2 PETRUS 3:11 - PERJANJIAN BARU NALCA YUBA

¹¹ Anasa, yokaʾ-yokaʾ nidyaʾ anyek anaso ura denghenemla anasa, ugunuk dara, hekaʾ huboka goʾ ubnemab senelelum do? Ugun nong ara, Imik Neyung amba ok munaʾ gobdo geisa ganya boboka ulululum.

2 PETRUS 3:11 ပူးပေါင်းရင်းမြစ်များ

MATIUS 8:27

Yesus yuba doro diriga ban nang era, hyak loka daboka, sik moumen leldalamekaʾ ara, ”Kaboʾ ab, mek yub ab dara, alja yuba keblaʾ anasa, har so ululanya do?” wenyaldalamek.

ROMA 13:11

Ugunda ban wene salek unulamla uruma era ella ululumaʾ ara, ugun mablumaʾ ara buknelum salek seleb danggiga balamla anasa, ban wenyalasil yub era al unulumnelum ok. Anasa blebsinaʾ ara nunda men anam ganya dib senewoub salek ek ab dara, wenera hyak seleb ok berem nong ulumla.

ROMA 13:12

Mok soko ara seleb inibdouluwoka, wera bereganamla salek. Wera anasa nunda wera gunaʾ hnoum ab ununanya nera lobibyekanya, dilinaʾ adya mal yin enyek enegoka ulumnemab!

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

PILIPI 3:20

Bok nuk dara, imik heikek ab nim ek ulumab. Dara, al neik heikek ab nunjaʾ nimi blebsinaʾ dubnya Wenelesilnya Yesus Kristus ara eimik yanamla. Al nong anyek nunja dara, wera eibsibya senewoka diri ulumab.

1 TESALONIKA 1:5

Nunda ugunuk perob lero yanggan yuba lelemoubaʾ ara, sibamaʾ adya ok lenggulumouba. Alda migib adya, Geisinya adya, ban yub enera hyak dib nong senewoka leb elegesuba. Ugunuk pewosululaʾ aboka, nunda ugun gangganek ara, hekaʾ huboka ulumoubaʾ ara, ugunda pe ella ululum.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

1 TIMOTIUS 4:12

Anda goubenya ululamaʾ anasa, yok nim edya anak, alda mek goubenenya benyaʾ seneweigijek. Bok alda saawoka, Imik Neyung mab adya anja unulumennya nenyek diliwagenokaʾ aboka, anja yuba sanaʾ maka hnon, anja ununaʾ hnon, nim ek wanaʾ unaʾ hnon, ganya geisa uboka Yesus Kristus ak dib senen ganya hnon boboka bojam ululom.

1 TIMOTIUS 6:11

Bok anak dara, Imik Neyung adya nim ululamaʾ anasa, banyan nidyaʾ lebnanya dara, mok nenewoka pe ululom. Anja dara, perob unaʾ pik balanun, Imik Neyung alja diligaʾ doboka ulunun, dib senen ganya ok bolonun, wanaʾ ganya boboka, ganya siklewoka ulunun, pe namenaʾ ulunun senen ganya ok boboka yeiriwoka dobgiga balalom.

1 TIMOTIUS 6:3

Nimi ben hnonda yok yuba nekoka, nunja Wenelesilnya Yesus Kristus bedya alja eikaʾ un yuba hnon, hekaʾ ak ubibyek Imik Neyung pik pe balamnemab aboka yuba hnon, dib senenggulumla dara,

1 TIMOTIUS 6:6

Bok, nimi ben hnon, Imik Neyung pik pe balamlakanya, bonaʾ amba dara, or nak an mekaʾ seleb ulunelnya nok dara perob senewoka, yokaʾ nauba dobsinya ganya bonggulumla dara, hyak pelemla.

IBRANI 13:5

Dara Imik Neyung yub ara banaso lelemla, ”Nara anak ara hyak mekaʾ dogom ab lobnenggununggenekanya, nara anak ara hyak mekaʾ gwab lobnenggununggen,” wenyalamlaʾ anasa, ugunda rupiah ak nauba dolonun ganya ek ab leiblelulum. Alda ugunuk an ulusilaʾ anyek, eiyasa gigibdangoka ulululum.

YAKOBUS 1:24

Nadya hogung era anasoʾ ak ulumna senewoka keebdan bok, yokok sam yabanek ab dara, har soʾ ak eibdangabman do senewoka ganya eboka hiligeldalamak sokaʾ ak ulumak.

YAKOBUS 3:13

Nimi ben hnon ugun gangganek ara, heknya ek geremseng uboka pe ella ulumla do? Wera unululanya geknebaʾ alda geremseng uboka, ganya sokok nenebdangoka, perob nong unaʾ adya laga amalelul.

1 PETRUS 1:15

Imik Neyung ugun youbsuknya bera geisa ulumla sok, ugunja yokaʾ-yokaʾ unululumaʾ ak ara geisinya danalenya nok eboka unulululum.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

2 PETRUS 1:3

Imik Neyung adya aljaʾ senenggom migib edya ongowoka, yokaʾ-yokaʾ nidyaʾ ara, yuba doboka pe ulunokaʾ aboka nuk seleb elegosuk. Imik Neyung adya ban unuwosuknya nera, aljaʾ senenggom migib eb perob unaʾ ab danyek, boboka ulunokaʾ aboka, youbusuknya bek ella dangamoubaʾ adya ubsuk.

2 PETRUS 1:6

Dara, ugunda geremseng nang uboka, hnonda ugun nong anyek pe diri uldalalulum. Dara onoʾ pe diri uldalamunuk ab dara, yokaʾ-yokaʾ lanawanamlya sum enesa leboka, ugun nong ara ganya migibaʾ gebdangoka pe ubmoruwanob senen ulululum. Onoʾ ganya migibaʾ gebdangoka pe ulmorulumunuk ab dara, Imik Neyung adya anaso ubseng senelamlaʾ sunuwoka ulululum.

2 PETRUS 3:10

Bok Imik Neyung yanamlaʾ ara, nim edyaʾ hokaʾ dolomak nimi gelelenga yabalamak sok uboka yanamla. Imik Neyung yanamla sum era, im ara liming yub adya iriri aboka joboka denghenemla. Imik sam yokaʾ-yokaʾ ulumlaʾ ara dengaboka uka denemla. Soko ab yokaʾ-yokaʾ nidyaʾ dubuk sam ulumlaʾ dengaboka orok danamla.

2 PETRUS 3:12

Imik Neyung yanamlaʾ anyaʾ senewoka diri ululum salek era, geisa ganya boboka ulululum. Imik Neyung yanamla sum era, im ara nidyaʾ dengaboka uka denemla dara, poba nong adya, imik sam yokaʾ-yokaʾ nidyaʾ ulumlaʾ ara, uk adya nonowanamla.