2 TIMOTIUS 3:15 - PERJANJIAN BARU NALCA YUBA

¹⁵ Anda hyak mekewek moruwoka, Imik Neyung geisa yuba seleb ella ululamaʾ nong anyek, pe seiniwanalam. Wera ban Imik Neyung yuba buku nong enedya Yesus Kristus pik uboka yuba dib senelemak adya embeng unaʾ dolomakaʾ ara, ella ululamaʾ anasa, pe salabmouboka ululom.

2 TIMOTIUS 3:15 ပူးပေါင်းရင်းမြစ်များ

MATIUS 22:29

Wera anasa Yesus adya sikenek, ”Ugunda Imik Neyung yuba momnya dobokaʾ ab, Imik Neyung migib ab, elgom ululumaʾ adya, wera meknewoka leblum.

LUKAS 1:15

Anasa alda, Wenelesilnya bedyaʾ saramek ab senenggomnya danamlakanya, yu mek gom, anggur dok mek ab dara, denggulumnamla. Anya alda anam beiblya salek ebaʾ ara moruwoka, Imik Neyung Geisinya adyok deknewoka ulumnamla.

LUKAS 2:40

Dara ban me nera nonga nauba neboka hyak migibaʾ kabgiga balamookanya, anya onoʾ geremseng nongaʾ anyek ubgiga balamookanya, Imik Neyung adyaʾ wanaʾ uboka eleksinaʾ ara, alak ulumok.

LUKAS 24:27

Dara onoʾ Yesus adya sikenek sam, men danyek Musa bedya hnon, nidyaʾ ununumnaʾ len nang edya alsamba leboka momnya dorob yub enyek lelewoka neksuk.

LUKAS 24:32

Dara sik moumen lel dalarekja, ”Pikek anam yalmanam dara, nub neikaʾ yuba salmab dara, Imik Neyung yuba bukuk sam ulumla yub enyek, nuk nidyaʾ lelewoka nekelmeisil dara, nunja ganya weldo-weldo sekelmeisilaʾ anano?” herek.

LUKAS 24:45

Dara onoʾ Yesus adya, Imik Neyung yuba momnya domokaʾ ara anasa aboka ella danokaʾ aboka, sikja ganya bakdebsuk.

YOHANES 5:47

Bok, ugunda Musa bedya momnya dobok yub enebabya dib senenggululumaʾ anasa, wera hekaʾ adya nadya ugunuk lelesinaʾ ara dib senewanasom do?” hyok.

RASUL 10:43

Men ununumnaʾ lelemek nang eneba alsamba yuba geklewoka lelemek. Dara, sik lelemek yub era, ban wenyaboka lelemek ara, nimi nidyaʾ Yesus si ak dib senewanamak dara, Yesus migib adya sikja malya unaʾ memelemnesil, hyek,” hyok.

RASUL 13:29

Wera sikda nidyaʾ seleb Imik Neyung bukuk Yesus amba geklewoka momnya doboka ara unubgogomek dara, Yesus nong ara gal dubuk ab ara, beʾ dakoka boblinggek dara, al nong ara girik lomok sokok sam diyimek.

RASUL 16:1

Wera Paulus bera balamok ara Derbe heikek ab uboka dara, onoʾ Listra heikek byuk. Dara, anyagan ara Yesus ak yuba doro diriga balamoknya si Timotius ben hnon ulumok. Alja genong gera Yahudi nimi yokaʾ bok, Yesus ak dib senewoka domok gel. Bok alja neyung bek dara, Yunani nang ulumok.

RASUL 17:2

Wera Paulus bera on ulumok so wek adya, alda Yahudi nang edya Imik Neyung ek byuk. Dara, Imik Neyung yuba momnya dobokaʾ anasa leboka, sikda neikaʾ ganya amomaʾ ubdangoka ulumek. Dara, Paulus bera ban unulumok salek ebaʾ moruwoka Sabat mem sum li winilya gobdo lemok.

RASUL 26:24

Paulus bedya anam wenyaboka yuba garawoka leldalamok salek enyek, Festus bedya Paulus bek dobmoruwoka lemok ara, ”Paulus o, anda hyak serema salawajok an. Anja yokaʾ-yokaʾ nauba ella dangalalam an adya, anda serema salawajok an,” aboka lemok.

ROMA 1:2

Ban aljaʾ perob lero yanggan yub era, alja ununumnaʾ lelemek nang, men sik pik uboka geisa Imik Neyung yuba momnya dobokaʾ lomok wenyalasuk.

ROMA 16:26

Hnon gunuwok bok, wenera Imik Neyung ulmoubnaʾanya bedya orugosukaʾ sunuwoka, yok-yok mok soko nimi nidyaʾ ara sikda ganya dib senewoka pe kenaʾ ak bo binok aboka, ununumnaʾ lelemek nang momnya dobokaʾ pik uboka seleb wenyalasukaʾ ara, wera seleb laga dok.

ROMA 2:27

Wera anaso dara, nim anam bolaʾ garawanggomnya bok, unuwanalum an yub ak pe unululanya bedya dara, eimik era, an wenenaʾ yuba damnya uboka, bolaʾ garananya bok, anda ban Yahudi nim emba oruksin yub ak bleklelam anasa, alja anak yana kibnenggel.

1 KORINTUS 1:21

Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

EPESUS 6:4

Hemyab ugun neyung yabo dangoka ululum nang ek lebnesin! Ugunja mab era meknewoka unuwomunaʾ anyek, sikda soloma daboka yu ganya bo bijek anasa, sikja ganya malya nenenaʾ ara mem. Alda Wenelesilnya bedya lelemla yub edya hnon, yok perob ununaʾ yub edya hnon, wenewoka nellililulum.

1 TIMOTIUS 4:13

Dara onoʾ anam yanggumnya salek era, Imik Neyung yub ara nimi yok nim ek hnon laga einib elegoka, pe wenewoka sikenek nekelmorulesilom.

2 TIMOTIUS 1:1

Nara Paulus bedya, nadya wanaʾ nong ulunggen me, najabo Timotius anak ban momnya donaʾ era weboka beibgen. Nara Imik Neyung adya seiniwoka donyokaʾ adya, Yesus Kristus bedya yuba lenaʾ gaknya uboka, Yesus Kristus lomok nim embengaʾ ulumnamak amok yuba lero yabalamna.

2 TIMOTIUS 1:5

Anja genong Eunike geb, anja donggel Lois geb dadya, sikja Kristus ak dib senelerek sok, anja Kristus ak dib senelelamaʾ ara, nara seiniwoka ulumna. Nadya dara, anda anaso uboka Kristus ak dib senelamlaʾ anyaʾ senelenggen.

2 PETRUS 3:16

Paulus bedya nidyaʾ momnya beillilisilaʾ ak ara, alda nenyek wenyaro beillililesil. Alja beillililesilaʾ momnya donaʾ era, hnon yuba damok era ella danganaʾ okna so ulumla. Anya elgom ubsin yuba damok era, nimi yokaʾ-yokaʾ elgom ulumak nim eb, Imik Neyung ak dib ganya ologoka donaʾ orok nim edya dara, dangawoka malya nenebmenekoka lolomak. Sikja dongdang aboka meknewoka unulumaknya nenedya, onoʾ sik nong anaba meneng dongdang anaʾ enedya malya neneldalamak.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.