2 PETRUS 2:1 - PERJANJIAN BARU NALCA YUBA

¹ Youmaʾ dara, nimi yuba dolomekaʾ hnoum ara, sondaʾ amba yuba len nang aldalamek nimi hnon lanalemek. Anaso neikek weneba ugun gangganek ara sondaʾ amba bobnenewoka yuba lesin nim abdangoka hnon lanawanamak. Ban nang enedya dara, ugunuk ara dib gom yuba, nim ek malya gebellilimnesak yub enyek, bo lanawanasak. Dara sikja malya unaʾ emba dekesuknya senenggom Imik Neyung benyek unggulumla aboka bobnenewoka lebnesak. Unu Imik Neyung ak yaab lobnemakaʾ adya, senenggom somoknaʾ damok ara sik dam nang ek bo lanawanasil.

2 PETRUS 2:1 ပူးပေါင်းရင်းမြစ်များ

MATIUS 10:33

Bok heknedya nimi hnoum ab, nara Yesus adya yuba donggulunanya aboka sondaʾ lelenel dara, nababya alak neyung be imik heikek ululanya bedyaʾ saramek ab uboka sondaʾ amba bobnenewoka laga lebnamna,” hyok.

MATIUS 24:11

Nimi nauba sondaʾ anasa, nunda Imik Neyung adya ununumnaʾ len nang wenyabdangoka lanawanamaakanya, yok nim ek nauba malya nenewanamak.

MATIUS 24:24

Dara eimik era, sondaʾ nimi blebsinaʾ dub nang eb, sondaʾ ununumnaʾ len nang eb nauba lanawanamak. Sikda nimi nauba malya nenewoka sondaʾ lebnobaʾ aboka, yokaʾ-yokaʾ senenggom beknaʾ eb, hyak lok soʾ ab, hogung ak laga nauba unura yibinemakaʾ adya, Imik Neyung ara hnon or senewanamso dara, nim Imik Neyung mab anaba sikenek dib senewanasiseng.

MATIUS 24:5

Dara eimik era, nimi nauba nadya si nek sibuka, Nara nimi blebsinaʾ dubnya bera an! wenyaboka, nimi nauba sondaʾ leboka malya nenewanasak.

MATIUS 7:15

”Sene sondaʾ anasa nunda ununumnaʾ lelemab nang aboka leldalamak nang ek ugunda keeboka ulululum. Sik nong ak dara, yu bei gam anasoʾ ak ulumakjok, ugunuk an domba hogunga beiyi yalamak.

MARKUS 13:22

Anasa wera, eimik era sondaʾ anasa nara nimi blebsinaʾ dubnya, nara ununumnaʾ lenya ulumna henemak nang era, nauba lanawoka, sikja dara, nimi hnon weboka dobsuk nim ek bobnenewoka sondaʾ lebnemeibyaʾ ak men aboka, yokaʾ-yokaʾ nauba beknaʾ eneba unuro yabalemnemak.

LUKAS 12:9

Bok alda nimi hnoum, nara Yesus ak diriga banggulunanya aboka bobnenewoka lelelanya bera, albabya nimi dibaʾ me nedya Imik Neyung lero nang saramek sam ab, or-or lebnamla.

LUKAS 21:8

Anasa Yesus adya dara, ”Ugunuk bobnenewoka sondaʾ amba nauba malya ubsijek anasa, keeboka ulululum. Nimi nauba eimik era, nadya si sibuka yeijikanya, Alda nara an yan! anya, Wera soko dengan salek era seleb oka dal, henesak bok, ugunda dib senewoka dilinaʾ ara hyak mem.

LUKAS 6:26

Youmaʾ dara, sondaʾ anasa nunda ununumnaʾ lelemab nang alamek nang ek, nimi nidyaʾ perobaʾ lelesik sok, wera ugunuk yok nimi nidyaʾ adya, perobaʾ lelesija nim era hyak nauba omomaʾ ak ululum,” hyok.

ROMA 16:18

Banaso nim era, nunjaʾ wenesinya, Kristus amba wenggulumak anasa, bok sikja mon emba weldalamak nim. Sikja yub sanaʾ edya hyak or senewanok aboka bugumaʾ saboka, sikja yub era pero makaʾ lelewoka, ganya pe ulumak nim ek wenyaboka sondaʾ lelemak.

1 KORINTUS 11:19

Ugun gangganek ara, har berek Imik Neyung adya perob senelesil nanga hnon, har berek yuba dib donaʾ orok bok, ulumak nanga hnon, laga danokaʾ aboka unulusil.

1 KORINTUS 6:20

Imik Neyung adya ugunuk seleb deknaʾ doboka deksuk. Anasa wera, ugunja nong era pe ulumunaʾ adya, Imik Neyung si imik dangallilimnelum.

1 KORINTUS 7:23

Imik Neyung adya deknaʾ edya seleb deksuk. Anasa wera, nimi yokaʾ adya oruknanya dangoka ununggom, mem.

GALATIA 2:4

Hnon nang edya dara, or unuwanamla aboka lelemek bok, unuwolul aboka yo henggumek. Wera an wenyalamek nang era, yuba dib doboka ununaʾ orokjok, nunjaʾ Kristus Yesus ak dib senemoubaʾ adya, gobdo ganya doboka unaʾ ak gelelenga kemero yeilimek. Sikja dara, nu yuba dobnenggoma wenyek unulumoubaʾ anyek, neik so unulunokaʾ aboka pik nekoka igina kweiyiwanobaʾ aboka yeilimek.

GALATIA 3:13

Imik Neyung yub ek ara, ”Gal ikoka oboka dibeknya bera, weil malyaʾ glokeknya bek ulumla,” aro momnya dobok. Bok wenyek dara, Kristus adya nunsamba weil malyaʾ glokeknya dangasukaʾ adya, nunda unuwanalum an yub ek ab weil malyaʾ gloksukaʾ ak ab, hweboka blebsuk.

GALATIA 4:17

Nimi malya nenelesak nim edya dara, sikja yuba pe keboka perob pikek pajaʾ seregoka, malya neneweisinobaʾ aboka, ugunja ganya benewoka gliboka sobaʾ yeiriwoka dulusak.

GALATIA 5:20

bisaʾ girik gala gibnaʾ ab, nimi guma guknaʾ ab, lek seneldanaʾ ab, waldanaʾ ab, ganya oka deregoka solom ganya ab, dibum an ganya ab, nanokok pewounulul senenaʾ ab, doluwoka malya neneldanaʾ ab, mala doldanaʾ ab,

EPESUS 1:7

Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.

PILIPI 3:19

Ban malya ulumak nim era, sikjaʾ ganya edya nunja nong emba pewosulul senen ganya boboka yeirilemakaʾ anasa, sik nong anaba malya uboka somoganamakaʾ ak ulumak. Sikda sokok an salyaʾ lelem perob dangalalanya nok senewoka seinilimak. Sikenek alya danasusonya nek perob senelemak.

KOLOSE 2:18

Dara, ugunja oblamaknaʾ ara, or-or uboka sene ganya sokok nenebdangoka, lero nang ek giboka, goloknaʾ dib eillilimakaʾ anyek sunuwoka, sikja sokok unuro yaban ganya enyek, beknaʾ orok bok nauba nonggo abdangoka ulumak nang edya, ugunja oblamaknaʾ ara orok neneweisijik, mem.

KOLOSE 2:8

Dara youmaʾ uru balamek yub eb, sokok an nimi sirikaʾ ganya ak ab yub ara, Kristus adya senenggululanya bok, or orok salyaʾ hwam yub adya, ugunja ganya ek henga goubsijek anasa, pe keeboka ulumnelum.

1 TIMOTIUS 5:8

Nimi ben hnon sik nimi yilaʾ ak hnon, nauba so ara, alja meneng mabo silibaʾ enyek, pe arasinaʾ orok dara, alja yuba dib senelamlaʾ ara, malya gebdangoka yuba donaʾ orok nim ek dara, or sang so bok, ban benyek dara hyak malya nongaʾ ak ulumla.

2 TIMOTIUS 4:3

Nimi jongaʾ pe ulumak yuba dobnenggunumak sum hnon yanalabok anasa, pe neklesilom. Eimik era dobnenggunumaakanya, saawoka nim adya anyek unuweisinya senewanamaakanya, nenyek ok unulumnumak. Dara, nunja o kelemeibya dara, pelemlya anyek kero ulunob senen malya neknaʾ enyek neklesinokaʾ aboka, nimi neksin nang nauba, bo boklomnemak.

TITUS 1:11

Ban wenyhen nim era, neknenggunuseng yub edya, nimi nauba nim e gebman malya nenelesakaʾ anasa, sikja sibamaʾ hyak lebnok. Sikda ban unulumaknya nera, anadya deknaʾ salyaʾ malya uboka dobnobaʾ aboka ulumak.

TITUS 3:10

Nimi yuba dolomakaʾ ak doluwoka bokol goklesak nang ek ara, anja ban unululamaʾ ara loblom aboka, li penya unu gorogoka lelelom. Ban nen seleb unuwamen bok dara, anda alab neikaʾ uruma dobdangoka unaʾ ara mem.

IBRANI 10:29

Bok hyak nauba ara, Imik Neyung bedya me Yesus ak blekoka yan ingib sablamlaʾ amba hnon, malya unaʾ ak ab geisa nenewanesin aboka yekok eneng ek malyaʾ sembejaʾ senelamlaʾ ak hnon, wanaʾ uboka eleksinaʾ Geisinya bedya ak derelamlaʾ amba hnon, hyak nauba saboka obnamla.

1 PETRUS 1:8

Ugunda wera Kristus ak ara heng eibnenggulumjok, wera alak wanaʾ ululum. Onoʾ wenera alak ara eilinaʾ orokjok, alak dib senelelum. Ban nenesa leboka ugunda wenera hyak ei-ei ganya bolomunukanya, hyak perob senewoka nauba eiya hlalalum.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

1 YOHANES 2:26

Nadya ban ugunuk momnya doboka beibsinaʾ ara, ugunuk sondaʾ amba bobgeregoka lebsinobaʾ aboka ulumak nim ek, anara beibsin.

1 YOHANES 4:1

Nadya wanaʾ ulusin hemyabo nim o! Sondaʾ anasa nunda ununumnaʾ len nang aboka, bobnenewoka lemek nang era, mok soko nidyaʾ ob lelewal bok anasa, yok-yok senenaʾ ak ara salyaʾ dib senenaʾ ara loboka, alda men ganya seininaʾ enera Imik Neyung adyinya gom, nera yok gom aboka men sunuwomunjok, wera aldib senewanalum.

YUDAS 1:18

Sikja dara ugunuk ara, ”Eimik soko dengaboka sidyaʾ daknamla salek oka danamla dara, perob yub ek dolbalek nenelemak nimi hnon lanawanamak. Wera an nim era, sikja malya unulunob senen ganya edyok wekdeknewoka ulumak nim ek ulumnemak,” hyek.

YUDAS 1:4

Imik Neyung orowek obnamna senewoka memeb gegewok nang era, nu gangganek sam seleb gelelenga wekel yalamakaʾ anasa lebna. Sikja malya ubnob senewoka, Imik Neyung adya gouluwom aboka wanaʾ un yub enyek, nimi ganya oka desinaʾ amba samab menegoka, sikda malya nim ek ulumak. Anya sikda nunja hnonok dubnya Yesus Kristus anyek, Wenelesilnya gomaʾ aboka boro dorogol dilimak.

WAHYU 13:14

Dara, ban eimik yu nongaʾ enedya, lok so beknaʾ dibaʾ alak elegok adya, men yu nongaʾ amba leboka, loka dabsinaʾ unuru yabalamok adya, ban sokok an ulumeija nimi nidyaʾ ara, bobnenewoka ubsuk. Hnonda, ban men yu nongaʾ era, oldan gab edya menengaʾ diligaʾ hwam bok, or ulumlyaʾ anyek, alja nonga sunuwoka memenaʾ ara, galak girikek gom meewoka sekiyiwolulum aboka orugosuk.

WAHYU 2:13

Nara anda har sam ululamaʾ, nara seleb ella ulumnaʾ ara, anda bisaʾ dubnya Satan bedya dub heikek sam ululam. Anyek bok, anak dara, nadya si nek hyak pe bojam ulunelem. Nadya bojam unenya Antipas be ugunja heikek obek sum eneba, anja dara, nara Yesus ak dib senenggulumna aboka gunuwoka lebnenggublum.”

WAHYU 2:9

Anak an yokaʾ-yokaʾ okna uboka ulunggelaʾ ara nara seleb ella ulumna. Anda bonaʾ garan ululamaʾ ara naba ella ulumna! (Bok saawoka anda aldib dubnya ululam.) Hnon nim era bisaʾ dubnya Satan alja bisaʾ mabo silibaʾ uboka, Yahudi nimi dibaʾ unaʾ orokjok, nunda Yahudi nim aldalamak nim edya anak an, geklewoka derewoka walasakaʾ ara nara seleb ella ulumna!

WAHYU 3:8

Anja hekaʾ unululamaʾ ara, nara seleb ella ulumna. Anasa, nadya ansamba yok nang edya sereganggom pik era seleb bak lobgesa. An nong ara mek migibaʾ ululamakanya, nadya yuba ek pe salawoka, nadya si nera gununggululamaʾ ara, nara seleb ella ulumna.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.

WAHYU 6:10

Anya sikda hyak yeiriwoka bii aboka, banaso wenyalamek, ”Ai, hyak migibaʾ senenggomaʾ yangawolumnya, hyak geisikanya, aldib ok unululamnya o, anda nunja eneng emba leboka, sik sokok ulumak nang ek diriknaʾ ara, lika hekbadya so ublya ek yana lelenaʾ lolomnalam do?” hyek.