2 TIMOTIUS 2:18 - PERJANJIAN BARU NALCA YUBA

¹⁸ Sikda penya dara, perob yub ek ab seleb malya nenebdangoka mok darek. Wera sikja dara, nim embengaʾ suboka bun salek era, seleb yenewal wenyaro yabalarakaʾ adya, nimi yok nim ek hnon sikja dib senenaʾ ara seleb dolul meneklerak.

2 TIMOTIUS 2:18 ပူးပေါင်းရင်းမြစ်များ

MATIUS 15:13

Yesus adya sikenek lebsukaʾ ara, ”Nadya neyung be imik heikek sam ululanya bedya mebnenggumlya yinaʾ era, eimik nidyaʾ yarenga lelewoka gwenewanamla.

MATIUS 22:29

Wera anasa Yesus adya sikenek, ”Ugunda Imik Neyung yuba momnya dobokaʾ ab, Imik Neyung migib ab, elgom ululumaʾ adya, wera meknewoka leblum.

LUKAS 8:13

Alda yinaʾ girik lumok sokok sam yama yinggilimoknya nera, nim anam salek era ganya goluwoka yuba dolomak bok, yub ara dibaʾ sikjaʾ ganya lomok sam yinaʾ menggulusil. Sikda anam salek seʾ ok dib senewanaʾ ara, yokaʾ sunulyamasinaʾ yanggan dara, wonaʾ dangalamaknya nera an.

RASUL 5:39

Bok, sikja unulumak nidyaʾ ara Imik Neyung ak ab lanalamlya dara, wera ugunja sikenek yokaʾ-yokaʾ ununaʾ okna ubnesil. Nauba so ara, ugunda Imik Neyung ak isaʾ nenebdangoka mala boboka oldanaʾ danalum,” hyok.

1 KORINTUS 11:19

Ugun gangganek ara, har berek Imik Neyung adya perob senelesil nanga hnon, har berek yuba dib donaʾ orok bok, ulumak nanga hnon, laga danokaʾ aboka unulusil.

1 KORINTUS 15:12

Nunja ugunuk leb elekgiga yalasabnya nera, Kristus anyek somogoka embengaʾ suboka bukok aboka lel eleklesab dara, ugun yok nim era, hekasa seleb somogorob nim era, embengaʾ suboka buknenggunuseng alalum do?

KOLOSE 3:1

Dara, ugunda Kristus ab ganya neikaʾ subuka bukiyiwosuk anasa, Kristus ara, Imik Neyung alja sirik soruk imik bulumla ak, imik sam ululanya nenyek elelulum.

1 TIMOTIUS 1:19

Anda dib nong yub enyek ganya kweboka salabmoubmenekanya, ganya seininaʾ ak nekel eleklesilnya nek pe keboka, dulaʾ engewoka welelom. Hnon nim era, ban ganya lomok ono wenelelanya nenyek pe kenaʾ orok dara, sikja dib senelemakaʾ ara malya dangoka eiyiba daralamla.

1 TIMOTIUS 6:10

Nim ara, rupiah ganya ok hwilimak dara, wera yok-yok malya unaʾ damoka gong-gong lanalamla. Hnon nim era, rupiah ak nauba dobsibya ganya adya, yuba dib senen ganya dilinaʾ loboka, nimi ganya soldobdangoka, sikda hyak nauba igin ganya nenebdangamek.

1 TIMOTIUS 6:21

Hnon nim era, nunda yokaʾ-yokaʾ ella danganaʾ ara, seleb domouba wenyaboka, youmaʾ yuba dib senenaʾ damoka domekaʾ ara, seleb loboka meknewoka unumekaʾ anasa, amba unuwamenek aboka, keeboka ululom. Wera Wenelesilnya bedya wanaʾ uboka eleksinaʾ ugunuk ulusulul. Nara Paulus bedya seleb perob aboka gibgen.

2 TIMOTIUS 2:14

Ban nidyaʾ lebnanya nera, nim ek pe unululum aboka wenewoka bekellilisilom. Anya onoʾ, Imik Neyung saramek sam ab, mek yok-yok seininaʾ ok adya waldalamaknya nera, mem aboka wenelesilom. Nera perobaʾ nenenggulusil, alda kelemak nimi ganya malya nenelesilaʾ ok.

TITUS 1:11

Ban wenyhen nim era, neknenggunuseng yub edya, nimi nauba nim e gebman malya nenelesakaʾ anasa, sikja sibamaʾ hyak lebnok. Sikda ban unulumaknya nera, anadya deknaʾ salyaʾ malya uboka dobnobaʾ aboka ulumak.

IBRANI 3:10

Ban sikja ununaʾ enesa leboka nara yu ganya boboka wenyamsaʾ ara, Sikda sobaʾ ara nak bojam ununenaʾ orokaʾ anyek, nadya yub ek ganya ologoka ununggulumek.

YAKOBUS 5:19

Na kabo nim o! Nimi ben hnon ugun gangganek ara, dib yuba pik loboka yok ok sam balalabok, yoknya bedya benyek Imik Neyung ak gliboka bo yanamla dara,

1 YOHANES 2:19

Kristus adya alja isaʾ nang ara, nun nang yilaʾ dib unggulumekjok, nuk seleb lo bilisik. Nimi danara nun nimi yilaʾ uluseng bok dara, wera nub neikaʾ ulumnesibya. Bok nuk seleb lo bilisiknya nera, wera aldib nun nang yilaʾ unggulumakaʾ anyek, laga geknewolul.