2 TESALONIKA 3:4 - PERJANJIAN BARU NALCA YUBA

⁴ Hnonda ugun nong anyek, nunja Imik Neyung lomok uboka, aldib sikda nunja ban unulumnelum aboka orugosubaʾ ara, wen hnon unulumakaʾ ara, onoʾ eimik hnon unulumnumakaʾ anyaʾ senelesab.

2 TESALONIKA 3:4 ပူးပေါင်းရင်းမြစ်များ

MATIUS 28:20

Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

ROMA 15:14

Nadyaʾ hem yabo nang, ugunuk pe ununaʾ adya seleb deknewosuukanya, yok-yokaʾ ella danganaʾ damok eb, or pe ganya adyok wenebdanasom ara, nara seleb ella ulusin.

ROMA 15:18

Dara nara yok yub emba dara, asa ganya boboka wenyaro yibinggunumna, bok Kristus ara yok mok soko nimi pe keboka ununaʾ ak bo balalul senewoka, yub sanaʾ pik ab, laga ununaʾ pik ab,

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

1 KORINTUS 14:37

Hnon nim era, ununumnaʾ lenaʾ damok migibaʾ ulunel gom, Imik Neyung Geisinya adya yok eleknaʾ elegenyok senemlya dara, wera nadya momnya doboka beillilamnaʾ anara, Wenelesilnya bedya oruknaʾ yub ara, an senewoka yo hulul.

1 KORINTUS 7:19

Anasa wera, bolaʾ garalamakaʾ ab, bolaʾ garanggulumakaʾ ab dara, dib nong gomaʾ. Hyak perobaʾ dib nongaʾ ara, nim ara Imik Neyung yuba lelesilaʾ ak keboka unulumakaʾ ak dib nong ulumla.

2 KORINTUS 2:3

Wera anasa nak ara, ganya hek elegananesom nim edya, nak soloma nenewonumunuk aboka, anaso seinimna yub era, an momnya doboka beibsisa. Nadya ganya eiya dabnenel dara, sikja ganya eneba eiya dabnesil senewoka ubsa.

2 KORINTUS 2:9

Wera ugunja dara, yokaʾ-yokaʾ nidyaʾ pe keboka unulumakaʾ ara ella doununaʾ aboka, nara sene sunusinaʾ dibaʾ momnya doboka beibsisa.

2 KORINTUS 8:22

Titus beb yoknya beb yanggerijaʾ ak ara, onoʾ nunjaʾ hembe yoknya be hnon makoka neikaʾ bokol yasab. Nunda alak, li gong wa elegemouba dara, aldib yeng ganya boboka pe welemlaʾ eillilimab. Alja dara, ugunuk ara pelemakaʾ eillilisilaʾ adya, wenyek dara, nauba so yeng ganya bolosil.

GALATIA 5:10

Nunja Wenelesilnya bedya bo ulusilaʾ anasa, nunja nekesuba yub ek ara, loboka yokok sam ganya beibnemakaʾ anyaʾ senenggulusin. Bok, alda ugunuk anyek malya nenewousunun senewoka ululanya bera, alak an igina yanamla.

PILIPI 1:6

Wera Imik Neyung adya albeyok ganya doboka, aljaʾ perob wa nong enera ugun gangganek an web einimokaʾ ara, onoʾ welmorulamlyaʾ ara, Yesus Kristus yanamla sum ek loboka webdaknamlaʾ anyaʾ senewoka, an nong ak hnonok dib senelamna.

PILIPI 2:12

Nadya hyak wanaʾ nong ulusin hemyabo nim o, anasa wera, nara ugun gangganek ulumsa salek enyek, ugunja nadya yuba pe keboka unulum sok, hyak nauba so ara wen mok bokdangoka ulumabaʾ wenyek unulumnunulum. Imik Neyung adya ugun nong ara seleb blebsukaʾ anasa, ugunja pe ululumnya nera nauba perob danggiga balasulul senen ganya boboka dulululum. Imik Neyung ak lok ganya boboka ban nen unulululum.

1 TESALONIKA 4:10

Al dib, ugun kabo nimi Makedonia sokok ulumak nimi nidyaʾ ak wanaʾ ulusulum. Bok, hemyab o, nauba so unul sounululumaʾ aboka dukaʾ lolom-lolom alasab.

2 TESALONIKA 3:12

Anasa Wenelesilnya Yesus Kristus alja migib si sibuka, sikda ganya daklinggoka uboka, denaʾ pe eboka deregoka ulunokaʾ aboka, unulululum hyabakanya, wenewasab.

2 TESALONIKA 3:6

Nunjaʾ hemyabo nim o, nunjaʾ Wenelesilnya Yesus Kristus si sibuka ugunuk wenyhenesin, nunja ugunuk neklesab yub ek dib senenaʾ loboka, wa wenaʾ sulmalyaʾ hwam ok ura yabalamak nim era, men mok nenewoka ulululum.

PILEMON 1:21

Ban momnya donaʾ en anak beibgenaʾ ara, nadya unuwanalam aboka molowagenya nera, al or unuwanamlaʾ ara ella ulumnakanya momnya doboka beibgen. Orokaʾ anaba wenyanaʾ oroknya neneba nauba unub lolowanamlaʾ anyaʾ aboka ubna.