2 TESALONIKA 2:8 - PERJANJIAN BARU NALCA YUBA

⁸ wera nimi malya nenesinaʾ dubnya bera alda laga danamla. Dara Yesus ara alja senenggom ganya nong senedyaʾ uboka yanamla sum era, bisaʾ dubnya bera alja malya nenesin bolgamalaʾ ablaboka si leboka obnamla.

2 TESALONIKA 2:8 ပူးပေါင်းရင်းမြစ်များ

MATIUS 13:19

Yinaʾ pikek sam yama yinggilimoknya nera, damok ara nim Imik Neyung adya wenelemnesil yub era kelemak bok, pe ella danganggulumak. Sikjaʾ ganya ak doklomak yub era malya unaʾ damoknya bisaʾ adya yeiniboka gwenelamla.

MATIUS 13:38

Wa ara soko ara an. Perob yinaʾ ara, nimi nidyaʾ Imik Neyung mabo dangalamak nim era an. Walenja ak dara, bisaʾ ak sam maklemak nim era an.

MATIUS 16:27

Duboka mandenaʾ loboka, nimi dibaʾ me neb, alja lero nang eb, alja neyung bedya nong senedyaʾ pik uboka yanamak. Ban sum enyek, nimi nidyaʾ sikja unulumekaʾ sunuwoka yok-yok deknesil.

MATIUS 16:28

Ugunuk hyak dib lebsinaʾ anyek ella danalum: Ugun an ublum nim enera, nimi dibaʾ me yeiniboka, wenelemnesilaʾ ara eibnenggumun salek somoganggunulum nimi hnon ululum,” hyok.

1 KORINTUS 1:28

Wera nimi nidyaʾ ara, Imik Neyung hogung ak nonggo heijek aboka, Imik Neyung adya, wen sokok an ululanya nenyek orok nenewolulaʾ aboka, nera sokok so, melinya, onoʾ hyak malya nong senelemaknya nenyek, gaboka dobsuk.

2 TESALONIKA 2:3

Anasa Yesus yanamla sum oka dalya dara, ban unurub damok enyek men laga danamlaʾ ara, nimi nauba yuba domeijedyok ganya dangawoka malya danamak, hnonda Kristus ak sondaʾ amba bobnenewoka nara elgom aboka lebnamla, hnonda nimi malya unaʾ dubnya bisaʾ heikek weklulaʾ aboka, orowek gegeboknya bera laga goboka seknamla dara, ugunda yokaʾ-yokaʾ igin yakaʾ yanamlyaʾ anaba ugunuk ara sondaʾ amba bobnenewoka lebsijek.

1 TIMOTIUS 6:14

Wene salek ebaʾ moruwoka, Wenelesilnya Yesus Kristus laga danamla sum era, ban oruknaʾ yuba nidyaʾ ara, mek sirik anaba meknenaʾ loboka, nidyaʾ pe bekoka unubgiga balalomaʾ aboka, orugenggen.

2 TIMOTIUS 1:10

Anya wera, Imik Neyung adya alja wanaʾ unaʾ era, nuk blebsinaʾ dubnya Yesus Kristus laga dangamokaʾ adya laga amasuk. Yesus adya somoknaʾ migib era seleb yugoma nenewoka, alja perob lero yanggan yuba pik uboka dib embengaʾ ulmoubnaʾ damok ara, alja bo yeiniboka laga amasuk.

2 TIMOTIUS 4:1

Yesus Kristus ara sokok an eikaʾ ulumak nimi hnon, somoklomak nimi hnon, yana lelewosununaʾ aboka yanamla. Dara, alda laga danamlakanya, alda dubnya dangoka wenelemnesilnya nenesa leboka, Imik Neyung saramek sam hnon, Yesus Kristus saramek hnon, ban nenyek unululomaʾ aboka molowagenaʾ ara,

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

IBRANI 10:27

Sene sobaʾ malya ubdidiganamab dara, Imik Neyung ara yana lelewoka, alak isaʾ nenelemak nim ek uka dabnesil senenaʾ ak ok hnonok ulumla.

1 YOHANES 2:13

Neyung yab o, ban ugunuk momnya dobsinaʾ ara, men youmaʾ youbuka ulumoknya bek seleb ella ululumaʾ anasa, ubsin. Goubenya nang o, ugunuk ara yu hwam bisaʾ enyek seleb oblamakalumaʾ anasa, momnya dobsin.

1 YOHANES 3:12

Kain bera bisaʾ wa wenya dangoka, alja weis oboksonya nera, nunda ununaʾ ara mem. Hekasa Kain bera alja weis ek omok do? Nera alja unulumoknya nek dara, malya bok, alja weis edya unulumoknya nera perob anasa, obok.

1 YOHANES 5:18

Nimi nidyaʾ Imik Neyung mabo seleb dangamek nim era, sob-sobaʾ malya unulmorunggulumakaʾ ara nunda ella ulumab. Nera Imik Neyung alja me adya sikenek goluwoka bo ulusil dara, bisaʾ ara sikenek yokaʾ-yokaʾ hnon ununggulusil.

WAHYU 1:16

Aljaʾ sirik soruk ak sam ara guraʾ sekbadya salamok, aljaʾ sibamaʾ ak sam ab parang u penyaʾ ak goublemok. Alja hogung era, hyak yubyek dukdukanek dingilamlaʾ heng senedyaʾ eneso ulumok.

WAHYU 13:5

Dara, ban yu nongaʾ ak ara, wera anda nonggo aldanaʾ yuba gom, Imik Neyung ak deren yuba gom, or salalom, wenyaboka lebgogowok. Onoʾ hnonda, liga empat puluh dua walaʾ anaso or wenewoka ubnesilim wenyaboka lebgogowok.

WAHYU 19:15

Dara, aljaʾ sibamaʾ ak ab hyak yu nong parang enesoʾ ak lanawoka, parang enedya mok soko me nimi nidyaʾ oblamagoka, alda dub nang edya gasa gamaʾ edya wenewoka bo ulumnesil. Anya Imik Neyung migib yaknya bedya yu sen-sen aboka obnesilaʾ ara, anggur meka londenaʾ ak anggur dok londelemak sok, unuwoka obnesil.

WAHYU 2:16

Ban nenyek dara, al wene salek enyek, ganya dib dangawanalam! Unuwanggubmen dara, nara mek anam yanamnakanya, nadyaʾ sibamaʾ ak an ulunel parang enedya sikenek obnesin.”

WAHYU 20:10

sikenek nauba sondaʾ leboka malya nenelesuk bisaʾ dubnya Iblis ara, sobaʾ singilamla uk mek gwanek doboka doronggok. Wera anyaganera, men dara, yu nongaʾ ab, sonda leboka bob nenesuknya beb, doronggousuk. Dara sikda anyeganera, inimnek yubyek pik, malya nenewoka nauba sobaʾ gwekelmorulumnemak.