2 KORINTUS 9:5 - PERJANJIAN BARU NALCA YUBA

⁵ Wera nenyek deisilyek aboka, ugunja arawanamab hulumnya nenyek, men orowek memewoka beillilelulumaʾ aboka, Titus beb alkabo nang eb dara, bululum hisin. Wera anadya ugunja bolowanalumaʾ ara, dukaʾ lolowoka ubek ara, orok bok, alda sikja ganya doboka arawekaʾ danamla.

2 KORINTUS 9:5 ပူးပေါင်းရင်းမြစ်များ

1 KORINTUS 16:2

Dara minggu lelemlya elaʾ gigiro, ugunja dolomunaʾ anyek, sunuwoka men sum enyek pe orowek bokoka dililelulum. Men orowek bokoka beillilimunaʾ adya, na yanya dara, wera bolowanamab aldanaʾ loblulumaʾ aboka lebsin.

2 KORINTUS 8:6

Ban unumek anasa, ugun gangganek sam hnon, Imik Neyung adya pe arawoka unulusilaʾ adya, neik unaʾ unulumnulum aboka, Titus bedya nek einimoknya nenyek webdaknamla aboka orugomouba.

2 KORINTUS 9:3

Nunja sikda anaso pe unulumak aboka yok nim ek lelemabnya nenyek, sondaʾ dalyek aboka, Titus beb onoʾ alkabo penya nang ek ugunuk sam bokol yeilisin. Sikenek ara, nadya dara, seleb orowek memelemak hesaʾ anasa, ugunda aldib seleb meebdaklulumaʾ aboka bokol yeilisin.

2 KORINTUS 9:6

Ugunda banyek pe beknelum! Nimi wak yinaʾ mekaʾ melelanya bera, nong anaba mekaʾ dolomla. Alda yinaʾ nauba melelanya bera, alba nonga nauba dolomla.

PILIPI 4:17

Wera nera nak dara, ugunja beibnulumaʾ anyek ganya dibyooka donaʾ ok dob lobnun senen ganya bonggulumna. Alda nadya dara, nim Imik Neyung yuba doboka ulumak nong unaʾ enyek ugunuk sam nauba dosulul senelamna.