2 TIMOTIUS 2:2 - PERJANJIAN BARU NALCA YUBA

² Nadya anak nimi hnoumuk sam ab uboka nekenggesa yub era, onoʾ anja dara, saawoka bojam ulumakaʾ yok nim ek pe neknemeija nang ek unuwolulum aboka, nekoka dib lolonglesilom.

2 TIMOTIUS 2:2 ပူးပေါင်းရင်းမြစ်များ

MATIUS 13:52

Dara onoʾ Yesus adya hnon lebokaʾ ara, ”Al nenesa aboka, nimi nidyaʾ yuba neksin nimi bok, Imik Neyung adya wenelemnesilaʾ ak ella dangamek nim era, e damnya benyek alja wenyok bonaʾ ab, youmaʾ bonaʾ ab, beilinaʾ ek ab doboka beiyik sam laga bo yalalanya benesoʾ ak ulumak,” hyok.

MATIUS 24:25

Ban yokaʾ-yokaʾ nidyaʾ ara lanan salek era anam bok, nara ugunuk men wenyhesinaʾ anyek, ugunda keblumaʾ anasa, pe ulululum.

LUKAS 12:42

Danyek Wenelesilnya bedya dara, ”Heknyek wa bojam uboka geremsengaʾ welelanya benyek, wa damnya bedya yok wa wen nang sikenek den salek denaʾ eleklesululaʾ aboka, sikja dubnya sekiyiwanamla do?

1 KORINTUS 4:2

Wera, ban unuwoka arawoka welemak nang ara, wa ara yoknya bedya welelulum aboka, oruklesil dara, or pe bojam unulunok.

2 KORINTUS 2:14

Bok nunda Imik Neyung ak perob aboka sobaʾ giblemab! Al Imik Neyung welemlaʾ adya nuk sam ara, Kristus pik uboka yokaʾ-yokaʾ ak hmenga nenewoka ollamaklamab. Onoʾ alda nu pik uboka alak ella dangan gen-gen songaʾ anasoʾ ak, mok soko me nidyaʾ olleleklamla.

2 KORINTUS 3:5

Nunja unu welemab wa nemba dara, numbeyok dara, unuwamenggomaʾ ak ululabok, nunja unu migibaʾ welemabaʾ ara Imik Neyung adya ok eleklesil.

KOLOSE 1:7

Anasa, ban nidyaʾ ara, nunja neikaʾ welemabakanya, wanaʾ ulumabnya Epafras bek ab ella dangalum. Benera ugunja dara, Kristus wa wenya hyak bojamnya bek ulumla.

1 TIMOTIUS 1:12

Nara nunja Wenelesilnya Yesus Kristus ak perob aboka sob-sobaʾ giblamna. Alda nak aralenululaʾ aboka migiba seleb elegenyok. Wera wa nen wen dara, Paulus bera bojamnya senewoka sekiyinyokaʾ anasa, perob aboka giblamna.

1 TIMOTIUS 1:18

Najabo, Timotius o! Men ununumnaʾ lelemek nang edya Imik Neyung adya anak eimik wa welemnamla aboka geklewoka lenjekaʾ anyek, sikja lenjeknya nenyek seiniwoka, lebgen. Anasa, banera dib lebnyek senen ganya boboka, pe ganya duboka yeiriwoka welelom.

1 TIMOTIUS 4:14

Ununumnaʾ lelemek nang edya ansamba hnon orowek geklewoka lebjeekanya, nimi bo usin nang edya anak soruka luluwoka, Imik Neyung ak alda ban wa welemnamla aboka soruk diyinjekaʾ adya, ban unu welelomaʾ aboka elegenjeknya nera, beillonggom, mem.

1 TIMOTIUS 4:6

Ban nidyaʾ lelenanya nenyek, nunja hemyabo yuba dolomak nim ek, pe neklesimen dara, wera anda Yesus Kristus adya perob wa wenya dangamenaʾ adya ulumenja. Onoʾ nunja dib senelemabnya, Imik Neyung bedya alja yub edya, anja ganya ek lulungaʾ hmobdangoka anja wen an neklenjakaʾ doboka ululam yub ek an, sunuwoka ulumen dara, perob wa wenya ulumenja.

1 TIMOTIUS 5:22

Anda nimi yok nim ek benera Wenelesilnya bedya wa webnamla aboka, men berra soruka dib yaboka ununggom mem. Yok nimi malya unaʾ ak dara, anja dob salawoka neikik ununggom mem. An nong anyek pe geisa ululomaʾ aboka diri uldalalom.

1 TIMOTIUS 6:12

Anda Imik Neyung yuba donaʾ amba nimi mala yeiriwoka oldalamak sok, yeiriwoka amba unu welelom. Anda men danyek, nara yuba dib dobna aboka nimi nauba longomekaʾ gangganek ab pe laga lelumaʾ anasa, Imik Neyung adya anak youbunjokaʾ anasa, embengaʾ ulmoubnaʾ pik enyek salabmoublom.

2 TIMOTIUS 3:10

Bok anak dara, nadya men nekenggesa yub eb, nadya hekaʾ anaso uboka ulumsaʾ ab, nadya unu ulunun senelenanya neb dara, anda seleb eiyiwoka ella ululam. Nadya hyak dib nongaʾ anyek, Yesus Kristus ak dib senewoka onoʾ nim ek wanaʾ ulusinaʾ ara, anda seleb ella ululam.

2 TIMOTIUS 3:14

Bok Timotius anak dara, ban nang danadya neknyek senewoka seleb ella ululam bok anasa, anak seleb nekenjekaʾ keboka, anja seleb hyak dib senelelamnya nenyek pe salabmoubuka ululom.

IBRANI 2:17

Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.