2 TIMOTIUS 3:13 - PERJANJIAN BARU NALCA YUBA

¹³ Bok, malya unaʾ hwam nimi hnon, sondaʾ hwam ok wekdeknewoka ulumak nim era, nauba malya danggiga balamnamla. Sikja dara, yok nim ek sondaʾ lelemak bok, onoʾ sikbabya dirigoka sondaʾ lelemnesak.

2 TIMOTIUS 3:13 ပူးပေါင်းရင်းမြစ်များ

2 KORINTUS 6:8

Nuk hnon gigilisak salek era, onoʾ hnon derewoka walasak. Hnonda pe wenggulumak alasakjok, onoʾ hnon pe welemak alasak. Sondaʾ hwam nanga hnon senelesakjok, onoʾ hnon dib unulumak senelesak.

1 TIMOTIUS 4:1

Wera, Geisinya adya nuk laga poboka neklesilaʾ ara, dakalongnaʾ berem salek era, hnon nim era yuba dib senelemakaʾ ara goob loboka, sikda sondaʾ amba bobnenewoka lelesak yub ek hnon, bisaʾ adya ban nenyek unuwolulumaʾ aboka neklesil yub enyek, kebnemak.

2 TIMOTIUS 3:8

Youmaʾ danyek Yanes beb, Yambers beb dadya, Musa bek bleklerek sok, onoʾ neikso ban malya unulumak nim era, Imik Neyung adya dib nong yub ek bleklemak. Sikja ganya era seleb oulaʾ oboka blobsuk. Sikja yuba dib senemekaʾ ak ara, saawoka dobnamenggom ubsuk.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

2 PETRUS 2:20

Nunjaʾ Wenelesilnya uboka, nimi blebsinaʾ dubnya Yesus Kristus adya nimi malya nenelesil sokok ab seleb bleboka dobsuk bok, onoʾ eimik saawoka henga weboka youlesil dara, wera unuwanya bera men dara or pe ulunabok, eimik era hyak gobdo malya dangalamla.

2 PETRUS 3:3

Ugunda men nonogoka beknelumaʾ nong ara, yokaʾ-yokaʾ sidyaʾ daknamla sum era, nimi nauba malya ulumakaʾ adya ok wekdeknewoka ulumak nim enyek boboka lanawanamak. Sikja ugunuk derewoka walamnesak.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.

WAHYU 13:14

Dara, ban eimik yu nongaʾ enedya, lok so beknaʾ dibaʾ alak elegok adya, men yu nongaʾ amba leboka, loka dabsinaʾ unuru yabalamok adya, ban sokok an ulumeija nimi nidyaʾ ara, bobnenewoka ubsuk. Hnonda, ban men yu nongaʾ era, oldan gab edya menengaʾ diligaʾ hwam bok, or ulumlyaʾ anyek, alja nonga sunuwoka memenaʾ ara, galak girikek gom meewoka sekiyiwolulum aboka orugosuk.

WAHYU 18:23

Anya nim ara lampu dilinaʾ gom, nenya gela domna enyek eiya hlaboka sanaʾ yub gom digum danaba, hyakaʾ hnon kebnenggunumak. Hnonda anja bonaʾ bo dekel giriknaʾ nang era, senenggom nang ulumeekanya, yok-yok mok soko nimi nidyaʾ ara, anja bobnenewoka sonda lebsulum.