2 PETRUS 1:3 - PERJANJIAN BARU NALCA YUBA

³ Imik Neyung adya aljaʾ senenggom migib edya ongowoka, yokaʾ-yokaʾ nidyaʾ ara, yuba doboka pe ulunokaʾ aboka nuk seleb elegosuk. Imik Neyung adya ban unuwosuknya nera, aljaʾ senenggom migib eb perob unaʾ ab danyek, boboka ulunokaʾ aboka, youbusuknya bek ella dangamoubaʾ adya ubsuk.

2 PETRUS 1:3 ပူးပေါင်းရင်းမြစ်များ

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

ROMA 8:32

Alda, alja me yokaʾ ak wanaʾ ubok bok, alda nidyaʾ amba elegousukaʾ anasa, alda nuk yokaʾ-yokaʾ nidyaʾ ara ganya doboka eleganggunusil de?

ROMA 9:24

Wera anera nunda an alja yoululum aboka ebsuk nang era Yahudi nang ok ek ab gom, alda ono yok-yok mok soko nim ek ab anaba weboka dobsuk. Anaso nunsamba unusuk dara, anano?

1 KORINTUS 1:9

Imik Neyung ara alja me nunja Wenelesilnya Yesus Kristus ab ganya kwebdangoka ulululumaʾ aboka, ugunuk youbosuknya bera, sob-soba bojam ulmorulelanya bek ulumla.

2 KORINTUS 12:9

Bok Imik Neyung adya dara, ”Anda hmeng ululam danyek, nadya migib era, gobdo nauba dangalamlaʾ anasa, nara anak wanaʾ uboka elekgenaʾ ara seleb nauba ulunggel,” henyok. Nara hmeng ulumna ak an, Kristus adya migibaʾ nak gouluwoka bo ulumnenelaʾ anasa, nara hmeng ulumnenel dara, nonggo alamnamna.

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

EPESUS 4:4

Imik Neyung adyaʾ perobaʾ ak ganya welenokaʾ aboka youbsukaʾ ara hnonok ulumla sok, nong ara hnonok ok ulumla, Geisinya bera hnonok ok ulumla.

PILIPI 3:8

Dara ban nenyek ok gom, alda nadya nak malya dananel senelenanya neneba wera seleb unulunel. Wenyek danyek, nara hyak perobaʾ ak dobsa ara, Yesus Kristus, nadya Wenelenelnya bek hnonok dobsa. Nara Kristus amba leboka yokaʾ-yokaʾ nidyaʾ ara dolbalek senewoka seleb gobdo gwirib lobsa. Nara Kristus anyek dib dobnunaʾ aboka, yokaʾ-yokaʾ nidyaʾ ara sembejaʾ nenemsa ok.

PILIPI 4:8

Wera, nadyaʾ hemyabo nim o, ugunja ganya ek ara, nim unaʾ perob dangalalanya nenyek, pelemak aboka gigiwanasijenya nenyek, nera pe unaʾ ab, gibildanaʾ ganya ab, perob ok ununaʾ ab, geisa ululanya neb, pelelanya neb, perobnya nedyok ugunja ganya ek deknewoka ulusulul.

KOLOSE 1:16

Yokaʾ-yokaʾ imik heik ulumlaʾ ab, sokok an ulumlaʾ ab dara, al pik ab uyiwok. Wera laka ulumlaʾ laka unggulumlaʾ, dubnya unaʾ, wenewoka oruksinaʾ, wenewoka bo usinaʾ, senenggom dub unaʾ, ban nidyaʾ ara, al pik ab uyiwok. Anasa, yokaʾ-yokaʾ nidyaʾ ara, al pik ab uyiwookanya alsamba, nera alsamba uyiwok.

1 TESALONIKA 2:12

Nunja ugunuk pe unuwolulumaʾ aboka wenewoka, ugunda Imik Neyung ak anyek pe ganya hekel eleklelulumaʾ aboka, dukaʾ lolom-lolom alasub dara, hnonda wenewoka unuwanalum alamouba. Anasa ban leboka Imik Neyung ara alja perob heikek wekoka, alja unulamla ununaʾ era, ugumba unuwolulumaʾ aboka youbsuk.

1 TESALONIKA 4:7

Imik Neyung ara malya ulunokaʾ aboka youbnenggusuk, geisa ulunokaʾ aboka youbsukaʾ anasa, ban anaso unggom.

2 TESALONIKA 2:14

Ban nenesa leboka, nunja ugunuk perob lero yanggan yuba bo yeilisubaʾ pik uboka, Imik Neyung adya ugunuk youbsuk. Imik Neyung adya ugunuk youbsuknya nera, damok ara Yesus Kristus imik nenewanamak sum enyek, ugumbabya ugunja si imik nenewosunuk senewoka youbsuk.

1 TIMOTIUS 4:8

Nong amba migiba nenendamba dara, or mek perob so dangalamla bok, yuba doboka un ganya migiba neneldamba dara, nauba perob nonga dangalamla. Nera seleb wen salek amba hnon, eimik yanamla salek amba hnon, perob dangalamla an yuba hnon orowek ulumla.

2 TIMOTIUS 1:9

Imik Neyung adya nuk bleboka doboka, nuk geisa ulunokaʾ aboka youbosuk. Imik Neyung adya ban unuwosukaʾ ara nunja yoknya nek pe unumoubaʾ amba ubnenggubsuk. Alda alja wanaʾ ulusukaʾ orowek unuwanamna senemokaʾ ak sunuwoka ubsuk. Ban soko en anam uyiwanggom salek enyek, Yesus Kristus pik uboka, alja wanaʾ unaʾ ara, nuk seleb elegesuk.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

1 PETRUS 1:15

Imik Neyung ugun youbsuknya bera geisa ulumla sok, ugunja yokaʾ-yokaʾ unululumaʾ ak ara geisinya danalenya nok eboka unulululum.

1 PETRUS 1:5

Ugunda Imik Neyung migib adya bo ulusil nim ek, ban bonaʾ era ugunsambaʾ ak beillilesil. Yokaʾ-yokaʾ nidyaʾ denghenemla sum enyek, al laga danamla, Imik Neyung nimi blebsinaʾ damoka beibukaʾ anyek, dibaʾ dobnokaʾ aboka, ugunja dib senenaʾ adya, ugun nonga migiba geboka bo ulusil.

1 PETRUS 2:21

Ban nenesa leboka, Imik Neyung ara ugunuk youbsuk. Anasa Kristus ara ugunsamba leboka somogookanya, ugunda alja unaʾ diliwoululumaʾ aboka, alda ugunsamba pik dibaʾ yarawousuk.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

1 PETRUS 3:9

Ugunda naba malya ubnelaʾ anasa, alba malya ubnun senewoka malya unaʾ moumen dirigeldanaʾ ara mem. Bok saawoka, alda Imik Neyung perobaʾ nenelesilom aboka mololdalalulum. Imik Neyung adya ugunuk yoululum aboka youbsukaʾ ara, anaso perob unaʾ enyek unuwoka onoʾ perobaʾ dobnokaʾ aboka ubsuk.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.

2 PETRUS 1:10

Anasa wera, nadya hemyab o, Imik Neyung adya ugunuk weboka youbusukaʾ ara, duboka pe ulumunaʾ adya, dib ulusil aboka amalelulum. Ugunda ban unaʾ enyek pe unulumun dara, yuba dololumaʾ ara, eimik era goowoka denghenggunumla.

2 PETRUS 1:2

Ugunda nunjaʾ Wenelesilnya Yesus ak hnon, Imik Neyung ak hnon, ella ululumaʾ adya, ugunuk nimi pe unaʾ ab, aljaʾ perob eleknaʾ ab dara, ugunuk nauba danggiga balasulul.

2 PETRUS 1:5

Anasa ban unuwosuknya nenesa leboka, ugunda Kristus ak hyak gobdo ganya ologoka dib senewoka, ugunja dib senelelumaʾ ak ara, onoʾ hnon perob unaʾ unuwoka ulumnulum. Ugunda pe ulumunuk ab dara, onoʾ hnon geremsenga dangoka ulululum.

2 PETRUS 1:6

Dara, ugunda geremseng nang uboka, hnonda ugun nong anyek pe diri uldalalulum. Dara onoʾ pe diri uldalamunuk ab dara, yokaʾ-yokaʾ lanawanamlya sum enesa leboka, ugun nong ara ganya migibaʾ gebdangoka pe ubmoruwanob senen ulululum. Onoʾ ganya migibaʾ gebdangoka pe ulmorulumunuk ab dara, Imik Neyung adya anaso ubseng senelamlaʾ sunuwoka ulululum.

2 PETRUS 1:8

Ban nidyaʾ lebna ganya era, ugunja unuwanasomaʾ ara an. Anasa ban lebna unaʾ ganya en diligaʾ doboka nauba danggiga balasilya dara, nunjaʾ Wenelesilnya Yesus Kristus ak anaba hyak pe ganya olowoka ella danalumaʾ ak dara, ugunda yeiriwoka wa weboka pewanalum.

2 PETRUS 2:20

Nunjaʾ Wenelesilnya uboka, nimi blebsinaʾ dubnya Yesus Kristus adya nimi malya nenelesil sokok ab seleb bleboka dobsuk bok, onoʾ eimik saawoka henga weboka youlesil dara, wera unuwanya bera men dara or pe ulunabok, eimik era hyak gobdo malya dangalamla.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.