Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 PETRUS 2:21 - PERJANJIAN BARU NALCA YUBA

21 Ban anaso uboka malya unaʾ hwam ok salabmoubuka ulumak nim era, Imik Neyung adyaʾ jong pik ella danganaʾ loboka, Imik Neyung ak anaba elgom ulumneseng dara perob bok, Imik Neyung bedya yuba seleb ella ubnekanya, onoʾ nu lek aboka, malya pik balaseng dara, nauba so malya ulumak.

အခန်းကိုကြည့်ပါ။ ကော်ပီ




2 PETRUS 2:21
24 ပူးပေါင်းရင်းမြစ်များ  

Dara, Yohanes bera Wenelesilnya bedya unu ulunok senelelanya nenyek nekel yousuk bok, alja neklesuk yub era ugunda dib senewanggulum. Bok mok soko amba rupiah molowoka dolomak nang eb, salyaʾ malya ura yabalamak gelewa eb danyek, sikenek dib senemek. Wera ugunja dara, sikda dib senemekaʾ ara hnon seleb henga eiyilum bok anaba, ugunda eib kwebnenggulumukanya, Imik Neyung ak dib senewanggulum,” hyok.


”Alja wa dubnya bedya ganya seininaʾ ara ella ululadyok, pe diri unaʾ loboka, alja lelemla sok pe sunuwoka wa wenggululanya bek hyak nauba legebnaʾ deboka obnamla.


Nak yanggusinyekanya, ban sikenek wenyanaʾ orok dara, malya unaʾ sikenek unggulumnususo bok, wenyek dara, sikja malya unaʾ orok senen lebnengguneseng.


Yesus ara sikenek, ”Ugunda henga lum dibaʾ ulusom dara, ugunuk ara malya unaʾ nang henggunusisinya. Bok, heng larawoka eillilimab alalumaʾ adya, malya unaʾ lomok anam ululum,” hyok.


Anasa Yahudi nim emba unuwanalum an yub ek dara, geisaʾ ak ulumla. Anya, ban wenesin yub enebabya, geisaʾ ab, dib nong ab, perobaʾ ab, ulumla.


Ugun moumen yok nim edya igin ulumlaʾ anyek, arawoka bobdangoka unulululum. Dara, Kristus adya unuwanalum an yuba pe unululumaʾ beknaʾ dangalamlaʾ ara an.


Wenelesilnya Yesus bek ab hek oruknaʾ yub ak ugunuk elegosubaʾ ara, ugunda ella ululum.


Wene salek ebaʾ moruwoka, Wenelesilnya Yesus Kristus laga danamla sum era, ban oruknaʾ yuba nidyaʾ ara, mek sirik anaba meknenaʾ loboka, nidyaʾ pe bekoka unubgiga balalomaʾ aboka, orugenggen.


Anasa Imik Neyung bedyaʾ dib yub ara nuk seleb leb elegemnesak bok, nunda sene sobaʾ malya ubdibigemnemab dara, malya unaʾ en doboka bobogosululaʾ aboka dara, yok memenaʾ ara orok.


Wera anasa, nimi ben hnon pe ununaʾ ara ella ululadyok, ununggulumla dara, malya unaʾ ara alan.


Nadya ugunuk unuwanasinaʾ ara, Imik Neyung adya geisa ununumnaʾ lelemek nang edya youmaʾ yuba ugunuk nekesikaʾ anyek pe seiniwoka ulululum, hnonda Imik Neyung yuba lenaʾ gak nang edya ugunuk neklesakaʾ anyek, nimi blebsinaʾ dubnya dangoka wenewanasil yub enyek bekoka ulululum.


Nadya hemyabo wanaʾ ulusin nim o! Nunja neikaʾ dib senewoka domouba blebsinaʾ damok enesa, momnya doboka beibsununaʾ aboka ulumnakanya, onoʾ munaʾ Imik Neyung mab ek dib senenaʾ damok gobdo elegesuknya bemba, ugunda duboka salabmoubnelum aboka, ugunuk dukaʾ lolom-lolom along sok wenyaboka lebnesin senewoka momnya doboka beibsin.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ