2 TIMOTIUS 1:6 - PERJANJIAN BARU NALCA YUBA

⁶ Ban nenesa leboka, nadya anak soruka diyiwoka heng uboka yuba lelelom aboka lenggesa sum enyek, Imik Neyung adya anak elegenjoknya nenyek nauba nenelelomaʾ aboka, gokoka neklenggen.

2 TIMOTIUS 1:6 ပူးပေါင်းရင်းမြစ်များ

LUKAS 19:13

Wera bera anam binggumok salek, alda nimi sagobadya alak arawoka wa welemek nang ek yoululum aboka, rupiah yubaʾ damoka yok-yok elegosuk. Alja dara, Na bilimnya salek enyek, ugunda ban rupiah enedya, nauba dolulaʾ aboka, bonaʾ nauba dekoka deklemnelum, hyok.”

RASUL 19:6

Wera Paulus sikenek soruka salawoka heng uboka lelesuk sum enyek, Imik Neyung Geisinya sikenek gologol yingginiboka, sikda yok-yok yuba saboka, Imik Neyung yuba lel yabek.

RASUL 6:6

Dara, ban sekbadya nang era doboka obadya yuba lenaʾ gak nang ek, wera sekiyiwanamab nang era an aboka lebek dara, obadya nang edya, soruka sikenek diyiwoka, heng uboka molosik.

1 TESALONIKA 5:19

Geisinya unulusilaʾ ara lolongnonggom.

1 TIMOTIUS 4:14

Ununumnaʾ lelemek nang edya ansamba hnon orowek geklewoka lebjeekanya, nimi bo usin nang edya anak soruka luluwoka, Imik Neyung ak alda ban wa welemnamla aboka soruk diyinjekaʾ adya, ban unu welelomaʾ aboka elegenjeknya nera, beillonggom, mem.

1 TIMOTIUS 4:6

Ban nidyaʾ lelenanya nenyek, nunja hemyabo yuba dolomak nim ek, pe neklesimen dara, wera anda Yesus Kristus adya perob wa wenya dangamenaʾ adya ulumenja. Onoʾ nunja dib senelemabnya, Imik Neyung bedya alja yub edya, anja ganya ek lulungaʾ hmobdangoka anja wen an neklenjakaʾ doboka ululam yub ek an, sunuwoka ulumen dara, perob wa wenya ulumenja.

2 TIMOTIUS 2:14

Ban nidyaʾ lebnanya nera, nim ek pe unululum aboka wenewoka bekellilisilom. Anya onoʾ, Imik Neyung saramek sam ab, mek yok-yok seininaʾ ok adya waldalamaknya nera, mem aboka wenelesilom. Nera perobaʾ nenenggulusil, alda kelemak nimi ganya malya nenelesilaʾ ok.

2 TIMOTIUS 4:2

Anda Imik Neyung yub ara sobaʾ lel eleklelom. Perob salek gom, malya salek gom, sobaʾ meewoka ululom. Anda nimi ganya dangallilisilom, meilinya nera ban aboka wenelesilom, banyek unuwolulum aboka nimi ganya wekellilisilom. Anda hyak ganya kaboka siklewoka ulumenekanya, pe neklesilom.

IBRANI 6:2

mek danaʾ yuba hnon, nimi soruka diyiwoka heng ubokaʾ len yuba hnon, somogamna nimi suboka embengaʾ bunaʾ yuba hnon, igina yakaʾ ubmoruwanesil yuba hnon, nenyek egomnaʾ dibaʾ saawoka iknenggulumnamab.

2 PETRUS 1:12

Ban nenyek unuwanaseng senewoka, ugunda seleb ella dangoka onoʾ Imik Neyung yub ak ella dangalumnya, nera seleb doboka pe salalalum bok, sounuwoka hnon beklulumaʾ aboka sobaʾ neklemnesin.

2 PETRUS 3:1

Nadyaʾ hemyabo nim o! Ban momnya donaʾ beibsinaʾ anara penenya nek beibsin. Ban beibsin momnya donaʾ pik ab dara, ugunja ganya hyak pe seinilemnelum aboka ugunuk beibsin.

YUDAS 1:5

Ban nidyaʾ ara seleb ella ululum bok, hnonok saawoka beknelumaʾ aboka lebnesinaʾ ara, Imik Neyung adya Israeli nimi Mesir sokok ab bleboka bo balasuk bok, Imik Neyung ak dib senenaʾ orok nim era, eimik saawoka obsuk.