2 PETRUS 3:9 - PERJANJIAN BARU NALCA YUBA

⁹ Nim adya dara, Imik Neyung adya unu eleganesin hyokaʾ hnon mandelemla senen ganya bolomak bok, alda anaso ununggulumla. Bok Imik Neyung ara, ugunuk hnon somogeijek senelamlaʾ anasa, or anam siklewoka ulumla. Imik Neyung adya dara, nimi nidyaʾ malya unaʾ loboka, eibkweboka ganya dangawanok senelesil.

2 PETRUS 3:9 ပူးပေါင်းရင်းမြစ်များ

ROMA 13:11

Ugunda ban wene salek unulamla uruma era ella ululumaʾ ara, ugun mablumaʾ ara buknelum salek seleb danggiga balamla anasa, ban wenyalasil yub era al unulumnelum ok. Anasa blebsinaʾ ara nunda men anam ganya dib senewoub salek ek ab dara, wenera hyak seleb ok berem nong ulumla.

ROMA 13:12

Mok soko ara seleb inibdouluwoka, wera bereganamla salek. Wera anasa nunda wera gunaʾ hnoum ab ununanya nera lobibyekanya, dilinaʾ adya mal yin enyek enegoka ulumnemab!

ROMA 2:4

Anasa anda aljaʾ heknaʾ ganya ab, aljaʾ or malye senewoka diri usin ganya ab, aljaʾ sangarob ganya ab danera, wera dolbalek so senelelam de? Dara ban Imik Neyung adyaʾ heknaʾ ganya anera, anak ganya dangawoka yuba donaʾ ak bo balenggelaʾ ara, anda elgom ululam de?

ROMA 9:22

Anasa alja uruma dogoma anaʾ ab, alja migib ab, laga eleganamlaʾ amba dara, Imik Neyung ara yokaʾ-yokaʾ alja uruma dogom henemlaʾ somoganamla aboka orowek memewokaʾ ak ara, alda or eimik ek senewoka diri ulumla.

1 TIMOTIUS 1:16

Bok ban nak malya unaʾanya bek an ununyoknya nera, Yesus Kristus adya nim ek angoo yadyek senewoka arasinaʾ anyek aawosululaʾ aboka nak unyok. Nak dara, hyak malya unaʾ hwamnya ulusebok anasa, Imik Neyung ak dib senewoka embengaʾ unaʾ dobnemak nim enyek eiyiwoka unuwanokaʾ aboka, nak men ununyok.

1 TIMOTIUS 2:4

Imik Neyung alja hnonok senelamlaʾ ara, nimi nidyaʾ ara blebsinaʾ damoka doboka dib yub ara nidyaʾ ella danok senelamla.

IBRANI 10:37

Ban nenesa leboka, Imik Neyung yuba bukuk sam ara, ”Eimik hyak berra yanamla salek era, or mek ok ubla; al yanamlaʾ ara, nara sum enyek, or eimik ek yanamnaʾ aboka, goʾ mabdabnenggunumla.

1 PETRUS 3:20

Nera Nuh be ulumok salek, Imik Neyung ak keboka ununggulumek nim ek lel elegel byuk. Ban salek era Nuh bera anam mek ekla bunaʾ e solomok dara, Imik Neyung ara or siklewoka diri ulumokaʾ ara, seleb sobdakok sum era, nimi nidyaʾ seleb gobdo somogek bok, nimi linbadya nim ok blebsuk.

2 PETRUS 1:4

Ban unu elegousuknya nenedya, Imik Neyung ara senenggom perob eleknaʾ hnon, hyak nauba perob eleknaʾ era, alja orowek eleganesin amoknya nenesa, nuk sunuwoka elegosuk. Ban unu elegosuk eleknaʾ enedya, wera ugunda malya ubsinya senen ganya edya malya nenelesil ununaʾ era loboka, Imik Neyung adya ununaʾ enyek neikaʾ unulululumaʾ aboka, wera seleb elegosuk.

2 PETRUS 3:15

Imik Neyung ara men yangganggulumlaʾ ara, nuk blebsununaʾ ubokaʾ senewoka ugunda ganya enyek, pe boblulum. Nunjaʾ hem be hiboka wanaʾ ulumabnya Paulus bedya ugunuk wenyaboka momnya doboka beibsuk. Alda ugunuk momnya doboka beibsukaʾ ara, Imik Neyung adya alak geremseng eleklelanya nedya ubsuk.

WAHYU 2:21

Anasa, alja malya ulumlaʾ ak ab ganya dangawolululaʾ aboka, ganya dangan salek elegasebok, alda nauba malya uboka, salawoka malya uluneseng ganya ok bolomla.