2 TIMOTIUS 2:10 - PERJANJIAN BARU NALCA YUBA

¹⁰ Wera anasa, ban nenesa leboka, Imik Neyung weboka gaboka dolosil nim enyek, sikda Kristus pik uboka eleklesil blebnaʾ damok hnon, anya sikenek si imik nenesinaʾ damok anaba, dobnokaʾ aboka, onoʾ nara yokaʾ-yokaʾ ara igina kweboka goululumaʾ aboka gweklamna.

2 TIMOTIUS 2:10 ပူးပေါင်းရင်းမြစ်များ

MATIUS 24:22

Imik Neyung ara unun salek enyek burumaʾ gebnaʾ orok dara, nimi ben hnon anaba gobdo blebnenggunumso. Bok Imik Neyung ara, alja nim emba leboka unuwanamna senemok salek era mekaʾ burumaʾ gebnamla.”

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

MATIUS 24:31

Dara nimi dibaʾ me nedya alja lero bedya poo anaʾ benggong yuba edya senenggomaʾ lebnamla dara, nim Imik Neyung mab ulumak nim era, im gokgoba nidyaʾ eboka bob mamaganalum aboka oruganesil,” hyok.

LUKAS 18:7

Anasa wera, Imik Neyung ara alja mabo silibaʾ edya inimnek yubyek pik arawoka mala dobnesilim alamaknya nek ara, mala dobnenggunususo de? Imik Neyung adya sikenek sum enyek arawanasin aboka, gokgiga binimso de?

LUKAS 22:57

Bok Petrus bera sondaʾ amba bobnenewoka, alja dara, ”Nara orok, benera nab elgomnya bek lelenulum!” hyok.

YOHANES 11:52

Ban somoganamoknya nera, sik Yahudi nim emba ok lebnenggumok bok, nidyaʾ Imik Neyung mabo bokgogoka ulumek nim enyek, bolowoka neikaʾ ak nenewosululaʾ aboka somoganamoknya nenesa, ununumnaʾ dibaʾ lemok.

YOHANES 17:24

”Neyung o, anja nak elegenulum nang edya, soko anam uyiwanggom danyek, men orowek anja nak wanaʾ ulunulumaʾ anasa, wera si imik nenenaʾ elegenulumaʾ anyek, sikda na ulumnyaʾ ak ulumeijekanya, nak si imik nenenaʾ anyek, sikba eibnokaʾ aboka mololamna.

YOHANES 17:9

Nara wen siksamba mololesin. Nara sokok an yokaʾ nim emba molonggulumna bok, alda Neyung o, anja nak elegenulum nang enyek, sikda anjinya nek ulumakaʾ anasa, mololesin.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

ROMA 9:23

Onoʾ saawoka ban yokaʾ-yokaʾ ak alja angoo yadyek senenaʾ elegousununaʾ ulumla ara aljaʾ perob senenggom bonaʾ enyek alja perobaʾ senenggomaʾ amba orowek memewoka ulumla.

1 KORINTUS 1:21

Imik Neyung nidyaʾ ella ulumlaʾ adya, nimi soko nim era hyak yokaʾ-yokaʾ nauba ellaʾ anaba, sikja ella unaʾ edya dara, nak ella danggunuseng senemookanya, nunja lero yabalamab yub era, nim adya malya yuba senelemak bok, ban adya nak dib senelemak nim era, blebnesin senewoka perob senemok.

1 KORINTUS 9:22

Dara, onoʾ yuba doboka ganya kanaʾ orok nimi sik gangganek anaba, na ulumna dara, nara yuba doboka ganya kabnenggunanya benesoʾ ak ulumna. Nera sik nong anyek, Kristus ak sam doboka bo younunaʾ aboka, sene uro yabalamna. Anasa al ban nadya nidyaʾ unulunanya dara, yokaʾ-yokaʾ nidyaʾ unulamnya pik anyeb uboka, sik nong anyek, Kristus ak hnon bleboka bo yousununaʾ aboka, nidyaʾ ara uro yabalamna.

2 KORINTUS 1:6

Nu nong anyek igina kwelesil dara, ugunuk blebsin damba hnon, ugunja ganya heknaʾ gebsin danasa ulusil. Onoʾ nuk ganya heknaʾ geblesil dara, nera ugunuk ganya heksinya nemba ulusil. Anadya wera, nunja yokaʾ-yokaʾ igina kwelesilaʾ anyek, ugumbabya neik so yokaʾ-yokaʾ igina kwelesilya bok, ganya siklewoka heiboka ulumnulum.

2 KORINTUS 12:15

Nadya ganya doboka yokaʾ-yokaʾ ara, ugunsamba leboka, nadyinya orok nenewoka dolomnakanya, na nong anaba malyaʾ neneldalamna. Nadya ugunuk nauba wanaʾ ulusin bok dara, ugunja dara, nak ara mek wanaʾ ubnenesom de?

2 KORINTUS 4:15

Wera ban nidyaʾ unulusilaʾ ara, ugunuk perob dosululaʾ aboka ulusil. Anasa nimi nauba ara, Imik Neyung adya wanaʾ uboka eleksinaʾ eiyiwoka, wera sikja Imik Neyung ak perob aboka giblemnemaakanya, wera anadya Imik Neyung si ara imik beillilemnemak.

2 KORINTUS 4:17

An wen mekaʾ igin ulusilaʾ anadya, nera wene salek seʾ ok ulusil bok anasa, eimik era hyak senenggom sobaʾ ulmoublemnamla imik nenesinaʾ danesil. Wen an ol neblesilnya nera or mek bok, eimik eleganesilaʾ ara, hyak senenggomaʾ perobaʾ ak eleganesil.

EPESUS 3:13

Ugun nong anyek, na pik uboka perobaʾ nenewosuknya nenesa leboka, nak an igina kweboka malya nenelenelaʾ anara, ugunuk si perobaʾ dolulumaʾ aboka ulumnaʾ anasa, ugunda angwei senewoka, ganya hmenga neneldanaʾ hnon ara, mem aboka moloweisin.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

KOLOSE 1:27

Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

1 TESALONIKA 5:9

Imik Neyung ara yu ganya boboka obsununaʾ aboka dobnenggusuk, nunja Wenelesilnya Yesus Kristus adya dib blebsululaʾ aboka dosuk.

2 TESALONIKA 2:14

Ban nenesa leboka, nunja ugunuk perob lero yanggan yuba bo yeilisubaʾ pik uboka, Imik Neyung adya ugunuk youbsuk. Imik Neyung adya ugunuk youbsuknya nera, damok ara Yesus Kristus imik nenewanamak sum enyek, ugumbabya ugunja si imik nenewosunuk senewoka youbsuk.

2 TIMOTIUS 1:1

Nara Paulus bedya, nadya wanaʾ nong ulunggen me, najabo Timotius anak ban momnya donaʾ era weboka beibgen. Nara Imik Neyung adya seiniwoka donyokaʾ adya, Yesus Kristus bedya yuba lenaʾ gaknya uboka, Yesus Kristus lomok nim embengaʾ ulumnamak amok yuba lero yabalamna.

2 TIMOTIUS 2:1

Nadya me Timotius o! Kristus Yesus ak pik uboka Imik Neyung adya wanaʾ uboka eleksinaʾ adya, anda migib nongaʾ dangoka ululom.

2 TIMOTIUS 2:3

Onoʾ amba hyak Kristus amba bojam uboka yina bololanya geknebaʾ uboka igina kwelenggelya bok, welmorululom.

TITUS 1:1

Najabo Titus o! Nara Paulus bedya, Imik Neyung adya wa wenya uboka, onoʾ Yesus Kristus adya yuba lenaʾ gaknya uboka, ban ara anak momnya doboka beibgen. Imik Neyung adya alja weboka dolosil nim enyek, sikja Imik Neyung ak dib senelemakaʾ ara, migib dosululaʾ aboka, nak Imik Neyung adya men weboka doboka bokol yeilinyok. Nunja dolomabaʾ ak sam neklesil yub enyek, sikba ella dangoka pe ulunokaʾ aboka, neksulul senewoka donyok.

1 PETRUS 2:10

”Ugunda youmaʾ dara, Imik Neyung mabo silibaʾ unggululum bok, wenyek dara, Imik Neyung alja mabo silibaʾ ululum. Youmaʾ era, angoo yadyek senewoka arasinaʾ orok nim ek ululum bok, wenyek dara, angoo yadyek senewoka arasinaʾ seleb dolum nim ek ululum,” hyok.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.