2 PETRUS 3:7 - PERJANJIAN BARU NALCA YUBA

⁷ Bok wen an ulumla im eb soko ab dara, Imik Neyung yub adya bo ulumlaʾ ara onoʾ eimik uka dabnamlaʾ ak ulumla. Wera soko ab im ab dara, Imik Neyung adya or bo ulumlyaʾ ara, nimi malya unaʾ hwam ok ulumak nimi yana lelewanesil sum enyek, uka dabnamla.

2 PETRUS 3:7 ပူးပေါင်းရင်းမြစ်များ

MATIUS 10:15

Ban dib lebsin, Soko sidyaʾ daknamla sum era, Sodom heik nim eb, Gomora heik nim era, Imik Neyung adya dara, sikenek igina kwesinaʾ ara mek so bok, ugunuk lek henesak nim ek dara, igina nauba danamla!” hyok.

MATIUS 11:22

Ugunda banyek pe seiniwoka beknelum! Soko sidyaʾ daknamla sum era, Tirus mok nim eb, Sidon nim eb dara, or sikenek mek so obnesil bok, ugunuk dara, hyak nauba obnesil!

MATIUS 11:24

Ugunda banyek seiniwanalum, soko sidyaʾ daknamla sum era, Sodom nim ek dara, Imik Neyung adya sikja malya unaʾ amba mek so obnesil bok, ugunuk dara, nauba so obnesil!” hyok.

MATIUS 12:36

Anasa ugunda pe seiniwoka beknelum: Soko sidyaʾ daknamla sum era, nimi wen salyaʾ yuba saro ulumaknya nidyaʾ amba, Imik Neyung adya, anaso lelemek aboka, laga yana lelewanasil.

MATIUS 24:35

Anya, im ab soko ab dara, dengaro lobnalabok, nadya yub ek dara, dengaro lobnenggunumla,” hyok.

MATIUS 25:41

”Dara onoʾ alja waneng ek sam nim ek lebnamlaʾ ara, Ugunda hyak malya unaʾ hwam nim o, anyaganyebaʾ ara men bindowoululum! Hyak mekaʾ sarangganggunumla uk ek sam, Iblis ab alja lero nang emba aboka orowek beibuk ak bululum!

MARKUS 6:11

Bok ugunda yok mok binilumaʾ anyek, bumun mok enyegan nim edya, ugunuk perobaʾ leboka dosinaʾ loboka, ugunja lebnelum yub eneba kebnenggunusak dara, heik enyek ara, lo yabamunukanya, sikda ella danokaʾ aboka, ugunja yan sembejaʾ habonggoka yibinilum!” wenhyok.

YOHANES 12:48

Heknedya nak lek senewoka lolonelekanya, nadya yub ek dib donaʾ lolomla dara, alak yana lelewanalanya bera seleb orowek ulumla. Nera nadya lemsa yub edya sidyaʾ daknamla sum eimik alak yana lelewanamla.

ROMA 2:5

Bok ban anja ganya gasa nong enyek, ganya danganaʾ orok adya, wera Imik Neyung be eimik waboka pe sunubdaboka yana lelewanasilaʾ geknewanamla sum era, alja wema dabsinaʾ ara, an dam nang doboka nauba bolololam.

1 KORINTUS 3:13

Nimi nidyaʾ elaʾ gigiro solomak e nera, Kristus yanamla sum era, nidyaʾ damoka laga nenewanamla. Dara, nimi nidyaʾ sikja wa nera, pe wemek gom, malya uboka wemek gom ara, Wenelesilnya Kristus yanamla sum enyek, ara uk adya sunuwanasil.

PILIPI 1:28

Ugunja isaʾ nang ek lok ganya bonaʾ loboka, sobaʾ asaʾ ganya ok bolomnelumaʾ anyek hnon, ella ubnamna. Ban unulumunaʾ adya, wera sikenek orok nenewanasil beknaʾ laga danasilikanya, ugunuk dara, Imik Neyung adya blebnesil beknaʾ laga danasil.

2 TESALONIKA 2:3

Anasa Yesus yanamla sum oka dalya dara, ban unurub damok enyek men laga danamlaʾ ara, nimi nauba yuba domeijedyok ganya dangawoka malya danamak, hnonda Kristus ak sondaʾ amba bobnenewoka nara elgom aboka lebnamla, hnonda nimi malya unaʾ dubnya bisaʾ heikek weklulaʾ aboka, orowek gegeboknya bera laga goboka seknamla dara, ugunda yokaʾ-yokaʾ igin yakaʾ yanamlyaʾ anaba ugunuk ara sondaʾ amba bobnenewoka lebsijek.

1 TIMOTIUS 6:9

Bok, nunda bonaʾ dub nim deisibya senelemak nim ek dara, nimi nong enyek nauba sunubyamawoka, yokaʾ-yokaʾ dobsibya ganya hnon, dongdang anaʾ ab dadya, heng weboka youlusil. Ban adya, nimi nauba yamnekoka soldob menegoka dengalamak.

IBRANI 12:29

Nera nunja Imik Neyung era, momnyanga wouluwoka delemla uk ek ulumlaʾ anasa, unu giblenob.

2 PETRUS 2:9

Anasa ban eini lebmanaʾ adya eillilemab. Imik Neyung ara alak ella uboka, pe ulumak nim era, sikenek yokaʾ-yokaʾ adya geregoka malya nenelesil sum era, har so blebnamnaʾ ara pe ella ulumla. Dara onoʾ Imik Neyung ara, nimi malya ulumak nim era sidyaʾ daknamla sum ek henga geregoka yana lelewanamna senewoka, ban amba bo unaʾ ara alda ella ulumla.

2 PETRUS 3:10

Bok Imik Neyung yanamlaʾ ara, nim edyaʾ hokaʾ dolomak nimi gelelenga yabalamak sok uboka yanamla. Imik Neyung yanamla sum era, im ara liming yub adya iriri aboka joboka denghenemla. Imik sam yokaʾ-yokaʾ ulumlaʾ ara dengaboka uka denemla. Soko ab yokaʾ-yokaʾ nidyaʾ dubuk sam ulumlaʾ dengaboka orok danamla.

2 PETRUS 3:12

Imik Neyung yanamlaʾ anyaʾ senewoka diri ululum salek era, geisa ganya boboka ulululum. Imik Neyung yanamla sum era, im ara nidyaʾ dengaboka uka denemla dara, poba nong adya, imik sam yokaʾ-yokaʾ nidyaʾ ulumlaʾ ara, uk adya nonowanamla.

1 YOHANES 4:17

Sokok anyeb, numba Kristus ulumla sok, unu ulumeibya anasa, Yesus adya yana lelewanasil sum era, wera asaʾ ganya bobnemab aboka, wanaʾ unaʾ ara nu lomok kalasil.

YUDAS 1:7

Youmaʾ Sodom heik ab, Gomora heik ab, ok berem heik eb hnon ara, neikso malya ulumek. Sikda gela salawoka, anasoʾ malya unaʾ gong mandebnaʾ unuru yabalemekaʾ amba leboka, Imik Neyung adya singilmorulamla uk edya lobaʾ nenewoka obsukaʾ ara, anera beknaʾ dibaʾ ulumla.

WAHYU 17:11

Dara, ban yok yu nongaʾ youmaʾ men ulumok bok, wen unggulumlaʾ ara, wenewoka bo usin dubnya linnya bera an. Ban benera sik sekbadya nang en ulumek sonya bok, alda somoknaʾ ak binimla.

WAHYU 17:8

Ban yok yu nongaʾ eiblamaʾ ara, men dara ulumok bok, wenera unggulumla. Bok, alda somoknaʾ gweren selengaʾ lomok ab gobnamlakanya, onoʾ somoknaʾ ak sam binimla. Soko an anam uyiwanggom enyek, sikja si embengaʾ un buku lomok momnya dobnenggubsuk nim era, ban yokaʾ yu nongaʾ ara, men ulumok bok dengamokaʾ ara, onoʾ lanawanamlaʾ anyek eibnemak dara, hyak lokja senewoka ganya omom uboka loka dabnesil.

WAHYU 20:11

Dara onoʾ eimik so era, yok hyak senenggom geisa ekla bunaʾ ek, ana dubuk ara, alak bukumokaʾ ak eibsa. Dara, im ab soko ab, benedyaʾ hogunguk ak ab dengaro lobok adya, ban danedya oulyang era, orokaʾ dok.

WAHYU 21:1

Dara onoʾ, men im eb men soko eb dara, orok dengaboka, youmaʾ mek gwan eneba nidyaʾ hiboka denghyokaʾ adya, nara wenyok im eb wenyok soko eb danyek eibsa.