”Ugunda Imik Neyung yuba momnya dobokaʾ ara hnon mekaʾ eininggululum de? E sonaʾ nang edya, loboka e songgulumak girik era, men perob girika dangamok. Anera Imik Neyung adya unusukaʾ ara an, perob nongaʾ senelemab e! aro momnya dobok,” hyok.

MATIUS 22:43

Wenyek Yesus adya, ”Wera anaso dara, Imik Neyung Geisinya pik uboka, Daud bera, hekasa nimi blebsinaʾ dubnya bek Wenelesilnya aboka lemok do? Wera Daud bedya lebokaʾ ara,

MATIUS 26:54

Bok ban unumsoʾ anaba, Imik Neyung yuba orowek unuwanamla aboka momnya doboknya nenyek, weneba ubla sok gigiwolulaʾ aboka unuwanggunumso,” hyok.

MATIUS 26:56

Bok, youmaʾ ununumnaʾ lelemek nang edya ban nenyek unuwanamla aboka orowek momnya dobeknya nenyek gigiwolulaʾ aboka nera ublum,” hyok. Dara, Yesus adya yuba doro diriga ban nang era alak ok loboka, sen-senem abgokek.

MARKUS 12:24

Wenyek Yesus adya sikenek, ”Ugunda Imik Neyung migib ab, Imik Neyung yuba momnya doboknya nera elgom ululumaʾ adya, wera ugunda ganya ongo ibsuk nang ek ululum.

MARKUS 12:36

Nenesa dara, Daud bera Imik Neyung Geisinya gologomokaʾ adya lebokja, Wenelesilnya bedya, nadyaʾ wenelenelnya bek lebokaʾ ara, Anda nadyaʾ sirik soruk sam bulumenaʾ moruwoka, anja isaʾ nang era, nadya anjaʾ yan damumduk sam bo yanenggen, wenhyok,” hyok.

YOHANES 10:35

Anasa, Imik Neyung yuba doboka unulumek nim ek, im nang aboka si sisukaʾ anasa, wera nadya Imik Neyung bedya me nera, nara an alamna dara, ugunda hekasa nak malya lelemla aboka, yana kilinulum do? Nera Imik Neyung adya orowek munaʾ geboka sokok an bokol yeilinyoknya ulunabok unulunulum.

YOHANES 3:20

Nimi be hnon malya ululanya bera, dilinaʾ ak lek senelamlakanya, alja unulamla anyek laga danalyek aboka, dilinaʾ ak sam yangganggulumla.

RASUL 1:16

”Hem yab o, Imik Neyung yuba momnya dobokaʾ ara, gigiwoka unuwanamla. Geisinya bedya uboka Daud bedya lemokaʾ ara, Yesus henga goubuka obnemak aboka duba dangamoknya Yudas bemba lemokaʾ ara, gigiwoka unuwanamla.

RASUL 18:25

Onoʾ hnon Wenelesilnya bedya neknaʾ lomok ab uboka domoknya. Anasa wera, alda hyak ganya yeiriwoka Imik Neyung yuba Yesus ak geklewoka nauba lelemok bok, wera Yohanes Pembaptis bedya dalasukaʾ ok ella ulumok.

RASUL 20:20

Nara ugunuk pebsulul senelamsa anyek, sene mandenaʾ loboka welemsa. Nadya nidyaʾ ugunuk wenewoka neklesisa ara, or nimi hnoum senenggomaʾ ak hnon, onoʾ ugunja ek anaba wenewoka leboka neklesisa ara ella ululum.

RASUL 28:25

Wera Paulus bemba yuba sabnob aboka longomek ara, Paulus bedya yuba seleb lebgogomok dara, sikda nauba lolobdangoka goboka lo balamek. Paulus bedya lo balamek anasa sidyaʾ lebdakamok yub ara ban: ”Ununumnaʾ lelemoknya Yesaya bek pik uboka, Geisinya adya nunja neyung yabo youmaʾ nang ek lesuk yub era pe lebok.

ROMA 15:4

Anasa nidyaʾ yokaʾ-yokaʾ men danyek momnya doboknya nera, nuk anyeganyeb ella danamak senewoka seleb unu momnya dobok. Wera anedya nunda pe ganya gouluwoka salabmoubnaʾ ab, geisa Imik Neyung yuba momnya dobokaʾ ak ab ganya sangaldisinaʾ ab dadya, ganya welemnamab aboka unuwok.

ROMA 2:20

Dara, anda Yahudi nim emba unuwanalum an yub ek ab, anda yok-yok geremsengaʾ, dib nongnya neb doboka ella ululam anasa, anda sik elgom nim eb, ganya kabnenggom nim eb damba, wenewoka neksinya ululam.

ROMA 3:2

Wera, sikja naubaʾ perob soʾ ara, yokaʾ-yokaʾ amba hyak gong ulumla. Dara men nong ara, Imik Neyung yub ara sikenek men lobonggosuk.

ROMA 4:23

Anasa ban ”perobaʾ nenenaʾ ara, alak gebok,” wenhyoknya nera, Abraham bemba ok leboka momnya dobnenggubuk.

1 KORINTUS 12:7

Nuk nidyaʾ hiboka pewosululaʾ aboka, Imik Neyung Geisinya ara, nimi hnonok-hnonok yok-yok eleklesil.

GALATIA 3:8

Imik Neyung yuba momnya dobokaʾ adya dara, nimi Yahudi gom nim era sikda Imik Neyung ak dib senewanamak dara, ban adya perobaʾ nenewanasilaʾ ara, orowek ella ulumookanya, wera ban perob lero yanggan yub era men danyek Abraham bek, ”Imik Neyung ara an pik uboka, mok soko me nidyaʾ ara perobaʾ nenewanamla,” hyok.

2 TIMOTIUS 2:25

Alda bera, nimi yok nim edya alak bleklemak nim ek, sikba Imik Neyung adya ganya dangiyiwoka, perob jong yuba dobnok senewoka diri ulusilyikanya, pe namen uboka wenelemnesil.

2 TIMOTIUS 4:2

Anda Imik Neyung yub ara sobaʾ lel eleklelom. Perob salek gom, malya salek gom, sobaʾ meewoka ululom. Anda nimi ganya dangallilisilom, meilinya nera ban aboka wenelesilom, banyek unuwolulum aboka nimi ganya wekellilisilom. Anda hyak ganya kaboka siklewoka ulumenekanya, pe neklesilom.

IBRANI 11:1

Anasa ganya dib senenaʾ ara, yokaʾ-yokaʾ nunja ganya weboka dobnemabaʾ senenaʾ nong ak ulumlakanya, nunja yokaʾ-yokaʾ eibnenggunanya nek beknaʾ dibaʾ ak ulumla.

IBRANI 3:7

Anasa wera, Imik Neyung Geisinya adya wenyalasil sok, ”Ugunjaʾ neyung yab edya youmaʾ ek hwalek sam ab Imik Neyung ak lobaʾ nenewoka blekoka ulumek sok, ugunda sumen Imik Neyung yuba kebmunjok dara, saawoka gasa ganya bonaʾ ara mem.

IBRANI 4:12

Imik Neyung yub ara, embengaʾ ab, migibaʾ ab, yok-yok mal si nek ab dara, hyak yu nongaʾ ak ulumla. Imik Neyung yub ara, nimi nong ab, nimi ganya ab, lomok wekoka bokol meneklamla, onoʾ yok ab, nolonggwerenaʾ ab, ana lomok anaba bokol meneklamla. Anya, nimi ganya seininaʾ ab, unuwesinya ganya eb danaba, yok-yok nenewoka ella ulumla.