2 TIMOTIUS 1:3 - PERJANJIAN BARU NALCA YUBA

³ Nadya neyung yab edya youmaʾ sikda ulumek sok, nadya mek ganya senenya lonaʾ adya, aralenanya Imik Neyung bek perob aboka giboka mololamna. Nara inimnek yubyek pik Imik Neyung ak molol yabenek ab dara, ugunuk hnon seiniwoka sob-sobaʾ mololesin.

2 TIMOTIUS 1:3 ပူးပေါင်းရင်းမြစ်များ

LUKAS 2:37

Anya, alda danera seleb you gel ulumookanya, wene salek era gibnaʾ denga winilya ebdobnya winilya lemok. Dara Wenelesilnya Imik Neyung bedya ek ara, inimnek yubyek pik moruwoka, Imik Neyung amba gwanenga meka denaʾ loboka molobsiniwoka ulumok.

RASUL 22:3

”Nara Yahudi nang yokaʾ nong ulumna. Nara Tarsus heikek Kilikia sokok ab beibnyek bok, naubaʾ nen dara, Yerusalem heikek anyaganyeb nebsa. Dara, nun neyung yabo domek yub anyek, momnya donaʾ neksinaʾ senenggomnya Gamaliel bedya nak nidyaʾ pe neknyok. Anasa, hemyab o, ugumbabya sumen an Imik Neyung amba yeng ganya boboka yeirililum sok, nababya neikik unulamsa.

RASUL 23:1

Wera Paulus bera Yahudi nang yuba sanaʾ gak nang anyagan ulumek nang ek pe keebdaboka lebokja, ”Nadya hemyab o, na embengaʾ ulunenya nenesa dara, nadya mek ganya edya dara, Imik Neyung ak malya unaʾ ara orok senelamna,” hyok.

RASUL 24:14

Anasa nak dara, wen nadya unulamna ara anak laga lebnenggen. Nara aldib Yesus adya nekesuk anyek sunuwoka, Yahudi nim edya dara, malya alamak bok, nunja Wenelesilnya Imik Neyung bek giblamna. Anyek hnonok aldib unulamna. An unulamna anaba, onoʾ Musa bedya unuwanalum an yuba hnon, yok ununumnaʾ lelemek nang edya momnya domek yuba hnon, or aldib senelamna.

RASUL 24:16

Wera nenesa leboka, nadya mek ganya enyek geisa ulunun senewoka, Imik Neyung ak anaba, onoʾ nimi sirik ak anaba, sikenek hyak pe unulunun senewoka sunulyamalamna,” hyok.

RASUL 26:4

”Nara gobenya wenyek moruwoka, wera hekaʾ huboka ulumsa an, sikda Yahudi nimi en nidyaʾ ella ulunyak. Nara anam gobenya ulumsa dara, nadya soko yokaʾ ak uboka, onoʾ Yerusalem heik nong ek, hekaʾ huboka ulumsa ara, sikda ella ulunyak.

RASUL 27:23

Anasa wera ousa inimnek enyek, nadya giblamna Imik Neyung alja lero edya nak yeiniboka lenelja,

ROMA 9:1

Nara Kristus adya aldib nongnya nenyek lebnamna, nara sondaʾ lebnenggunumna. Geisinya adya nadya mek ganya hnon aldib lelenel.

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

GALATIA 1:14

Nadyaʾ hemyabo neikibok nemouba nang era, mek so bok, nak dara, Yahudi yub ek sam ara nauba yeiriwoka doboka onoʾ unulamsa, anya nadya neyung yabo youmaʾ nang edya unulumekaʾ ara, nara hyak yeng ganya boboka unulamsa.

EPESUS 1:16

ugunsamba leboka, nara Imik Neyung ak sobaʾ gibelmorulamna. Dara, heng uboka Imik Neyung ak gibel yaben salek era, ugunja si sibuka mololesin.

1 TESALONIKA 3:10

Ugunja Kristus ak dib senenaʾ anyek nunda ugunub ok eibdangoka, hnon onoʾ mak sounuwoka neksisibya senewoka, yubyek inimnek pik moruwoka Imik Neyung ak nauba mololemab.

1 TIMOTIUS 1:19

Anda dib nong yub enyek ganya kweboka salabmoubmenekanya, ganya seininaʾ ak nekel eleklesilnya nek pe keboka, dulaʾ engewoka welelom. Hnon nim era, ban ganya lomok ono wenelelanya nenyek pe kenaʾ orok dara, sikja dib senelemakaʾ ara malya dangoka eiyiba daralamla.

1 TIMOTIUS 1:5

Nadya anak wenelenggenaʾ ara, nim ara perob ganya bobnokaʾ aboka hnon geisa ganya anyek ganya dukduk nong ok ulululaʾ aboka hnon, dara onoʾ sikda Wenelesilnya bek hyak dibaʾ ganya ologoka ulumeijekanya, wera ban adya sik kabo nim ek wanaʾ ulunok senewoka wenelesilomaʾ, aboka lelemna.

1 TIMOTIUS 5:5

Nimi hnon aranaʾ orokaʾ anyek albeyok ulumlya youk gel gera, Imik Neyung alak ok seiniwoka, yubyek inimnek pik arawonulul senewoka alak mololsinilamla.

2 TIMOTIUS 1:5

Anja genong Eunike geb, anja donggel Lois geb dadya, sikja Kristus ak dib senelerek sok, anja Kristus ak dib senelelamaʾ ara, nara seiniwoka ulumna. Nadya dara, anda anaso uboka Kristus ak dib senelamlaʾ anyaʾ senelenggen.

2 TIMOTIUS 3:15

Anda hyak mekewek moruwoka, Imik Neyung geisa yuba seleb ella ululamaʾ nong anyek, pe seiniwanalam. Wera ban Imik Neyung yuba buku nong enedya Yesus Kristus pik uboka yuba dib senelemak adya embeng unaʾ dolomakaʾ ara, ella ululamaʾ anasa, pe salabmouboka ululom.

IBRANI 13:8

Anasa, Yesus Kristus ara youmaʾ hnon, wen hnon, eimik hnon, neikaʾ ok sobaʾ ulmorulamla.