2 KORINTUS 9:1 - PERJANJIAN BARU NALCA YUBA

^1-2 Nimi munaʾ Imik Neyung mab ek aranaʾ ara, ugunda arawanasibya ganya seleb nauba bololumaʾ anasa, unuwanalum aboka momnya dobnenggunusisinya. Makedonia nim ek anaba, sikda anaso ganya bolomak aboka, ugunuk gigileng sok lero yibisa. Makedonia nim ek ara, Akhaya mok ulumak Imik Neyung mab era seleb lemoub gibnaʾ ek abaʾ, sikda anaso arawanamab aboka seleb seinibgogomek aboka nekesisa. Dara, ugunja unululumnya nedya, nimi nauba yeng ganya neneiyilum.

2 KORINTUS 9:1 ပူးပေါင်းရင်းမြစ်များ

MATIUS 22:31

Bok nimi somoklomak nimi nidyaʾ embengaʾ suboka buknemak an yub era, bukuk sam momnya dobokaʾ ara eininggululum de? Imik Neyung adya lebokaʾ ara:

RASUL 24:17

”Nara gibnaʾ wen Yerusalem heikek unggulumsa ara, onoʾ wenyok ara, nadya mok soko nim emba sikenek arasik bonaʾ enyek, boboka onoʾ Imik Neyung ak gibgiga yokaʾ-yokaʾ beil bunun aboka anasa Yerusalem heikek yeilimsa.

ROMA 11:28

Perob lero yanggan yuba donaʾ ak sam ak dara, ugunsamba leboka, sikda Imik Neyung ab isaʾ gebdangoka ulumak, bok weboka dobsukaʾ ak sam ak dara, sikda sikja youmaʾ neyung yab danasa leboka, sikda Imik Neyung adya wanaʾ ulusil nang ek ulumak.

ROMA 12:13

Sik Imik Neyung mabo okna ubnesil dara, arawanalumukanya, an nong ak dara nara pik eboka, men arawounun senen ganya enyek sobaʾ bolomnelum!

ROMA 15:31

wera anedya, nara Yudea sam bleklemak nang ek ab pe arawoka bo ubnelekanya, onoʾ anedya Yerusalem amba webnamna wa nera, sik munaʾ Imik Neyung mab edya ganya hekoka or senewanok.

GALATIA 2:10

Sikja dara, nimi bonaʾ denaʾ garan ulumak nim enyek, arawoka unulumnulum aboka, banyek ok moloweisik. Nadyaʾ anaba wa nera dib nong wa senewoka, hyak unuwanamna senemsa.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

1 TESALONIKA 5:1

Wera na kabo nim o, Wenelesilnya yanamla sum era, nim adya hokaʾ dolomak nim inimnek gelelenga yabalamak sok, al yanamlaʾ ara, ugunda pe ella ululumaʾ anasa, yokaʾ-yokaʾ unulumnamla salek era, ugunuk momnya doboka elekdanggunusibya.

1 YOHANES 2:27

Bok ugunsamba dara, al adya Geisinya yek goulunaʾ ara ugunuk anam ulusil bok dara, nim adya ok hnon ugunuk neknenggunusiseng. Anasa wera, ban yek goulusinaʾ adya yokaʾ-yokaʾ nidyaʾ wen neklesil bok dara, anya wera alja neklesilnya nera, anara sondaʾ ak unggulumlaʾ anasa, anera aldibaʾ ak ulumla. Anasa wera, yek goulunaʾ adya yokaʾ-yokaʾ nidyaʾ neklesilaʾ anyek, ugunda dib senewoka, al lomok ululum.