2 TIMOTIUS 2:14 - PERJANJIAN BARU NALCA YUBA

¹⁴ Ban nidyaʾ lebnanya nera, nim ek pe unululum aboka wenewoka bekellilisilom. Anya onoʾ, Imik Neyung saramek sam ab, mek yok-yok seininaʾ ok adya waldalamaknya nera, mem aboka wenelesilom. Nera perobaʾ nenenggulusil, alda kelemak nimi ganya malya nenelesilaʾ ok.

2 TIMOTIUS 2:14 ပူးပေါင်းရင်းမြစ်များ

MATIUS 16:26

Nimi ben hnon sokok ulumlaʾ nidyaʾ ara, nadyaʾ aboka dobnamso bok, aljaʾ nonga weiningganamso dara, alak ara hekaʾ perob danamso do? Goma, nim alja nong unaʾ amba hekaʾ ak amamaʾ ubnamso do?

RASUL 13:10

”Wei, anda hyak sondaʾ hwamnya ululam. Anda bisaʾ me uboka, nimi perobaʾ nenesinaʾ amba isaʾ nang dangallisinanya ululam. Anda hekasa Imik Neyung adya jongaʾ meemoknya nek sobaʾ soldol meneklelam do?” aboka lemok.

RASUL 15:24

Nunja anyaganyeb kemab dara, anyagan nun gangganek ab ugunuk an yeiniboka, sikja lemek adya ugunuk sam malya nenewoka hnon ugunuk ganya soro-wara eiyiwoka, ugunuk unulusak anaʾ ara kemab. Nunja dara, sikenek unulululum aboka oruksinaʾ ara orok bok, unulusak.

ROMA 14:1

Ganya dib senenaʾ hmengnya bek ara, aljinya leblenya nera keb loboka doblom.

GALATIA 1:7

Dib nong ara, yok Imik Neyung yub era, hnon unggulumla. Bok nim adya ok perob yuba lelemab alamak nim edyok, ugunja ganya bobnenewoka, Kristus adya perob lero yanggan dib nong yub ek sam-samel meneklemak.

EPESUS 4:17

Anasa wera, ugunda nim Imik Neyung elgom nim edya ulumak sok, ununggom, mem aboka, Imik Neyung si sibuka dukaʾ lolom-lolom aboka lelesin. Imik Neyung elgom nim edya, salyaʾ dib gomnya nok, seiniro ulumaakanya,

1 TESALONIKA 4:1

Na kabo nim o, wen sidyaʾ lebdaknesin. Imik Neyung perob senewosululaʾ aboka anaso unulumnulum ara ugunuk nekesub dara, keboka wen unululum. Dara, wenyok Wenelesilnya Yesus si sibuka, sobaʾ nauba so dolulaʾ aboka, onoʾ unul sounululumaʾ aboka, dukaʾ lolom-lolom alasab.

2 TESALONIKA 3:6

Nunjaʾ hemyabo nim o, nunjaʾ Wenelesilnya Yesus Kristus si sibuka ugunuk wenyhenesin, nunja ugunuk neklesab yub ek dib senenaʾ loboka, wa wenaʾ sulmalyaʾ hwam ok ura yabalamak nim era, men mok nenewoka ulululum.

1 TIMOTIUS 1:4

Salyaʾ malya hwam deng anyek maro lolomla yub ek ganya we bulumakaʾ hnon, youmaʾ morublinaʾ nim ek yana lelewoka unuwok aboka neklamnaʾ anyek, kero bulumak nim ek unululumaʾ ara mem, alalom. Ban nidyaʾ ara mal damok lanalamlaʾ ak anasa, Imik Neyung adya alak dib senewanaʾ anasa eleklesilaʾ anyek sunuwoka ununggulumakaʾ anasa, mem henelam.

1 TIMOTIUS 1:6

Bok hnon nim era, ban unuwanok senelenanya nera loboka, alda salyaʾ yuba salmorulumakaʾ ak an sikba gaboka youklomak.

1 TIMOTIUS 4:8

Nong amba migiba nenendamba dara, or mek perob so dangalamla bok, yuba doboka un ganya migiba neneldamba dara, nauba perob nonga dangalamla. Nera seleb wen salek amba hnon, eimik yanamla salek amba hnon, perob dangalamla an yuba hnon orowek ulumla.

1 TIMOTIUS 5:21

Nunda Imik Neyung hogung ak ab, Yesus Kristus hogung ak ab, weboka dosuk im lero nang hogung ak sam ulumabakanya, nadya nidyaʾ unuwalom aboka oruklenggenya nera, pe unuwalom aboka orugagen. Nenera na nimi yilaʾ gom, nenera perob lok so nimi gom, senewoka dolbalek asaʾ mek so ununggom. Alda al nidyaʾ nim ek neik so perob ok unululom.

1 TIMOTIUS 6:13

Nidyaʾ yokaʾ-yokaʾ embengaʾ eleklesilnya, Imik Neyung hogung ak uboka, youmaʾ Pontus Pilatus be saramek sekoka pe laga nekemoknya Yesus Kristus hogung ak ulumabakanya, ban nidyaʾ ara anak orugenggen.

2 TIMOTIUS 1:6

Ban nenesa leboka, nadya anak soruka diyiwoka heng uboka yuba lelelom aboka lenggesa sum enyek, Imik Neyung adya anak elegenjoknya nenyek nauba nenelelomaʾ aboka, gokoka neklenggen.

2 TIMOTIUS 2:16

Salyaʾ lelem yub era, Imik Neyung si ak malyaʾ nenelemak yub enyek, anda mok nenewoka ululom. Ban unu malya uro saro yabalamak yub era, nimi malya ganya nauba danggiga balasilaʾ anasa, anak dara, nera mok nenewoka ululom.

2 TIMOTIUS 2:23

Yok-yok dongdang anaʾ elgom yuba lelemakaʾ ak neikik hinggom. Ban sikja unulumaknya nera, waldanaʾ damoka lanalamla ara, anda seleb ella ululamaʾ anasa, ununggom.

2 TIMOTIUS 4:1

Yesus Kristus ara sokok an eikaʾ ulumak nimi hnon, somoklomak nimi hnon, yana lelewosununaʾ aboka yanamla. Dara, alda laga danamlakanya, alda dubnya dangoka wenelemnesilnya nenesa leboka, Imik Neyung saramek sam hnon, Yesus Kristus saramek hnon, ban nenyek unululomaʾ aboka molowagenaʾ ara,

TITUS 3:1

Wenewoka bo usin nang ek hnon, senenggom dub nang ek hnon, pe giboka yuba kelemunukanya, onoʾ perobnya nera, sobaʾ yeng ganya boboka unulululum aboka, anja yuba dolomak nim ek pe wenelesilom.

IBRANI 13:9

Wera ugunda yok beiyik sam ab neknaʾ edya ganya bob neneweisilyek mem. Dara perobnya nera ban, ugunja ganya era wanaʾ uboka eleksinaʾ edya migibaʾ geblesilaʾ anyek hnonok. Alda ban yok-yok denaʾ edya sik ban denaʾ enesa lelemlaʾ sunuwoka gigiwoka delemak nim ek perobaʾ nenenggulusilaʾ anegom.

2 PETRUS 1:13

Nunjaʾ neyung Wenelesilnya Yesus Kristus adya nara sokok anara loboka, imik heikek sam bininanya nera ulumna seleb nekenelaʾ anasa, nara anam embengaʾ ulumna salek era, nadya wa nenyaʾ aboka ugunuk pe bekellilimnesin dara, perob senelamna.