2 PETRUS 3:17 - PERJANJIAN BARU NALCA YUBA

¹⁷ Nadya wanaʾ ulusin hemyabo nim o, ugunuk dara, wenyhenya nera seleb orowek ella dangalum. Anasa, nimi malya ulumak nim edya ugunuk gliboka bo bisijaʾ ak malya nim ulumakaʾ ak malya domunuk anasa, anya migibnya bek malya nenebdomunuk anasa, keeboka diri uldalalulum.

2 PETRUS 3:17 ပူးပေါင်းရင်းမြစ်များ

IBRANI 3:14

Nunja men youmaʾ ek mouruwoka dib senemoubaʾ anyek, pe gasa salabmouboka ulumeibyaʾ ara, sidyaʾ daknamla dara, aldib Kristus ab seleb neikaʾ un nimi douba.

KOLOSE 2:8

Dara youmaʾ uru balamek yub eb, sokok an nimi sirikaʾ ganya ak ab yub ara, Kristus adya senenggululanya bok, or orok salyaʾ hwam yub adya, ugunja ganya ek henga goubsijek anasa, pe keeboka ulumnelum.

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

1 KORINTUS 10:12

Anasa, pe sekemna senelelam nim era, malyinggimenek aboka, pe keeboka seklom.

MATIUS 7:15

”Sene sondaʾ anasa nunda ununumnaʾ lelemab nang aboka leldalamak nang ek ugunda keeboka ulululum. Sik nong ak dara, yu bei gam anasoʾ ak ulumakjok, ugunuk an domba hogunga beiyi yalamak.

ROMA 16:18

Banaso nim era, nunjaʾ wenesinya, Kristus amba wenggulumak anasa, bok sikja mon emba weldalamak nim. Sikja yub sanaʾ edya hyak or senewanok aboka bugumaʾ saboka, sikja yub era pero makaʾ lelewoka, ganya pe ulumak nim ek wenyaboka sondaʾ lelemak.

2 TIMOTIUS 4:15

Bera alda nunja lelemab yub enera, bol nenel goklesilaʾ anasa, anda alak pe keeboka ululom.

2 KORINTUS 11:3

Hawa gek bagaʾ geremseng adya bob geregemok sok, Kristus ak ganya gekman bojam ululumaʾ anyek, bob neneweisilyek senewoka lok ganya bolomna.

MATIUS 16:6

Yesus adya sikenek, ”Ugunda Parisi nim eb, Saduki nim eb dadya, roti welenaʾ ak anyek, hyak pe keeboka ulululum,” hyok.

RASUL 2:42

Dara, hyak pe yeng uboka, nimi nauba yuba lenaʾ gak nang ek ab, yuba nauba doboka, yokaʾ-yokaʾ ara neikaʾ unuwoka, anya neikik deregoka, neikik molowoka ulumek.

MATIUS 16:11

Nara ugunub neikaʾ yuba salamab dara, gwaneng sirikaʾ ak lenggulumna, damok ara hekaʾ adya elgom ululum do? Ugunda Parisi nim eb Saduki nim eb dadya, sikja roti welenaʾ enyek, pe keeboka ulululum!” hyok.

WAHYU 2:5

Anasa wera ban nenesa leboka, anda hekmok ab malyinggulumaʾ nong anyek pe beknelam! Anja malya unaʾ ak ab wen ganya dangawoka, youmaʾ pe unululum ununaʾ enyek onoʾ unub einiwanalam. Nenyek pe unuwanggunulam dara, nara anak an yeiniboka anja uk dininaʾ era al ulumlaʾ ak ab gwenewoka dobnamna.

1 PETRUS 5:9

Nimi nidyaʾ nunjaʾ hemyabo mok soko me nidyaʾ sikba igina kweboka numba gweklemab sok gweklemak bok anasa, Iblis ak ara, ugunja yuba dib senen ganya enyek hyak nauba adya alak ara pe welsinilelulum.

KOLOSE 2:5

Wera na nong anaba ugunublaboka neikaʾ unggulumab bok, ganya ak dara, nara ugunub neikaʾ ulumab. Anya ugunja Kristus ak dib senewoka migibaʾ ululum ab, ugunja ganya pe meebdangoka ululum dara, nara eiya dablenel.

PILIPI 3:2

Nimi hnon malya unulumak nim enyek, sikja si nera bei gama silibaʾ alasak nim unaʾ enyek pe keebdaboka ulululum. Ban nim enedya dara, nimi nauba ara or bolaʾ garalesinok senelesak.

YOHANES 16:4

Eimik ubnamla sum era, al orowek nekesukaʾ ara, seiniwanalum aboka, ban lebsin. Men salek era, nara ugunuk neikaʾ ulumoubaʾ anasa, ban yuba neknenggusisa.

GALATIA 5:4

Unuwanalum an yuba pik ab uboka, Imik Neyung hogung ak perob nenesinaʾ elelum dara, wera Kristus ab neikaʾ kweldanaʾ ara seleb pika garaldalalum. Unu garaldalalum dara, Imik Neyung adya wanaʾ uboka eleksinaʾ ak ab loboka, mok neneldalalum.

2 PETRUS 2:7

Nimi nidyaʾ heik ene nimi nidyaʾ ara, malya unaʾ hwam ok ura ulumek bok, alda Lot bek hnonok alak ok Imik Neyung adya pelemoknya senemokaʾ anasa, unu ol yabasuk sum era Lot bek hnonok blebok.

2 PETRUS 3:1

Nadyaʾ hemyabo nim o! Ban momnya donaʾ beibsinaʾ anara penenya nek beibsin. Ban beibsin momnya donaʾ pik ab dara, ugunja ganya hyak pe seinilemnelum aboka ugunuk beibsin.