2 PETRUS 3:2 - PERJANJIAN BARU NALCA YUBA

² Nadya ugunuk unuwanasinaʾ ara, Imik Neyung adya geisa ununumnaʾ lelemek nang edya youmaʾ yuba ugunuk nekesikaʾ anyek pe seiniwoka ulululum, hnonda Imik Neyung yuba lenaʾ gak nang edya ugunuk neklesakaʾ anyek, nimi blebsinaʾ dubnya dangoka wenewanasil yub enyek bekoka ulululum.

2 PETRUS 3:2 ပူးပေါင်းရင်းမြစ်များ

LUKAS 1:70

Wenelesilnya bedya youmaʾ enyek moruwoka, alja geisa ununumnaʾ lelemek nang edya si bamaʾ pik uboka orowek wenyasuk sok, sunuwoka wera unuweisil.

LUKAS 24:27

Dara onoʾ Yesus adya sikenek sam, men danyek Musa bedya hnon, nidyaʾ ununumnaʾ len nang edya alsamba leboka momnya dorob yub enyek lelewoka neksuk.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

RASUL 10:43

Men ununumnaʾ lelemek nang eneba alsamba yuba geklewoka lelemek. Dara, sik lelemek yub era, ban wenyaboka lelemek ara, nimi nidyaʾ Yesus si ak dib senewanamak dara, Yesus migib adya sikja malya unaʾ memelemnesil, hyek,” hyok.

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

RASUL 3:18

Dara, ban unuwoka gigiwanamokaʾ anasa, Imik Neyung adya orowek ununumnaʾ lelemek nang pik moruwoka, nimi blebsinaʾ dubnya Kristus bera eimik oka nauba gweknamla aboka lemokaʾ ara, wera ban adya gigiwok.

RASUL 3:21

Petrus bedya onoʾ wenyasuk, ”Ban Yesus ara, youmaʾ Imik Neyung adya geisa ununumnaʾ lelemek nang edya lelemek sok, yokaʾ-yokaʾ nidyaʾ Imik Neyung adya meewanggumlya salek, imik heik ulumlya ara, meewanamlya salek ok laga danamla.

GALATIA 6:2

Ugun moumen yok nim edya igin ulumlaʾ anyek, arawoka bobdangoka unulululum. Dara, Kristus adya unuwanalum an yuba pe unululumaʾ beknaʾ dangalamlaʾ ara an.

EPESUS 2:20

Wera Yesus Kristus ara men ikimok egomnaʾ uboka, yuba lenaʾ gak nang eb, ununumnaʾ lelemek nang edya ikimek egomnaʾ ak, ugunda anyagan makoka sobsuk.

EPESUS 3:5

Imik Neyung adyaʾ ban yub enera, youmaʾ dara, doknomokaʾ adya, anyek unuwanasin aboka nim ek laga aawanggusuk bok, wenyek dara, Imik Neyung Geisinya adya dara, Imik Neyung alja yuba lenaʾ gak nang ak hnon, ununumnaʾ len nang ak hnon, laga aawousuk.

1 TIMOTIUS 6:14

Wene salek ebaʾ moruwoka, Wenelesilnya Yesus Kristus laga danamla sum era, ban oruknaʾ yuba nidyaʾ ara, mek sirik anaba meknenaʾ loboka, nidyaʾ pe bekoka unubgiga balalomaʾ aboka, orugenggen.

2 PETRUS 2:21

Ban anaso uboka malya unaʾ hwam ok salabmoubuka ulumak nim era, Imik Neyung adyaʾ jong pik ella danganaʾ loboka, Imik Neyung ak anaba elgom ulumneseng dara perob bok, Imik Neyung bedya yuba seleb ella ubnekanya, onoʾ nu lek aboka, malya pik balaseng dara, nauba so malya ulumak.

2 PETRUS 3:15

Imik Neyung ara men yangganggulumlaʾ ara, nuk blebsununaʾ ubokaʾ senewoka ugunda ganya enyek, pe boblulum. Nunjaʾ hem be hiboka wanaʾ ulumabnya Paulus bedya ugunuk wenyaboka momnya doboka beibsuk. Alda ugunuk momnya doboka beibsukaʾ ara, Imik Neyung adya alak geremseng eleklelanya nedya ubsuk.

2 PETRUS 3:16

Paulus bedya nidyaʾ momnya beillilisilaʾ ak ara, alda nenyek wenyaro beillililesil. Alja beillililesilaʾ momnya donaʾ era, hnon yuba damok era ella danganaʾ okna so ulumla. Anya elgom ubsin yuba damok era, nimi yokaʾ-yokaʾ elgom ulumak nim eb, Imik Neyung ak dib ganya ologoka donaʾ orok nim edya dara, dangawoka malya nenebmenekoka lolomak. Sikja dongdang aboka meknewoka unulumaknya nenedya, onoʾ sik nong anaba meneng dongdang anaʾ enedya malya neneldalamak.

1 YOHANES 4:6

Bok nuk dara, Imik Neyung ak ab nim ulumab. Dara, Imik Neyung ak ella ulumak nim era, nunja yuba kelemak. Bok, Imik Neyung ak ab unaʾ orok nim edya dara, nunja lelemab yub ek kenggulusak. Wera nunda ban adya dib ulumla ganya seininaʾ ab, sondaʾ anasa seininaʾ eb, ella dangalamab.

YUDAS 1:17

Bok, nadya wanaʾ ulusin hemyabo nim o, nunja Wenelesilnya Yesus Kristus amba yuba lenaʾ gak nang edya, ugunuk men leb elegesik yub enyek, pe beklelulum.

WAHYU 19:10

Wenyek, nara al yan berem oumuwoka gibnunaʾ ul yabasa bok, alja dara, ”Anaso ununaʾ ara mem! Nababya anaso uboka, an kabo Yesus ak laga lemok yub ek salawoka ulumak nang eb, neik wa wen nang ulumab. Alda Imik Neyung ok giblelom!” wenyhenyok. Anasa Yesus ak laga lenaʾ ara, ununumnaʾ len ganya era an.