2 TESALONIKA 2:2 - PERJANJIAN BARU NALCA YUBA

² Yesus ara wera seleb saawoka yeilimok an yub emba leboka, ugunda berra lok ganya boboka ganya daldom-daldom anaʾ ara mem. Nera or yuba lesijaʾ ak anyeb gom, ununumnaʾ len nang edya gom, nunjaʾ anaba ugunuk beillilesab momnya donaʾ ak anaba hnon wenyamek aboka ugunuk wenyheijek aboka lebna.

2 TESALONIKA 2:2 ပူးပေါင်းရင်းမြစ်များ

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

MARKUS 13:7

Anasa ugunda mal irr anaʾ gom, nimi nauba malya ura obdangdo yabalamak an yuba kebnelum dara, ganya oldanggom, mem. Ban yokaʾ-yokaʾ nidyaʾ ara men unuru yabalemnamla, bok nera anam sidyaʾanya gomaʾ.

LUKAS 21:19

Ugunda ganya kaboka siklewoka ulumunaʾ adya, wera ugunja nong unaʾ blebdanalum,” hyok.

LUKAS 21:9

Ugunja nimi doluwoka nauba oldalamak an yuba kebnelum dara, ugunda lok ganya bonaʾ ara mem. Ban nidyaʾ ara men unuwanamla. Bok wera nera soko sidyaʾ daknamla salek era anyek unuwanamla bok, nenyek sidyaʾanya gomaʾ,” hyok.

YOHANES 14:1

”Ugunda ganya mounduk-mounduk anggom. Imik Neyung ak dib senewomunukanya, onoʾ nak hnon dib senewonululum.

YOHANES 14:27

Ganya daboka unaʾ ara ugunuk lobonggo binisin. Narinya nenyek ugunuk elegoka lo binisin. Sokok anyeb eleklesilnya nenesoʾ ak eleganggunusin. Anasa, ugunda mounduk-mounduk aboka lok ganya bonggom,” hyok.

1 KORINTUS 1:8

Dara, Wenelesilnya Yesus Kristus yanggalya sum era, ugunuk hnon gegena ponaʾ orokaʾ anyek eibsununaʾ aboka, Kristus adya lobongganggonggom, ugunja ganya kallilimnesil.

1 KORINTUS 14:32

Imik Neyung Geisinya bedya, Imik Neyung yuba lebnokaʾ aboka, eleklesil migib damok era, sik dam nang Imik Neyung yuba lelemak nim edya, siklewoka bo ulumnamak.

1 KORINTUS 7:26

Wenera yokaʾ-yokaʾ igina kwesinaʾ lanalelabok anasa, nadya seinilamnaʾ ara, sikba wen pe ulumak sok uluseng senelamna.

EPESUS 5:6

Ban damok danasa, nauba bleklemak nim ek Imik Neyung adya yu ganya boboka igina eleklesilaʾ anasa, ugunuk yok nim edya salyaʾ yuba saboka gliboka bo bisijek.

1 TESALONIKA 3:3

Wera anadya nunja wen an igina kwelesilnya nenesa leboka, ugun gangganek ara, nimi hnon nang era Kristus ak ganya kweboka unaʾ ara lobmunuk aboka bokonam. Ban unu igina kwelesilaʾ ara, Imik Neyung adya hnon unuwanasil senemokaʾ ak ulusilaʾ ara ella ululum.

1 TESALONIKA 4:15

Wenelesilnya albeyok wenyasuk sok wenyhenesab, Wenelesilnya yanamla sum era, anam embengaʾ ulumab nim era men somogomek Imik Neyung mabo mengeb hwibnenggunusab.

2 TESALONIKA 2:15

Hemyabo nim o, wera anasa nunja ugunuk momnya donaʾ pik uboka gom, yuba sibamaʾ adya laga nekesuba yub enyek, pe sekoka salabmoubuka ulululum.

2 TESALONIKA 3:17

Nara Paulus bedya, nabeyok ban ugunuk gibsin. Ban nenera nadya ok gobdo momnya doboka beibsin. Wera nidyaʾ nadya yokaʾ beillilesin momnya donaʾ ara, nadya yokaʾ nongnya nera sob beknaʾ dibaʾ unu nabeyok momnya dolomna.

WAHYU 19:20

Dara ban yu nongaʾ ab, anyeb neikaʾ dara sonda leboka gamyakaʾ hogung ak yok-yok damoka memelemoknya beb, henga goubsuk. Ban sonda lelemoknya bera, beknaʾ dibaʾ yok so damok unulumokaʾ adya, sikda gamyakaʾ adya beknaʾ doboka, aljaʾ sunumnaʾ ak giblemek nang ek bob nenesuknya. Wera sik penya danera, gasaʾ adya sobaʾ singilamlaʾ uk mek gwanek, embengaʾ somobdaboka obsuk.