2 TIMOTIUS 2:15 - PERJANJIAN BARU NALCA YUBA

¹⁵ Anak Imik Neyung adya dara, nasamba wa pe welenelnya bera an senelenggululaʾ aboka, hyak pe yeiriwoka welelom. Anja wa welelamaʾ ara, alya ubnelyek senewoka, anya Imik Neyung ak ab neknaʾ yuba pe sunuwoka neklelomaʾ aboka hnon, pe keeboka welelom.

2 TIMOTIUS 2:15 ပူးပေါင်းရင်းမြစ်များ

MATIUS 13:52

Dara onoʾ Yesus adya hnon lebokaʾ ara, ”Al nenesa aboka, nimi nidyaʾ yuba neksin nimi bok, Imik Neyung adya wenelemnesilaʾ ak ella dangamek nim era, e damnya benyek alja wenyok bonaʾ ab, youmaʾ bonaʾ ab, beilinaʾ ek ab doboka beiyik sam laga bo yalalanya benesoʾ ak ulumak,” hyok.

MARKUS 4:33

Yesus adya nimi yuba leb eleganesin dara, sikda ella ulumekaʾ ak sunuwoka, anaso nauba sunuwoka yuba lelesuk.

LUKAS 12:42

Danyek Wenelesilnya bedya dara, ”Heknyek wa bojam uboka geremsengaʾ welelanya benyek, wa damnya bedya yok wa wen nang sikenek den salek denaʾ eleklesululaʾ aboka, sikja dubnya sekiyiwanamla do?

RASUL 2:22

Onoʾ Petrus sikenek wenyasuk, ”Nadya hemyab Israeli nim o, nadya ugunuk ban dib lebnesin anyek keblulum. Yesus Nazaret mok ebnya bera, Imik Neyung adya seleb ugunsamba wa weblul aboka wa doboka elegemok anyek, beknaʾ elegesuk. Beknaʾ ara, Imik Neyung adya Yesus ak ab uboka ugun gangganek sam yokaʾ-yokaʾ lok so migib ununaʾ ab, senenggom lok so ununaʾ ab, yok so beknaʾ ab, unumokaʾ ara seleb eiyilum. Anasa, ugumbeyok ban nidyaʾ ara seleb ella ululum.

ROMA 14:18

Wera anasa heknedya ban nenyek sunuwoka Kristus ak welemla dara, Imik Neyung bek ganya hekeldilimlakanya, nim adya dara alak wa bobsuukanya welesilnya benyaʾ senelemak.

ROMA 16:10

Yokaʾ-yokaʾ ak ab dara, Kristus lomok hyak siklebdaboka ululanya, Apeles bek hnon gibna. Sik Aristobulus bedya ek nim dangoka ulumak nim ek perob aboka gibsin.

ROMA 6:13

Ugunja nonga, yana, soruk ara, nim on mal yin enesoʾ ak, ugunda malya unaʾ amba eleknenggom, mem. Bok ugun nong ara, nunda youmaʾ dara seleb somokdomoub bok, wera embengaʾ ulumab senewoka, Imik Neyung ak eleklelulum. Anya ban ugunja nonga, yana, soruk ara, perob nenesin mal yin geblelul aboka, Imik Neyung ak eleklelulum.

1 KORINTUS 2:6

Ban ulumsaʾ anaba, Imik Neyung yuba hyak ganya ologoka kaboka domek nim ek ara, naba hnon geremsengaʾ ella danganaʾ hnon lel eleklesin. Bok, ban lel eleklesin geremsengnya nenera, sokok an ella dangalamak geremsengnya nera unggulumla. Onoʾ sokok an dub dangoka ulumak nang sikja geremsengnya nera unggulumla. Eimik ban dub nang era, hyak denghenemak.

2 KORINTUS 10:18

Nim adya, gigildalalanya bera, aldib pe ulumla gomaʾ, bok Imik Neyung adya gigilamla nim ek hnonok aldib pe ulumla.

2 KORINTUS 3:6

Imik Neyung adya nadya wenyok ugunub dibaʾ wenyaldan yuba wa pe webnelum aboka migibaʾ nuk elegosuk. Ban wenyok yub era, momnya dobokaʾ ak unggululabok, alda ganya ak ulumla. Dara momnya dorob yub era somogollilisil bok, ganya ak yub era embengaʾ eleklesil.

2 KORINTUS 4:2

Nunda doknololanya, nimi malya dangoka alya dangananya nera, lek aboka lolomab. Nunda nim ak bob geregoka, Imik Neyung yub ak dangab menegoka unggulumab. Alda nuk dara, Imik Neyung wa welemabaʾ ara, dib nong yub enyek laga amawoka welemab. Ban adya, nimi nidyaʾ ara nuk dara, Imik Neyung hogung ak ara, aldib anara welemak senewoka, sikjaʾ mek ganya ek ab wensenewaneseng.

2 KORINTUS 5:9

Nunda sokok an ulumab salek gom, imik heikek ulumnemab salek gom, ara Imik Neyung ganya anyek perobaʾ nenel eleklenob senewoka dulumab.

GALATIA 1:10

Anasa wera hekaʾ hulumla senenulum? Nim adya or perob senelenyaknya nek elemna gom, Imik Neyung adya or perob senelenelnya nek elemna gom? Goma, nim adya perob senewanenok senewoka pik elemna de? Wenyek nim adya hnon perob senewanenok senewoka pik elemnya dara, nara Kristus adya wa wenya unggulumnaʾ laga danganenaʾ ara an.

EPESUS 1:13

Imik Neyung adyaʾ perob lero yanggan yub ugunuk blebsululaʾ aboka leb elegeisik yuba kel yabalum sum enyek, ugumbabya Kristus ab neikaʾ kwebdangoka un nimi dangalum. Dara, seleb dib senelum dara, Imik Neyung adya anasa leboka, alja eleganesin amok Geisinya era, alja mabo dangalamak beknaʾ dibaʾ ugunuk seleb elegousuk.

1 TESALONIKA 2:4

Orok. Imik Neyung adya dara, nuk anyek perob lero yanggan yuba lebnokaʾ aboka lobonggosukaʾ anasa, banyek bekoka lelemab. Lelemabaʾ ara, nimi ganya perob senewanokaʾ aboka lenggulumab, alda Imik Neyung nunjaʾ ganya ak anaba sunulusilnya benyek perob senewolulaʾ aboka lelemab.

1 TESALONIKA 5:14

Na kabo nim o, hnon ara ugunuk dukaʾ lolom-lolom alasab, Salyaʾ ulumak nim ek yuba seklulum, lok ganya bolomak nim ek ganya gwelelek aboka leblulum, hmeng ulumak nim ek arawolulum, nimi nidyaʾ ak, yongon ganya boboka berra ununggom.

1 TIMOTIUS 4:6

Ban nidyaʾ lelenanya nenyek, nunja hemyabo yuba dolomak nim ek, pe neklesimen dara, wera anda Yesus Kristus adya perob wa wenya dangamenaʾ adya ulumenja. Onoʾ nunja dib senelemabnya, Imik Neyung bedya alja yub edya, anja ganya ek lulungaʾ hmobdangoka anja wen an neklenjakaʾ doboka ululam yub ek an, sunuwoka ulumen dara, perob wa wenya ulumenja.

IBRANI 4:11

Men nim edya keboka pe unaʾ orok adya sikda malyinggilimek sok, numba ben hnon unuwalyek aboka, Imik Neyung adya dek-deka sonaʾ ak weknobaʾ aboka, perob so pik era sobaʾ duboka elemnemab.

YAKOBUS 1:12

Yokaʾ-yokaʾ sunulyamalamla salek enyek, ganya siklewoka ululanya bera pelemlaʾ nong ara an. Anasa wera, ban benera unu sunuwalyebok, alda ganya pe siklewoka ulumlya dara, wera Imik Neyung adya alak wanaʾ ulumeija nim ek embeng unaʾ eleganesin wenyasuknya nera, al hnon eleganamlaʾ anasa, pe ulumla.

YAKOBUS 1:18

Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

2 PETRUS 1:10

Anasa wera, nadya hemyab o, Imik Neyung adya ugunuk weboka youbusukaʾ ara, duboka pe ulumunaʾ adya, dib ulusil aboka amalelulum. Ugunda ban unaʾ enyek pe unulumun dara, yuba dololumaʾ ara, eimik era goowoka denghenggunumla.

2 PETRUS 1:15

Wera nera seleb somoganyaʾ anaba, nimi perobaʾ dangalamla yuba nekesinyaʾ ara, ugunda or beklelulumaʾ aboka duboka unulamna.

2 PETRUS 3:14

Anasa wera, nadya wanaʾ ulusin hemyabo nim o, ugunda Imik Neyung yanamna amok sum enesa diri ululum salek era, ugunja unaʾ era, mekaʾ gegenaʾ ponaʾ loboka, hyak geisaʾ nongaʾ anyek dibaʾ pe ulululum. Imik Neyung ab ugunub neikaʾ pe kwebdangoka unaʾ ara, hyak pe bo uldalalulum.