2 PETRUS 1:6 - PERJANJIAN BARU NALCA YUBA

⁶ Dara, ugunda geremseng nang uboka, hnonda ugun nong anyek pe diri uldalalulum. Dara onoʾ pe diri uldalamunuk ab dara, yokaʾ-yokaʾ lanawanamlya sum enesa leboka, ugun nong ara ganya migibaʾ gebdangoka pe ubmoruwanob senen ulululum. Onoʾ ganya migibaʾ gebdangoka pe ulmorulumunuk ab dara, Imik Neyung adya anaso ubseng senelamlaʾ sunuwoka ulululum.

2 PETRUS 1:6 ပူးပေါင်းရင်းမြစ်များ

LUKAS 21:19

Ugunda ganya kaboka siklewoka ulumunaʾ adya, wera ugunja nong unaʾ blebdanalum,” hyok.

LUKAS 8:15

Alda perob sokok sam yama yinggilimok aboka sunuwoknya nera, nim Imik Neyung yuba pe keboka, onoʾ ganya lomok beiyiboka pe uboka, bojam ulumak nim ek lebok. Dara ban nim era pe siklewoka ulumnekanya, yub ara pe yinaʾ meboka doka molulanya nera an,” hyok.

RASUL 24:25

Bok Paulus bedya jong unaʾ yub ab, ganya siklewoka unaʾ yub ab, eimik Imik Neyung adya nidyaʾ yana lelewanasil yuba lel yabok dara, Feliks dubnya bera hyak loka daboka Paulus bek, ”Wera nera anda seleb leblam anasa, anda or bimenekanya, onoʾ yok sum lebnesilim senewanamna salek enyek, el bululum henya dara, anak el yananjak,” hyok.

ROMA 15:4

Anasa nidyaʾ yokaʾ-yokaʾ men danyek momnya doboknya nera, nuk anyeganyeb ella danamak senewoka seleb unu momnya dobok. Wera anedya nunda pe ganya gouluwoka salabmoubnaʾ ab, geisa Imik Neyung yuba momnya dobokaʾ ak ab ganya sangaldisinaʾ ab dadya, ganya welemnamab aboka unuwok.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

ROMA 8:25

Bok nunda eilinggulumabnya nenesa ganya welemab dara, wera nunda ganya gouluwoka diri ulumnemab.

1 KORINTUS 9:25

Nimi nidyaʾ bik-bik henemab bar aboka, sunulsinilimakaʾ ak sam ara, yokaʾ nidyaʾ ara ganya siklebdaboka ulumak. Ban siklewoka pe sunuwoka ulumaknya nera, pewanya dara, yalaklamla esaʾ kweb ganagameijaʾ ak dobnamna senewoka, anara unulumak. Bok nuk dara, yalawanggunumla esaʾ enyek kweb ganaganesilaʾ anasa, yokaʾ-yokaʾ nidyaʾ ara, pe yeiriwoka siklewoka unulumab.

2 KORINTUS 6:4

Yokaʾ-yokaʾ nidyaʾ ak anaba, nunda Imik Neyung adya perob wa wen nang beknaʾ dangalasululaʾ aboka laga amalasab. Ganya nauba siklenaʾ adya hnon, igina kwesinaʾ adya hnon, gak denaʾ unaʾ adya hnon, laga amalamab.

GALATIA 5:23

ganya sokok neneldanaʾ ganya hnon, pe keeboka diri uldan ganya hnon, ulumla. Yok-yok unuwanalum an yub edya dara, ban ganya danyek boboka unaʾ ara, hnon mem anggulumla.

KOLOSE 1:11

Ugunuk yokaʾ-yokaʾ lanawanesilaʾ ara, ganya eiya daboka, or malye senewoka, migibaʾ bal morulululum aboka, alja perobaʾ senenggom migib edya ugunuk migib gebsulul.

1 TESALONIKA 1:3

Ugunda dib senewoka wa wenaʾ ak hnon, ugunda wanaʾ uldalalumaʾ ak hnon, ugunja Wenelesilnya Yesus Kristus yanamla senewoka ganya mel-mel aboka salalmoublelumaʾ ak hnon, banera nunja neyung Imik Neyung saramek sam sobaʾ beklemab.

2 TESALONIKA 1:4

Anya wera, ban unululumnya nenesa leboka, nunda yok Imik Neyung yub donaʾ nim ek kemero yabanek ab, ugunuk nekoka, sikda anaso unu yuba dib senewoka unulumak aboka nekdo yabalesab. Ugunuk nong ak dara, yokaʾ-yokaʾ damok igina kweboka, nauba gweklelum bokaʾ anyek babya, Kristus ak ganya kweboka dib dololumaʾ ara dib mel-mel alamlaʾ anasa, unulumak aboka nekdo yabalemab.

2 TESALONIKA 3:5

Wera anadya Wenelesilnya bedya aralesilyekanya, Imik Neyung ara ugunuk yadyek senelesilaʾ anyek pe ella dolulumaʾ aboka hnon, Kristus adya dara, ugunja ganya daklinggoka unaʾ hnon elegosulul senelesab.

1 TIMOTIUS 2:10

Bok alda saawoka gweidyaʾ dibaʾ subnamlaʾ ara, Imik Neyung ak giboka, alja mabo dangamna nim edya ulumaknya nenyek, ana diligaʾ doboka unulumnemak.

1 TIMOTIUS 2:2

Hnon ara, mok soko dub nang amba hnon, yokaʾ-yokaʾ duka salawoka bo ulumak nim emba hnon, mololululum. Nu ulumab soko namen uboka, nunda Imik Neyung bek lok ganya boboka hyak pe ulunobaʾ aboka unuro mololululum.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

1 TIMOTIUS 6:11

Bok anak dara, Imik Neyung adya nim ululamaʾ anasa, banyan nidyaʾ lebnanya dara, mok nenewoka pe ululom. Anja dara, perob unaʾ pik balanun, Imik Neyung alja diligaʾ doboka ulunun, dib senen ganya ok bolonun, wanaʾ ganya boboka, ganya siklewoka ulunun, pe namenaʾ ulunun senen ganya ok boboka yeiriwoka dobgiga balalom.

1 TIMOTIUS 6:3

Nimi ben hnonda yok yuba nekoka, nunja Wenelesilnya Yesus Kristus bedya alja eikaʾ un yuba hnon, hekaʾ ak ubibyek Imik Neyung pik pe balamnemab aboka yuba hnon, dib senenggulumla dara,

1 TIMOTIUS 6:6

Bok, nimi ben hnon, Imik Neyung pik pe balamlakanya, bonaʾ amba dara, or nak an mekaʾ seleb ulunelnya nok dara perob senewoka, yokaʾ nauba dobsinya ganya bonggulumla dara, hyak pelemla.

2 TIMOTIUS 3:5

Nim adya eilin dara, sikda yuba doboka pe unulumak nimi senen bok, sikda ganya migib dibaʾ ak dogom aboka lolomak. Ban unulumak nim enyek ara, anda mok nenebdangoka ululom.

TITUS 1:1

Najabo Titus o! Nara Paulus bedya, Imik Neyung adya wa wenya uboka, onoʾ Yesus Kristus adya yuba lenaʾ gaknya uboka, ban ara anak momnya doboka beibgen. Imik Neyung adya alja weboka dolosil nim enyek, sikja Imik Neyung ak dib senelemakaʾ ara, migib dosululaʾ aboka, nak Imik Neyung adya men weboka doboka bokol yeilinyok. Nunja dolomabaʾ ak sam neklesil yub enyek, sikba ella dangoka pe ulunokaʾ aboka, neksulul senewoka donyok.

TITUS 1:8

Dara onoʾ, alja ek sam nimi yalamak dara, perobaʾ leboka doro diyiwoka, alda perob unaʾ anyek perob senelelanya benyek, ganya siklewoka diri ubdangoka, pelelanya benyek, geisa ganya boboka, yamal longgululanya bek ululul.

TITUS 2:2

Nengmabo nauba nang ek dara, sikda ganya siklewoka kaboka ulunokaʾ aboka, perobaʾ ok seiniwoka ulunokaʾ aboka, hnonda yok nim edya perob senelesak nang geknebaʾ ulunokaʾ aboka, onoʾ yuba dib senebmoubuka, hyak wanaʾ ubdangoka, pe siklewoka welenokaʾ aboka pe neklesilom.

IBRANI 10:36

Ugunda Imik Neyung adya unuwanok senelamlaʾ anyek pe unulumunaʾ adya, pe ulumeijaʾ amba deknaʾ dobnemak hyokaʾ ara dib dobnelum aboka, ganya siklewoka pe ulululum.

IBRANI 12:1

Wera nuk kemelesak nim era nuk goulub ganagok debaʾ anasoʾ anyek ulumakaʾ anasa, wera nuk igina ul eleklesilaʾ nidyaʾ ab, men meknewaneseng malya unaʾ eb dara loboka, ugunsamba yeiriwoka bik-bik aboka unulululum hyokaʾ ak ara, ganya gouluwoka bik-bik alamnamab.

IBRANI 6:12

Nunja dara, ugunda sulmalyaʾ ganya bonaʾ ara mem. Nim Imik Neyung adya eleganesin amokaʾ ak dib senewoka, ganya siklewoka pe diri ulumeekanya domek nim ek ulumek sok, ugumbabya sik diligaʾ diliwoka pe ulululum senelemab.

IBRANI 6:15

Imik Neyung adya anaso lebok dara, Abraham bera aldib eleganenelaʾ anyaʾ senewoka ganya siklewoka diri ulumok dara, wera Imik Neyung adya alak lemokaʾ sunuwoka gigiwoka elegok.

2 PETRUS 1:3

Imik Neyung adya aljaʾ senenggom migib edya ongowoka, yokaʾ-yokaʾ nidyaʾ ara, yuba doboka pe ulunokaʾ aboka nuk seleb elegosuk. Imik Neyung adya ban unuwosuknya nera, aljaʾ senenggom migib eb perob unaʾ ab danyek, boboka ulunokaʾ aboka, youbusuknya bek ella dangamoubaʾ adya ubsuk.

2 PETRUS 3:11

Anasa, yokaʾ-yokaʾ nidyaʾ anyek anaso ura denghenemla anasa, ugunuk dara, hekaʾ huboka goʾ ubnemab senelelum do? Ugun nong ara, Imik Neyung amba ok munaʾ gobdo geisa ganya boboka ulululum.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.

WAHYU 13:10

Nimi hnon doboka doknowanamaknya bera, wera al unuwanamak. Onoʾ nimi hnon mala adya obnamaknya bera, wera mal adya obnemak. Wera an unuru yibinamlaʾ anasa, munaʾ Imik Neyung mab ara, ganya siklebmouboka, ganya gouluwoka bojam un ganya enyek bobnok.

WAHYU 14:12

Wera ban unuwanamlaʾ anasa, munaʾ Imik Neyung mab ara, alja oruksinaʾ yub ak pe keboka, Yesus ak bojam ganya boboka ulumak nim era, ganya siklebdaboka ganya gouluwoka pe salawoka ulunok.

WAHYU 2:2

Anja hekaʾ unululamaʾ ara, anda wa yeiriwoka welelamaʾ hnon, anda ganya siklewoka welmorululamaʾ hnon, nara seleb ella ulumna. Anja ganya era malya ulumak nim ek or unulunok senenggululam. Nimi nidyaʾ yuba lenaʾ gak nang dibaʾ orokjok, nunda yuba lenaʾ gak nang aldalamak nang ek, anda seleb sunubyamalumukanya, sikda sondaʾ hwam nang ulumakaʾ ara, seleb ella dangalum.