2 TESALONIKA 3:1 - PERJANJIAN BARU NALCA YUBA

¹ Anya wera, hemyabo nim o, nunsamba hnon heng uboka mololesululum. Hnonda Wenelesilnya bedya yub era, ugun dolum sok, li sobaʾ nauba danggiga balamlyekanya, imik nenewanokaʾ aboka mololesululum.

2 TESALONIKA 3:1 ပူးပေါင်းရင်းမြစ်များ

MATIUS 9:38

Anasa wa damnya bek, gwaneng nonga yongon nanga bokol yousululaʾ aboka, mololelulum,” hyok.

LUKAS 10:2

Anya Yesus adya sikenek lebsukaʾ ara, ”Nonga daknemak ara nauba ululabok, alda nonga dakne nang enyek mek ok ulumak. Anasa wera, ugunda wa damnya bek, masa nonga daknemeija nang era, bokol yousululaʾ aboka molowolulum.

RASUL 12:24

Dara, Imik Neyung yub ara, mok soko neikaʾ ok oboka lelebgiga balamok.

RASUL 19:20

Wera ban unulumek adya, Wenelesilnya bedya yub era hyak nauba neikaʾ ok oboka lelewoka, onoʾ migib danggiga balamok.

RASUL 6:7

Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.

ROMA 15:30

Bok nunja wenesinya Yesus Kristus ab, Geisinya adya wanaʾ usinaʾ ab, danasa leboka, hemyabo nang, nara ugunuk wenewoka wenyhenemnaʾ ara, ugunub nab Imik Neyung ak molonaʾ anyek neikaʾ hiboka, nasamba mololomnemab,

2 KORINTUS 1:11

Ugunja nunsamba aboka, Imik Neyung ak mololesulum adya keboka, alda nuk blebnesilaʾ anyaʾ senelemab. Dara, nimi nauba Imik Neyung ak mololomak molonaʾ adya aralesak dara, nuk perobaʾ nauba eleklesil dara, nimi nauba Imik Neyung nunja molonaʾ keboka unulamla aboka, sikda Imik Neyung ak giblemnemak.

2 KORINTUS 13:11

Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

KOLOSE 4:3

Imik Neyung ara nunja wenyaro yabalamabaʾ amba pika baklul aboka, nunsamba heng uboka mololosululum. Nunda ban Kristus an doknomokaʾ anyek, anesemba leboka na henga goubnyekaʾ anyek, wenyaro yabalemnemab anasa, mololosululum.

1 TESALONIKA 1:5

Nunda ugunuk perob lero yanggan yuba lelemoubaʾ ara, sibamaʾ adya ok lenggulumouba. Alda migib adya, Geisinya adya, ban yub enera hyak dib nong senewoka leb elegesuba. Ugunuk pewosululaʾ aboka, nunda ugun gangganek ara, hekaʾ huboka ulumoubaʾ ara, ugunda pe ella ululum.

1 TESALONIKA 1:8

Anasa ugunub anyeb uboka, Wenelesilnya bedya yub era, mok balamokaʾ ara Makedonia mok eb uboka, Akhaya mok oboka lelewok. Dara onoʾ nenyek ok gom, alda ugunda hekaʾ huboka Imik Neyung ak dib senelumaʾ ara, yok-yok mok soko nimi nidyaʾ ella dekaʾ adya, wera nunja dara, ugunsamba dara anaso-anaso unulumak henggunusibya.

1 TESALONIKA 2:1

Na kabo nim o! Ugunuk seʾ yeilimoubaʾ ara, salyaʾ lelem danggumokaʾ ara, ugunda ella ululum.

1 TESALONIKA 2:13

Ugunja hnonok pe unululumaʾ anyek nunda eiyiwoka Imik Neyung ak sobaʾ giblemab. An wenyhenaʾ ara, nunja ugunuk Imik Neyung yuba leb elegesuba sum enyek, ugunja keboka dolumaʾ ara, nimi sirikaʾ yub anaso ganya boboka dobnenggulum, alda Imik Neyung nong adya yub dib senewoka dolumaʾ nong amba Imik Neyung giblemab. Wera ugun Kristus dolum nimi gangganek an wen welesilnya nera ban Imik Neyung yub enedya welesil.

1 TESALONIKA 4:1

Na kabo nim o, wen sidyaʾ lebdaknesin. Imik Neyung perob senewosululaʾ aboka anaso unulumnulum ara ugunuk nekesub dara, keboka wen unululum. Dara, wenyok Wenelesilnya Yesus si sibuka, sobaʾ nauba so dolulaʾ aboka, onoʾ unul sounululumaʾ aboka, dukaʾ lolom-lolom alasab.

1 TESALONIKA 5:17

Sob-sobaʾ molololulum.

1 TESALONIKA 5:25

Na kabo nim o, nunsamba mololesululum.

2 TIMOTIUS 2:9

Wera, al ban perob yub enyek lero yabalenanya nenesa, nara hyak yokaʾ-yokaʾ nauba igina kwelenel. Anya hyak hokaʾ donanya benesoʾ anyek, gasa henga gouboka beillilenyak bok, Imik Neyung yub ak dara, nim adya henga goubnamenggom ulumla.