Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 TIMOTIUS 2:19 - PERJANJIAN BARU NALCA YUBA

19 Bok, Imik Neyung adya ikimok egomnaʾ era, hyak mel-mel arob nong. Egomnaʾ eilibek ara lero momnya dobokja, ”Wenelesilnya bera alja nimi yokaʾ ak ella ulusil;” onoʾ, ”Nimi hnon nara Wenelesilnya bedyinya ulumna aldalalanya bera, alda malya unaʾ ara, hyak gobdo lobnamso.”

အခန်းကိုကြည့်ပါ။ ကော်ပီ




2 TIMOTIUS 2:19
69 ပူးပေါင်းရင်းမြစ်များ  

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.


Anasa wera, ugunda nidyaʾ sokok biniboka, nidyaʾ yok-yok mok soko nim era, nadya yuba doboka diriga ban nanga dangiyiwanalum. Anya Neyung bek si sibuka, alja me nek si sibuka, Geisinya bek si sibuka, sikda meka dalamnalum.


Bok nadya sikenek lebnesinaʾ ara, Ugunda naba elgom ulusin nim. Ugunda malya unaʾ ok ululum nim o, nak abaʾ ara men bululum! henemna,” hyok.


Wera bera e girik dubuk sam pe gasa somokaʾ adya, mok ab, kaboʾ dorogoka, mek iliwoka bobok sum era, e nera luka mabnenggumok.


Dara sikda bo yek. Dara, Yesus ara, ”Anyeganara heknedya sununaʾ eb, momnya donaʾ eb ulumla do?” aboka heibsuk. Dara, ”Kaisar dubnya wenesinya benyaʾ,” hyek.


Anasa wera, eimik era sondaʾ anasa nara nimi blebsinaʾ dubnya, nara ununumnaʾ lenya ulumna henemak nang era, nauba lanawoka, sikja dara, nimi hnon weboka dobsuk nim ek bobnenewoka sondaʾ lebnemeibyaʾ ak men aboka, yokaʾ-yokaʾ nauba beknaʾ eneba unuro yabalemnemak.


Bok e damnya bedya lebnamlaʾ ara, Nara elgom nim ek anasa, ugunda hekmok nang? Ugunda malya unaʾ hwam ok ululumaʾ anasa, anyagan abaʾ men berra bululum! henesil,” hyok.


Alja unaʾ era, nimi hnon e girik eilibek gasa darawoka somnaʾ anasoʾ ak ulumla. Benera alda soko lomok lok-lok aboka girik eilib yangawoka solomla. Dara moka bliboka mek ililamla dara, wera alda girik eilibek somnaʾ adya, e nera mel-mel anaʾ adya golol meneknenggulumla anasoʾ ak ulumla.


Nara pe domba pama beilinaʾ yokaʾ nongnya ulumna e. Neyung bedya nak ella ulunelekanya, nababya alak ella ulumna sok, anasonya neikik nababya nadya domba ak ella ulusin dara, sikda nak onoʾ ella ulunyak. Anasa, nara siksamba somogonun senelamna.


Ugunuk nidyaʾ lenggulusin. Nadya benyek aboka dosenya bera orowek ella ulumna. Bok, Imik Neyung yuba momnya dobokaʾ ara, nablaboka neikaʾ delenamnya bedya isaʾ gebnel, amok yub anyek, gigiwolulaʾ aboka ubnamla.


Bok, alja lelemla yuba dib dololanya bedya dara, alda dolomlaʾ adya, Imik Neyung ara alda dib nongnya ulumla aboka laga amalamla,” hyok.


seleb eibdangerek dara, onoʾ Antiokhia heikek bobdanga yeiniboka, anyagan yuba donaʾ nim eb neikaʾ uboka, nimi nauba ak yuba leb elegoka, sikba yuba doboka ulumek salek era gibnaʾ hnonok gobdo lemok. Dara, ban Antiokhia heikek ab men youbuka, Yesus yuba doro diriga ban nang ek Kristen nang aboka si sib einimek.


Wera anadya bokoka mek ublanya nera, yok sokok nimi nidyaʾ ara, nadya mab aboka si silimak Yahudi gom nimi nidyaʾ anyek, Wenelesilnya bek eboka dobnok aboka unuwanamna.


”Wen era, alda Yahudi yuba wa gakaʾ dub nang ek molowoka, Damsyik heik anja yuba dolomak nang ek heng geregosunun aboka yeililabok anasa lebna,” hyok.


Imik Neyung ara alja weboka dosuk nim era lek aboka yaknenggubsuk. Goma, Elia bera alda Israeli nim emba leboka Imik Neyung ak anaso unulumak al bilimokaʾ Imik Neyung yuba momnya dobokaʾ ak sam momnya dobokaʾ ara, ugunda elgom ululum de?


Anasa wanaʾ uldanaʾ ak dara, malye senewoka or-ora unaʾ ara hyak mem! Yu ganya boboka malya unya nera mok nenewoka, perobnya nenyek unulululum.


Anya ban yub en lero yabalamsa dara, nara nadyaʾ perobaʾ anyaʾ senelamsaʾ ara, Kristus si seleb ella unggulumeija nang mok soko era, yok nang edya seleb yangameija damok enyek, onoʾ nadya sounuwoka an eilib sob siklewanyek aboka, sikja mok heik era lelemsa.


Anya yok mok soko nim era, sikda Imik Neyung ak alja angoo yadyek senewoka arasinaʾ anasa leboka giblemneseng uruma geknewoulul aboka unuwok. Nera an momnya dobokaʾ ulumla sok, ”Anasa nara yok mok soko nimi gangganek ab anak giboka, anja si amba mazmur ber adya seboka giblemnenggen.”


Nunda wenera ella ulumabaʾ ara, Imik Neyung ara alak wanaʾ ulumak nang ek, alja adya ganya seinimokaʾ sunuwoka weboka dobsuk nang ek, siksamba perob damok lanalalulaʾ aboka dara, yokaʾ-yokaʾ nidyaʾ ara, Imik Neyung adya arawoka welesil.


Bok ban mab era anam beibnenggusuukanya, perobaʾ malyaʾ gom anam unuwanggurek bok, Ribka gek an wenhyok, ”Men karob so me nera goubenya so me nedya wa wenya danamla.” Anedya Imik Neyung ara alja weboka dobsuk yub era migibaʾ kablul aboka, bok ununaʾ adya gom, alda Imik Neyung alja yoululum hyoknya nedya unuwok.


Bok, Imik Neyung ak ganya ologoka wanaʾ ululanya bera, Imik Neyung adya alak ella ulumla.


Nadya wanaʾ ulusin nim o! Ban nidyaʾ unuwanasin hyokaʾ ara nuk lebsuk. Anasemba nunda al Imik Neyung ak lok ganya boboka, nunda al Imik Neyung amba gobdo geisaʾ perobaʾ anyek ulunob. Nunjaʾ ganya nonga malya nenelesil malya unaʾ nidyaʾ ara, dibaʾ loboka geisa nenebdanamab.


Bok wenyek dara, ugunda Imik Neyung ak seleb ella ululumukanya, dib nongaʾ ara, Imik Neyung adya ugunuk seleb ella ulusil bok anasa, dolbalek sonya uboka hmeng ganya dangoka, dil beillilumaʾ ara hekamba do? Hekasa ban dolbaleknya nek saawoka oruknaʾ nang danob senelelum do?


Wera Yesus Kristus ara men ikimok egomnaʾ uboka, yuba lenaʾ gak nang eb, ununumnaʾ lelemek nang edya ikimek egomnaʾ ak, ugunda anyagan makoka sobsuk.


Ban Imik Neyung enyek anyeb, alja mab imik ulumak nim eb, sokok sam ulumak nim eb dara, alja si nidyaʾ munaʾ gobdo ella dangoka dolomak.


Imik Neyung adya blebnesil sum emba, Geisinya bedya seleb ouma debsukaʾ anasa, Imik Neyung Geisinya bek ganya sugul eleknaʾ ara mem.


Wen unumnyaʾ adya mandewanyaʾ anaba, Imik Neyung mabo dangoka pe ulumakaʾ damok anyek unulumakaʾ ara men ella danalum aboka ubna. Dara nera, yuba dolomak nimi nong ara sikda egomnaʾ dibaʾ embengaʾ ulmoublamla Imik Neyung adya perob dib yuba dukduka dangalamakaʾ anasa lebna.


Wera sikda ban nenyek unulumeijaʾ adya, eimik danasa orowek munaʾ gobdo dobnemab senewoka sunuwoka beilimeijaʾ ara, an. Wera ban adya, sikda hyak dib embengaʾ ulmoubnaʾ ara dib dobnemak.


Anasa alda pe gasaʾ adya yangawoka son heikek, Imik Neyung adya seiniwoka sobnamla heik senewoka ganya gouluwoka diri ulumok.


Anasa wera, nadya wanaʾ ulusin hemyabo nim o, ugunda Imik Neyung yanamna amok sum enesa diri ululum salek era, ugunja unaʾ era, mekaʾ gegenaʾ ponaʾ loboka, hyak geisaʾ nongaʾ anyek dibaʾ pe ulululum. Imik Neyung ab ugunub neikaʾ pe kwebdangoka unaʾ ara, hyak pe bo uldalalulum.


Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.


Ban yok yu nongaʾ eiblamaʾ ara, men dara ulumok bok, wenera unggulumla. Bok, alda somoknaʾ gweren selengaʾ lomok ab gobnamlakanya, onoʾ somoknaʾ ak sam binimla. Soko an anam uyiwanggom enyek, sikja si embengaʾ un buku lomok momnya dobnenggubsuk nim era, ban yokaʾ yu nongaʾ ara, men ulumok bok dengamokaʾ ara, onoʾ lanawanamlaʾ anyek eibnemak dara, hyak lokja senewoka ganya omom uboka loka dabnesil.


Nara anda har sam ululamaʾ, nara seleb ella ulumnaʾ ara, anda bisaʾ dubnya Satan bedya dub heikek sam ululam. Anyek bok, anak dara, nadya si nek hyak pe bojam ulunelem. Nadya bojam unenya Antipas be ugunja heikek obek sum eneba, anja dara, nara Yesus ak dib senenggulumna aboka gunuwoka lebnenggublum.”


Anya, heik en egomnaʾ ikokaʾ ara, obadya senenggomaʾ ikoka sobookanya, domba me adya nim obadya nang yuba lenaʾ gak nang, sikja si nera anyagan momnya dobok.


Dara, alja hogung era eillilemnemaakanya, alja si nera, nang enedya asok ak nidyaʾ momnya domlyaʾ ak ulumnemak.


Anja hekaʾ unululamaʾ ara, nara seleb ella ulumna. Anasa, nadya ansamba yok nang edya sereganggom pik era seleb bak lobgesa. An nong ara mek migibaʾ ululamakanya, nadya yuba ek pe salawoka, nadya si nera gununggululamaʾ ara, nara seleb ella ulumna.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ