2 PETRUS 2:10 - PERJANJIAN BARU NALCA YUBA

¹⁰ Nauba so ara, nimi yana lelewanasilaʾ ara, malya unaʾ adya ok wekdeknewoka unulumak nimi hnon, sembejaʾ ganya adya ok uboka, Imik Neyung adya migib si nek malya nenelemak nim enyek, yana lelewoka obnesil. Nimi malya unaʾ hwam nim era hyak asaʾ ganya boboka, dengdang ganya bolomakaʾ adya imik heikek ulumak nim anaba geklewoka malya ura walamak!

2 PETRUS 2:10 ပူးပေါင်းရင်းမြစ်များ

LUKAS 11:25

Wera youmaʾ ek balamna enyek, e nera sembejaʾ orokaʾ anyek pe bonaʾ beiyiboka ulumnaʾ ak eillilamla.

LUKAS 19:14

”Bok alja meneng mok nim edya, alda lek senemek. Anasa wera, bera dubnya sekiyiwanamekaʾ ak seleb byuk bok, Nunja mok ara ban benyek, dubnya unaʾ lek amak, wenyaro byik.

RASUL 23:5

Wera Paulus bedya leboka dara, ”Al wenyekaʾ e hemyab o, alda Imik Neyung yuba wa gakaʾ dubnya ulumla ara nara elgom ubman adya salyaʾ lebna. Dara, Imik Neyung yuba bukuk sam momnya dobok ara, Anja sokok yangawoka bo ulusilya nang ek salyaʾ malya nenewoka malya yuba lenaʾ ara mem hyok bok, lebna,” hyok.

ROMA 8:1

Anasa wenyek dara, sikda Kristus Yesus lomok ulumak nim ek ara, igina kwenaʾ ara unggulumla.

1 KORINTUS 6:9

Nimi malya ulwenelemak nim era, eimik era Imik Neyung wenesin heikek hyak weknenggunumakaʾ ara, ugunda elgom ululum de? Wei, bol neneldanggom. Salyaʾ gela hokaʾ salalamak nang eb, yokaʾ-yokaʾ ak giblemak nim eb, yok nang gela salalamak nang eb, sik moumen bok dekeldalamak nang eb dara, imik heikek weknenggunumak.

2 KORINTUS 10:3

Nunda sokok an anam ulumab bok, sokok nim oldalamaknya nenesoʾ ak, oldanggulumab.

EPESUS 4:19

Sikja unulumak ununaʾ era meknelemab senewoka alya ganya bonaʾ orok adya yok-yok malya unaʾ era, salyaʾ sikja ganya doboka, gela salyaʾ salero yabalamaakanya, yeiriwoka yok-yok malya unaʾ nidyaʾ unura yabalamak.

EPESUS 5:5

Ugunda ban nong anyek pe beknelumaʾ ara, Nimi gela salyaʾ salalamak nang eb, malya unaʾ hwam ok ulumak nang eb, hman ganya bonaʾ ara, bisaʾ gibnaʾ anaso dangalamlaʾ anasa, ganya en bolomak nim eb dara Kristus ab Imik Neyung ab dadya wenewoka bo ulusirik sokok nimi mekaʾ danggunumak.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

1 TESALONIKA 4:7

Imik Neyung ara malya ulunokaʾ aboka youbnenggusuk, geisa ulunokaʾ aboka youbsukaʾ anasa, ban anaso unggom.

2 TIMOTIUS 3:2

Nim ara nanokok pewonulul senewoka ulumnamak, rupiah hogung ok beiyiwoka ulumnamak, dengdang anaʾ ganya boboka sondaʾ hwam ok lelemnemak. Sikda yok nim ek geklewoka derewoka walamnamak, nauba nimi yuba lek senewoka bleklemnemak, eleganelemaʾ perob alamakaʾ ara, elgom ulumnamak. Dara, hnonda nimi pe ulumaknya nek ara, sikda lek senelemnamak.

TITUS 1:7

Yuba don nimi bo usinnya bera, Imik Neyung bedya wa nek welemlaʾ anasa, alda si gegena ponaʾ ara hyak mem. Alda dengdang ganya boboka yu ganya bonaʾ loboka, yu meka deregoka ganya uu anaʾ oroknya bek, oldanaʾ hwam ganya unggululanya bek, rupiah nauba dorowonun senenggululanya bek ululul.

IBRANI 13:4

Dara ugunda nidyaʾ ara gela nenya doldanaʾ ak ara hyak perobaʾ senewoka imik nenelemnelum. Wera sik salyaʾ dongolomak nim eb, meknewoka salyaʾ salaldalamak nim eb dara, Imik Neyung adya yana lelewanasilaʾ anasa, ugunda gela nenya ara hyak pe uboka mekneldanggom mem.

2 PETRUS 3:3

Ugunda men nonogoka beknelumaʾ nong ara, yokaʾ-yokaʾ sidyaʾ daknamla sum era, nimi nauba malya ulumakaʾ adya ok wekdeknewoka ulumak nim enyek boboka lanawanamak. Sikja ugunuk derewoka walamnesak.

YUDAS 1:10

Bok ban malya ulumak nim era, yokaʾ-yokaʾ elgom ulumaknya nek derelemak. Dara sikja ella ulumaknya nera, ganya orokaʾ adya seinilamla sok, gobdo nauba malya ulumak. Wera anadya sik nonga dengabdanamakaʾ ara an.

YUDAS 1:16

Wera an unu malya unaʾ hwam ok ulumak nim era, sobaʾ yu yaboka gaga kiboka yok nim ek meknelelum aboka malya geblesak. Sikja nong unaʾ era, malya ubsinya ganya diligaʾ enyek ulumaakanya, sikda nonggo aldalamaakanya, nuk perob dosulul senewan dara, dibnya gom bok, miniwoka leboka, yok nim edya unuruwaʾ amba, pe makaʾ lelewoka lelemak.

YUDAS 1:18

Sikja dara ugunuk ara, ”Eimik soko dengaboka sidyaʾ daknamla salek oka danamla dara, perob yub ek dolbalek nenelemak nimi hnon lanawanamak. Wera an nim era, sikja malya unulunob senen ganya edyok wekdeknewoka ulumak nim ek ulumnemak,” hyek.

YUDAS 1:4

Imik Neyung orowek obnamna senewoka memeb gegewok nang era, nu gangganek sam seleb gelelenga wekel yalamakaʾ anasa lebna. Sikja malya ubnob senewoka, Imik Neyung adya gouluwom aboka wanaʾ un yub enyek, nimi ganya oka desinaʾ amba samab menegoka, sikda malya nim ek ulumak. Anya sikda nunja hnonok dubnya Yesus Kristus anyek, Wenelesilnya gomaʾ aboka boro dorogol dilimak.