2 TIMOTIUS 1:18 - PERJANJIAN BARU NALCA YUBA

¹⁸ Dara onoʾ, al Onesiporus bera, na Epesus heikek ulumsa dara, alda hyak nak nauba aralenyokaʾ ara, anda pe ella ululam. Anya wera benyek anasa, Wenelesilnya bedya nimi nidyaʾ sokok an yana lelewanasil sum era, alak angoo yadyek senewoka arawanamla.

2 TIMOTIUS 1:18 ပူးပေါင်းရင်းမြစ်များ

LUKAS 1:72

Hnonda angoo yadyek senewoka arasinaʾ alja geisa unuwanasin aboka lemoknya nera, hyak munaʾ dib unuwanamna amokaʾ anasa, bekoka unuwal.

LUKAS 1:78

Nunjaʾ Imik Neyung bek ab ganya sanganaʾ ab, angoo yadyek senenaʾ ab dadya, alda nuk kemel yeisilikanya, alja heng era lugunaʾ nonga dorogal.

LUKAS 8:3

hnonda Herodes dubnya bedyaʾ ek sam rupiah beilinaʾ wa welemoknya, Khuza bedya gel Yohana geb, Susana geb uboka, onoʾ yok gelewa nauba neikaʾ yabalamek. Dara gelewa danedya, sikjaʾ yok-yok bonaʾ edya Yesus ab, alja yuba doro diriga ban nang eb aralesik.

RASUL 18:19

Wera sikda Epesus heikek seleb byik dara, Paulus bera Akwila beb, Priskila geb dara, anyagan loboka, alda Yahudi nim edya yuba don ek biniboka, sikenek yuba saboka neklesuk.

RASUL 18:21

Bok, onoʾ binimok sum era lebokja, ”Imik Neyung adya or helya dara, eimik onoʾ ugunuk saawoka yanasin,” hyok. Paulus bera seleb wenyabgogomok dara, mek ekla bunaʾ pik Epesus heikek ab ara, Antiokhia moka bununaʾ aboka lanawok.

RASUL 19:1

Wera Apolos bera anam Korintus heikek ulumok salek enyek, Paulus bera oblyek pik uboka yabalamok ara, Epesus heikik lanal bilimok. Dara, Paulus bera Epesus heikek seleb byuk dara, anyagan Imik Neyung yuba doro diriga ban nang eb ehwibdangamek.

1 KORINTUS 1:8

Dara, Wenelesilnya Yesus Kristus yanggalya sum era, ugunuk hnon gegena ponaʾ orokaʾ anyek eibsununaʾ aboka, Kristus adya lobongganggonggom, ugunja ganya kallilimnesil.

1 KORINTUS 16:8

Nimi nauba Paulus bedya yuba lelemlaʾ ara, malya aboka bleklemak bok, dib nonga dangalamla wa nauba ulumlaʾ anasa, ban nen unulamnyek ab dara, nara Epesus heikek an ulumnya salek enyek, Geisinya yinggilimokaʾ beklemak sum era, goʾ yenewoka denghenemla.

1 KORINTUS 3:13

Nimi nidyaʾ elaʾ gigiro solomak e nera, Kristus yanamla sum era, nidyaʾ damoka laga nenewanamla. Dara, nimi nidyaʾ sikja wa nera, pe wemek gom, malya uboka wemek gom ara, Wenelesilnya Kristus yanamla sum enyek, ara uk adya sunuwanasil.

2 KORINTUS 9:1

Nimi munaʾ Imik Neyung mab ek aranaʾ ara, ugunda arawanasibya ganya seleb nauba bololumaʾ anasa, unuwanalum aboka momnya dobnenggunusisinya. Makedonia nim ek anaba, sikda anaso ganya bolomak aboka, ugunuk gigileng sok lero yibisa. Makedonia nim ek ara, Akhaya mok ulumak Imik Neyung mab era seleb lemoub gibnaʾ ek abaʾ, sikda anaso arawanamab aboka seleb seinibgogomek aboka nekesisa. Dara, ugunja unululumnya nedya, nimi nauba yeng ganya neneiyilum.

EPESUS 2:4

Bok Imik Neyung ara, alda angoo yadyek senewoka arasinaʾ hwamnya bedya, nuk hyak wanaʾ nauba ulusukaʾ anasa,

1 TESALONIKA 2:19

Ugun nong anyek, nunjaʾ ganya nebom anaʾ dibaʾ uboka, eiya dabnaʾ dibaʾ ululum. Anasa wera, Wenelesilnya Kristus yanamla sum era, ugunuk danyek nunjaʾ perob bonaʾ dibaʾ danalumaʾ ak ululum!

1 TIMOTIUS 1:3

Nara Makedonia sokok balamsa sum enyek, anak dukaʾ lolowoka anda Epesus heikek ululom aboka lenggesa sok, unuwalom. Nimi sondaʾ anasa bobnenewoka lelesak nang edya malya neneweisijik anasa, anja yuba sekdo anda Epesus heikek ululom.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

2 TIMOTIUS 1:16

Bok, alda Onesiporus bedya ek nim edya danyek, alda nak ganya pe sangab elegoka ulunyok. Anasa, Wenelesilnya bedya, wera e nen nim ek angoo yadyek senewoka arawoka pe bo ulusulul. Nara henga gereksin ek an gereganyekaʾ anaba, Onesiporus bera henga geregek anasa, alya bar aboka, yokaʾ seiniwanggumok.

2 TIMOTIUS 1:17

Bok alda na Roma heikek anam yalamsa sum era, al adya nak men hanyagar ulumlyaʾ ak eibnun do aboka, eboka nak men eibnyok.

2 TIMOTIUS 4:12

Nara seleb Tikhikus bek anda Epesus heikek bilom aboka bokomsa.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

1 PETRUS 1:10

Ban ugunja ganya blebsinaʾ nong anasa leboka, youmaʾ ununumnaʾ len nang era ella ubsibya senewoka eboka dulumek. Hnonda ugunja ganya blebnesilaʾ anyek, sikda orowek lelemek.

WAHYU 2:1

Epesus heikek yuba donaʾ nimi lero ek, ban unuwoka momnya dobnelam: ”Sekbadya guraʾ soruk ak salawookanya, sekbadya emas uk dininaʾ dam pik yabalelanya bedya yub era an lebsil.