2 PETRUS 2:2 - PERJANJIAN BARU NALCA YUBA

² Nimi nauba ara, ban malya nim enedya sikja unulumaknya nenyek diliwoka unulumnemak. Sik nong anyek unuro malya unaʾ ganya enyek diliwoka unulumnemak. Dara, ban nim enedya, nimi nauba ara jongaʾ perob pik Imik Neyung pik ab malya geboka unulumnemak.

2 PETRUS 2:2 ပူးပေါင်းရင်းမြစ်များ

MATIUS 22:16

Anasa Parisi nim era, sikja yuba doro diriga ban nang hnon, Herodes bek sam ab nim hnon, Yesus ak sam bokek. Dara nim enedya Yesus ak, ”Neyung neklesilimnya o, neyung aldib ok unululamaʾ ara numba ella ulenjab. Neyung anda yuba neklesilim dara, nimi hogung ak keeboka neknenggulusilimikanya, yok nim edya perob seinilimaknya nera loboka, alda Imik Neyung adya senelamlaʾ anyek ok neklesilimaʾ anasa, pelelam.

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

MATIUS 7:14

Nim embengaʾ nenelesil pik era, nimi weknaʾ ak dogob nongaʾ ulumlakanya, ban pik eneba mekaʾ me ulumla. Anya nim ara mek ok eiyiboka weklemak,” hyok.

MARKUS 12:14

Dara sikda Yesus ak yeiniboka heibekaʾ ara, ”Neyung neklesilimnya o, anda malya nimi nidyaʾ hiboka pe neklesilim, hnon nang edya yub era malya senewoka jakman ganya bonggululamaʾ anasa, wera anda Imik Neyung adya soko nim unuwanok senelamlaʾ damok ara pe neklesilim. Anasa neyung, dubnya Kaisar bek soko amba rupiah eleganesibya dara, perob gom, orok gom? Anasa nunda deklemnesibya gom, orok gom?” wenyaboka heibek.

MARKUS 13:22

Anasa wera, eimik era sondaʾ anasa nara nimi blebsinaʾ dubnya, nara ununumnaʾ lenya ulumna henemak nang era, nauba lanawoka, sikja dara, nimi hnon weboka dobsuk nim ek bobnenewoka sondaʾ lebnemeibyaʾ ak men aboka, yokaʾ-yokaʾ nauba beknaʾ eneba unuro yabalemnemak.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

RASUL 13:10

”Wei, anda hyak sondaʾ hwamnya ululam. Anda bisaʾ me uboka, nimi perobaʾ nenesinaʾ amba isaʾ nang dangallisinanya ululam. Anda hekasa Imik Neyung adya jongaʾ meemoknya nek sobaʾ soldol meneklelam do?” aboka lemok.

RASUL 14:2

Bok onoʾ Yahudi nimi darasam hnon nim era bokoka, Yesus yuba donaʾ lek senewoka ulumek nim era, Yahudi gom nim ek wenewoka sondaʾ anasa lelerak aboka wenewoka lelesik adya, wera sikbabya Yesus ak dib senewoka dolomek nim ek malya senelemek.

RASUL 16:17

Dara, al on gel nub Paulus beb yabalemouba pik dobdo yeiniboka bii aboka ebngalogoka lelesukja, ”Ban nang danara, Imik Neyung senenggom ululanya bedya alja wa wenaʾ nang era an. Sikda ugunuk hekaʾ huboka eimik blebnesil anyek neklesirik,” aboka lelemok.

RASUL 18:26

Dara, Apolos bera hyak asaʾ nongaʾ anyek Yahudi nim edya yuba don ek sam wekoka nim ek yuba leb einisuk bok, Akwila Priskila sik nang penya edya kerek dara, Apolos bek yalom aboka sikja ek sam bo bilirek. Dara, sikja ek ab Apolos bek Imik Neyung pik ara alan aboka, pe wenewoka nekerek.

RASUL 19:9

Bok sik gangganek ara, nimi hnon ganya gasa uboka, Imik Neyung yuba dib senewanggunusibya senemek. Dara, anyagan longolomek nang ek sam, ban nang edya Imik Neyung adya Yesus pik uboka nim embengaʾ blebnesin amok anyek, lek aboka sonda anasa lelemak aboka blekoka lelemek. Anasa wera, Paulus bera sikenek ab loboka, Yesus yuba doro diriga ban nang eblaboka neikaʾ senenggom sekolah dolomek e si Tiranus ekla ak sam bilimek. Dara anyagan ara li sob-sobaʾ Paulus bera yok nang eb heibdangoka unulumek.

RASUL 22:4

Dara, nadya wenyok lanabok yuba dolomak nimek doluwoka lobaʾ nenewoka olosisa. Nera sikda nidyaʾ gelewa ab, nengmab ab, nadya henga geregoka, gasa ek beillilisisa.

RASUL 24:14

Anasa nak dara, wen nadya unulamna ara anak laga lebnenggen. Nara aldib Yesus adya nekesuk anyek sunuwoka, Yahudi nim edya dara, malya alamak bok, nunja Wenelesilnya Imik Neyung bek giblamna. Anyek hnonok aldib unulamna. An unulamna anaba, onoʾ Musa bedya unuwanalum an yuba hnon, yok ununumnaʾ lelemek nang edya momnya domek yuba hnon, or aldib senelamna.

ROMA 2:24

Anasa an unulum dara, ”Wera ugun pik uboka, yok-yok mok soko nim era, Imik Neyung si ak derelemak,” wenyaboka momnya dobokaʾ ak ulumla.

1 TIMOTIUS 5:14

Nenesa leboka nadya perob senelamnaʾ ara, or goubenya bok youk gel ulumak nim era, nenya dobijekanya me yak dangoka, sikja ek pe wa weboka ulumeijaʾ adya, wera nunja isaʾanya nera al pik uboka nunja si malyaʾ neneweisilyek anasa, wera men nenya dobnok.

TITUS 2:5

Onoʾ goubenya gelewa era, geremseng uboka, ganya geisa uboka, namen uboka, onoʾ nenyab adya yuba keboka, perob ek nimi dangalenokaʾ aboka wenelesinok. Nunja Imik Neyung yub ara yok nim edya malya neneweijek anasa, anaso pe ulunok.

TITUS 2:8

Anadya anak malya senelenjak nang era, nunja malya unaʾ hnon ununaʾ orok adya nuk mininaʾ yuba okna anasa, sikda alya dabsulul aboka, nim adya si malya danganggulumla yuba damok enyek, pe geremsengaʾ lanawanamlya yuba damok enyek neklesilom.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

2 PETRUS 2:12

Sikda pam unuruwaʾ ak beiyiwoka oboka youn danasa liklemak sokaʾ ak ulumak. Sikda hyak perob ganya era mekaʾ seininggulumak, anya sikja unulumakaʾ nidyaʾ ara salyaʾ anyek unulumabaʾ ara elgomjok, damok ara anaso danamlaʾ ara salyaʾ ulumakaʾ adya malya geboka derewoka lelemak. Anadya sikja meneng meknewoka unulumak malya unaʾ edya sik nonga geregoka, nim adya pam olomak sok, Imik Neyung adya dara, sikenek obnesil.

2 PETRUS 2:15

Ban unu nauba malya unulumak nim era, wanaʾ unaʾ pik era banaʾ loboka, malya pik biniboka seleb weiningdangamek. Ban nim enera Beor bedya me Bileam bedya balamok pik enyek, doboka balamak. Ban Bileam bera alja malya pik anyeb uboka, nauba rupiah dobnamna senewoka malya ulumok.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

2 PETRUS 2:21

Ban anaso uboka malya unaʾ hwam ok salabmoubuka ulumak nim era, Imik Neyung adyaʾ jong pik ella danganaʾ loboka, Imik Neyung ak anaba elgom ulumneseng dara perob bok, Imik Neyung bedya yuba seleb ella ubnekanya, onoʾ nu lek aboka, malya pik balaseng dara, nauba so malya ulumak.

2 PETRUS 2:7

Nimi nidyaʾ heik ene nimi nidyaʾ ara, malya unaʾ hwam ok ura ulumek bok, alda Lot bek hnonok alak ok Imik Neyung adya pelemoknya senemokaʾ anasa, unu ol yabasuk sum era Lot bek hnonok blebok.

YUDAS 1:10

Bok ban malya ulumak nim era, yokaʾ-yokaʾ elgom ulumaknya nek derelemak. Dara sikja ella ulumaknya nera, ganya orokaʾ adya seinilamla sok, gobdo nauba malya ulumak. Wera anadya sik nonga dengabdanamakaʾ ara an.

YUDAS 1:4

Imik Neyung orowek obnamna senewoka memeb gegewok nang era, nu gangganek sam seleb gelelenga wekel yalamakaʾ anasa lebna. Sikja malya ubnob senewoka, Imik Neyung adya gouluwom aboka wanaʾ un yub enyek, nimi ganya oka desinaʾ amba samab menegoka, sikda malya nim ek ulumak. Anya sikda nunja hnonok dubnya Yesus Kristus anyek, Wenelesilnya gomaʾ aboka boro dorogol dilimak.

YUDAS 1:7

Youmaʾ Sodom heik ab, Gomora heik ab, ok berem heik eb hnon ara, neikso malya ulumek. Sikda gela salawoka, anasoʾ malya unaʾ gong mandebnaʾ unuru yabalemekaʾ amba leboka, Imik Neyung adya singilmorulamla uk edya lobaʾ nenewoka obsukaʾ ara, anera beknaʾ dibaʾ ulumla.

WAHYU 12:9

Dara ban senenggom naga bagaʾ era sokok yakdo boblenggok! Wera ban wisa youmaʾ bagaʾ era, nidyaʾ sokok an sondaʾ leboka malyaʾ geblamlaʾ, alja si nera Iblis hnon, Satan hnon aboka si silimak ara an. Alab, nidyaʾ alak aralemek lero eb dara, sokok an unu boublinggosuk.

WAHYU 13:14

Dara, ban eimik yu nongaʾ enedya, lok so beknaʾ dibaʾ alak elegok adya, men yu nongaʾ amba leboka, loka dabsinaʾ unuru yabalamok adya, ban sokok an ulumeija nimi nidyaʾ ara, bobnenewoka ubsuk. Hnonda, ban men yu nongaʾ era, oldan gab edya menengaʾ diligaʾ hwam bok, or ulumlyaʾ anyek, alja nonga sunuwoka memenaʾ ara, galak girikek gom meewoka sekiyiwolulum aboka orugosuk.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.