2 PETRUS 1:12 - PERJANJIAN BARU NALCA YUBA

¹² Ban nenyek unuwanaseng senewoka, ugunda seleb ella dangoka onoʾ Imik Neyung yub ak ella dangalumnya, nera seleb doboka pe salalalum bok, sounuwoka hnon beklulumaʾ aboka sobaʾ neklemnesin.

2 PETRUS 1:12 ပူးပေါင်းရင်းမြစ်များ

RASUL 16:5

Ban unulumek adya Imik Neyung yuba donaʾ nimi nidyaʾ sikja Imik Neyung ak dib senenaʾ ganya nauba danggiga balamookanya, nimi nong anaba li sobaʾ nauba danggiga balamok.

PILIPI 3:1

Nadyaʾ hemyab o, anya onoʾ ugunda Wenelesilnya beb seleb kwebdangoka ululumaʾ anyek bekoka ei-ei ganya bololulum. Ugunuk perob dangasin dambaʾ anyaʾ aboka, onoʾ youmaʾ hnon seleb momnya donaʾ pik uboka lebsisedyok, wen hnon sounuwoka lebsin.

KOLOSE 1:5

Ban dib senenaʾ hnon wanaʾ unaʾ hnon ara, imik heikek ugunsamba beillilisilaʾ ak ganya welelumaʾ ak ab lanalamla. Ban ganya wenaʾ ara, ugunda men dib nong yuba kelum adya ella dangalum. Ban perob lero yanggan yub ara,

KOLOSE 2:7

Hnonda ugunda alak yareng elegoka, onoʾ al ab migib danggiga balalulum. Anya ugunja dib senenaʾ ganya ara, ugunuk nekesikaʾ sunuwoka, migibaʾ nenewoka, eiyasaʾ sobaʾ gibildolunun ganya hogung enyek sobaʾ boro balalulum.

1 TIMOTIUS 4:6

Ban nidyaʾ lelenanya nenyek, nunja hemyabo yuba dolomak nim ek, pe neklesimen dara, wera anda Yesus Kristus adya perob wa wenya dangamenaʾ adya ulumenja. Onoʾ nunja dib senelemabnya, Imik Neyung bedya alja yub edya, anja ganya ek lulungaʾ hmobdangoka anja wen an neklenjakaʾ doboka ululam yub ek an, sunuwoka ulumen dara, perob wa wenya ulumenja.

2 TIMOTIUS 1:6

Ban nenesa leboka, nadya anak soruka diyiwoka heng uboka yuba lelelom aboka lenggesa sum enyek, Imik Neyung adya anak elegenjoknya nenyek nauba nenelelomaʾ aboka, gokoka neklenggen.

IBRANI 10:32

Nadyaʾ hemyabo nim o, ugunda men yuba doboka ululum salek era, Imik Neyung dilinaʾ anam ugunuk yebesuk dara, igina kwesinaʾ ara nauba ulusuk bok, eiwaawom aboka pe unululumaʾ anyek pe beklemnelum.

IBRANI 13:9

Wera ugunda yok beiyik sam ab neknaʾ edya ganya bob neneweisilyek mem. Dara perobnya nera ban, ugunja ganya era wanaʾ uboka eleksinaʾ edya migibaʾ geblesilaʾ anyek hnonok. Alda ban yok-yok denaʾ edya sik ban denaʾ enesa lelemlaʾ sunuwoka gigiwoka delemak nim ek perobaʾ nenenggulusilaʾ anegom.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.

2 PETRUS 1:13

Nunjaʾ neyung Wenelesilnya Yesus Kristus adya nara sokok anara loboka, imik heikek sam bininanya nera ulumna seleb nekenelaʾ anasa, nara anam embengaʾ ulumna salek era, nadya wa nenyaʾ aboka ugunuk pe bekellilimnesin dara, perob senelamna.

2 PETRUS 1:15

Wera nera seleb somoganyaʾ anaba, nimi perobaʾ dangalamla yuba nekesinyaʾ ara, ugunda or beklelulumaʾ aboka duboka unulamna.

2 PETRUS 3:1

Nadyaʾ hemyabo nim o! Ban momnya donaʾ beibsinaʾ anara penenya nek beibsin. Ban beibsin momnya donaʾ pik ab dara, ugunja ganya hyak pe seinilemnelum aboka ugunuk beibsin.

2 PETRUS 3:17

Nadya wanaʾ ulusin hemyabo nim o, ugunuk dara, wenyhenya nera seleb orowek ella dangalum. Anasa, nimi malya ulumak nim edya ugunuk gliboka bo bisijaʾ ak malya nim ulumakaʾ ak malya domunuk anasa, anya migibnya bek malya nenebdomunuk anasa, keeboka diri uldalalulum.

1 YOHANES 2:21

Anasa wera, nadya ban ugunuk momnya doboka beibsinaʾ ara, ugunuk dib nong yub elgom ululumaʾ amba gom. Alda ugunda seleb ella uboka, onoʾ dib yuba lomok ab ara, sondaʾ damoka mekaʾ hnon lananggulumlaʾ ella ululumaʾ anasa, anara weboka beibsin.

2 YOHANES 1:2

Dib yub ara, nunja ganya lomok ulusilekanya, alda hyak sob-sobaʾ nu lomok ulmoublemnesilaʾ anasa, wanaʾ ulusab.

YUDAS 1:17

Bok, nadya wanaʾ ulusin hemyabo nim o, nunja Wenelesilnya Yesus Kristus amba yuba lenaʾ gak nang edya, ugunuk men leb elegesik yub enyek, pe beklelulum.

YUDAS 1:3

Nadya hemyabo wanaʾ ulusin nim o! Nunja neikaʾ dib senewoka domouba blebsinaʾ damok enesa, momnya doboka beibsununaʾ aboka ulumnakanya, onoʾ munaʾ Imik Neyung mab ek dib senenaʾ damok gobdo elegesuknya bemba, ugunda duboka salabmoubnelum aboka, ugunuk dukaʾ lolom-lolom along sok wenyaboka lebnesin senewoka momnya doboka beibsin.

YUDAS 1:5

Ban nidyaʾ ara seleb ella ululum bok, hnonok saawoka beknelumaʾ aboka lebnesinaʾ ara, Imik Neyung adya Israeli nimi Mesir sokok ab bleboka bo balasuk bok, Imik Neyung ak dib senenaʾ orok nim era, eimik saawoka obsuk.