2 TIMOTIUS 2:26 - PERJANJIAN BARU NALCA YUBA

²⁶ Wera anadya sikja nunda anyek ulumabaʾ aboka ella ubdanamak. Anya sikda Iblis adya nadya yuba kelelulum aboka, sikenek gliboka bo biniboka henga weboka youlusil ak ab blebnesil aboka unulumnesil.

2 TIMOTIUS 2:26 ပူးပေါင်းရင်းမြစ်များ

LUKAS 11:21

Nimi ben hnon hyak migibnya benyek, alda hyak mala yakaʾ anyek, alja e pe welmorulamla dara, alja bonaʾ nidyaʾ ulumlaʾ ara or pe ulumnamla.

LUKAS 15:17

”Dara anyek eibkweboka seinibdokokanya, nadya neyung bedya ek uboka wa welemak nang era, denaʾ nauba bok loboka delemak bok, nak dara anyagan gwaneng okaʾ adya somoganamna!

LUKAS 5:10

Wera onoʾ Simon bedya alja hemyabo neikek welemak nimi Zebedeus bedya mabo Yakobus beb Yohanes beb dara, neikso loka dasuk. Danyek Yesus adya Simon bek, ”Anda lok ganya bonggom, mem. Al wene salek ebaʾ ara moruwoka, anda hadyaʾ dololam sok, nimi dol yabalemnelam,” hyok.

YOHANES 13:2

Yesus ab, alja yuba don nang eb, inimokaʾ anasa delemek. Iblis adya, Simon bedya me Yudas Iskariot bek, Yesus bek yuba dil bululaʾ aboka, ganyek seleb orugomok.

YOHANES 13:27

Dara, Yudas bera ban gwanenga dol yabok sab-sab enyek, Satan bisaʾ ara aljaʾ ganya lomok wekel yeilimok. Dara, Yesus adya, ”Or anja unuwonun senemennya nera, berra unul yabalom,” hyok.

RASUL 26:18

Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

RASUL 5:3

Dara, Petrus bedya Ananias bek, ”Anda ganya ek bisaʾ dubnya Satan weklul aboka, globol lolamakanya, anja soko dekelam rupiah era darasam era ansamba dolamaakanya, Geisinya bek sondaʾ lelelam ara hekasa ulam do?

1 KORINTUS 15:34

Ugunda wen eibkweblulum. Hnon sounuwoka malya ul soununaʾ ara hyak mem. Ugun gangganek sam ara, Imik Neyung yuba elgom nimi hnon ulumakaʾ anasa, ugunda alya ganya bobnesom.

2 KORINTUS 2:11

Nunda bisaʾ dubnya Satan bedya welemla wa pik era seleb ella ulumabaʾ anasa, nadya ban unulunanya nera, bisaʾ adya nuk lolowoka imik dalyek aboka unulamna.

EPESUS 5:14

Nenesa leboka yuba hnon ulumlaʾ ara, ”Anda hogunga malalamnya bera buklom, nimi somoknaʾ ak ab goboka buklom. Dara an nong ak Kristus adya dilinaʾ era, yebdo yibinenggel,” hyok.

KOLOSE 1:13

Anya, alja nunda gunaʾ migib ak ab seleb lobsuukanya, nunda alja wanaʾ ulumla me nedya heikek doro dibsuk.

1 TIMOTIUS 1:20

Wera unumek nim era, hnonda Himeneus beb, Aleksander beb ulurak an. Dara, ban penya nang era, Imik Neyung si malya nenenaʾ anyek lobdurukaʾ aboka, nadya Satan bek doboka elegeisisa.

1 TIMOTIUS 3:7

Ban benera, alja si nenera perob deng ok ululul anaʾ orok dara, nim adya alak meilinya seneweijikanya, alda bisaʾ dubnya bedya heng wel loblamlyaʾ ak obenggalyek anasa, alda pe ululenya benyek beibnok.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.