2 KORINTUS 8:9 - PERJANJIAN BARU NALCA YUBA

⁹ Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

2 KORINTUS 8:9 ပူးပေါင်းရင်းမြစ်များ

MATIUS 17:27

Bok nuk dara, rupiah dolomak nang ganya angwei seneweijek aboka, lobnenggunumab. Anda mek gwanek sam hadyaʾ dol binilam. Men dobmen hadyaʾ enyek doboka beibnelam. Dara, nunja beibnenam rupiah era, hadyaʾ en sibamaʾ ak an bomlyaʾ ak eibnelam. Dara rupiah enyek, dobmenekanya, nunda Imik Neyung ek weknemeibyaʾ amba, rupiah dobnobaʾ aboka welemak nim ek eleganesilim,” hyok.

MATIUS 8:20

Wenyek Yesus adya dara, ”Bei gam ara selengaʾ e ulumlakanya, wining ara eʾ ululabok, nimi dibaʾ me ak dara, huka beilinaʾ amba ekla hnon unggulumla,” hyok.

MARKUS 6:3

Ban benera alda Maria gedya me e sonaʾanya gom de? Alja weisab era, Yakobus beb, Yoses beb, Yudas beb, Simon benya arob nang unggulumak de? Yo anasa, al hmal gelewa eneba, anyagan neikaʾ unggulumab de?” Wenyaboka, sikda Yesus ak soloma daboka lek senemek.

LUKAS 16:11

Anasa wera, sokok an bonaʾ enyek, ugunda pe bojam uboka wenaʾ orok dara, heknedya dib nong wak sam or weboka bo ulumnelum henesuso do?

LUKAS 2:7

Sikja man e nera gloʾ orok anasa, Maria gera alja yando me nengma ak beibuk. Wera me nera seleb beiyiboka boksom adya waabok dara, pam amba denaʾ eleklemekaʾ ak sam meiyimok.

LUKAS 8:3

hnonda Herodes dubnya bedyaʾ ek sam rupiah beilinaʾ wa welemoknya, Khuza bedya gel Yohana geb, Susana geb uboka, onoʾ yok gelewa nauba neikaʾ yabalamek. Dara gelewa danedya, sikjaʾ yok-yok bonaʾ edya Yesus ab, alja yuba doro diriga ban nang eb aralesik.

LUKAS 9:58

Yesus adya alak saaboka lebnemok dara, ”Wining ara e solomla, soko manaʾ ara oulyanga yak bok, nimi dibaʾ me nera man ekla era unggulumla,” hyok.

YOHANES 1:10

Alda sokok an ulumookanya, soko ara aladya uyimok bok, soko nim edya dara, alak elgom ulumek.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 1:17

Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.

YOHANES 12:30

Yesus adya sikenek, ”Yalaʾ keblumnya nera, nasamba ubnenggublabok, nera ugunsamba leboka ubla.

YOHANES 16:15

Yokaʾ-yokaʾ nidyaʾ Imik Neyung aljinya ulumlaʾ ara, narinya nek ulumla. Ban anasa, Geisinya bedya nak ab doboka, ugunuk neklemnesilaʾ ak wenyasin,” hyok.

YOHANES 17:19

Neyung o, sik nong anyek, munaʾ mem nimi danokaʾ aboka, na damnya anaba munaʾanya neneldalamna,” hyok.

ROMA 11:12

Anasa sikja meknenaʾ enedya, mok soko ara dub gebeyiweekanya, sikja mek ok unaʾ era, yok mok soko nim emba dub danganaʾ ulumla, dara hyak nauba so ara sikenek pe munaʾ gobdo pewousuk.

ROMA 15:3

Kristus anaba alda alak eiya dabnanya nenyek enggulumok anasa, bok alda an momnya dobokaʾ ulumla sok, ”Sikja yuba saboka derenaʾ, anak unu derelenjakaʾ ara, nasamba seleb wenyaboka unuwanyek.”

ROMA 5:8

Anaso bok, nunda anam malya unaʾ bo ulumoub salek, Kristus ara nusamba seleb somogok pik uboka, Imik Neyung adya alja yadyek ulusilaʾ laga dangalamlaʾ ara an.

ROMA 8:32

Alda, alja me yokaʾ ak wanaʾ ubok bok, alda nidyaʾ amba elegousukaʾ anasa, alda nuk yokaʾ-yokaʾ nidyaʾ ara ganya doboka eleganggunusil de?

1 KORINTUS 1:4

Ugunda Yesus Kristus pik uboka, Imik Neyung adya wanaʾ uboka eleksinaʾ seleb dolumaʾ anasa, ugunsamba leboka Imik Neyung gibel yaban dara, Imik Neyung ak perob aboka mololamna.

1 KORINTUS 15:47

Men uyimoknya Adam bera, soko yokaʾ ak doboka uyimok, bok eimik Adam bera, imik heikek abaʾ ara yeilimok.

2 KORINTUS 13:14

Wenelesilnya Yesus Kristus adya ugunuk wanaʾ uboka eleksinaʾ hnon, Imik Neyung adya wanaʾ ulusilaʾ hnon, Imik Neyung Geisinya adya ganya kweldanaʾ hnon, ugunuk ulusulul. Nara Paulus bedya gibsin e.

2 KORINTUS 6:10

Nunda igin ganya bolomab bok, onoʾ sobaʾ ei-ei ganya bolomab. Nuk bonaʾ garan ulumab bok, nunja yok nim ek ara bonaʾ dub nimi nenelemab. Nuk dara, yokaʾ-yokaʾ garan ulumak senen bok, hyak yokaʾ nauba ulusil nang ek ulumab. Dara ban yokaʾ-yokaʾ nidyaʾ ak, perob wa wen nang beknaʾ dangalasululaʾ aboka laga amalamab.

EPESUS 2:7

Ban unuwosuknya nera, eimik enyek, Imik Neyung ara alja wanaʾ uboka eleksinaʾ ara hyak senenggomaʾ ulumla beknaʾ eibnokaʾ aboka ubsuk. Alda Kristus Yesus pik uboka nuk wanaʾ ubsukaʾ ak eibnokaʾ aboka ubsuk.

EPESUS 3:19

Anya Kristus adya wanaʾ ulusilaʾ ara, nimi ganya sirikaʾ adya dara, nidyaʾ pe olowoka ella danggunusengnya nenyek, ugunda ella dolulum aboka mololesin. Dara, ugun nong ara, Kristus adya wanaʾ unaʾ pe olowoka ella ulumunukanya, Imik Neyung hnonok ok ulumla nong unaʾ enyek, deknewousululaʾ aboka mololesin.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

1 TIMOTIUS 6:18

Sik dub nim ek, anja dara, perob unaʾ anyek yok nim ek unub elegoka, perobnya nenyek ok nauba unubmoruwoka, ganya lowelelek aboka, heknaʾ hwam ok uboka, yok nim ek eleklesinya ganya bolonokaʾ aboka, wenewoka lelelom.

IBRANI 1:2

Bok wen sidyaʾ dagalongnaʾ salek en era, alja me pik uboka yuba sal eleklesil. Imik Neyung adya alja me Yesus pik uboka hyak nidyaʾ men uyimok. Anya onoʾ Imik Neyung adya alja me pik uboka uyimok.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

WAHYU 2:9

Anak an yokaʾ-yokaʾ okna uboka ulunggelaʾ ara nara seleb ella ulumna. Anda bonaʾ garan ululamaʾ ara naba ella ulumna! (Bok saawoka anda aldib dubnya ululam.) Hnon nim era bisaʾ dubnya Satan alja bisaʾ mabo silibaʾ uboka, Yahudi nimi dibaʾ unaʾ orokjok, nunda Yahudi nim aldalamak nim edya anak an, geklewoka derewoka walasakaʾ ara nara seleb ella ulumna!

WAHYU 21:7

”Nimi malya unaʾ ak ab oblamaganalanya bera, ban lebnaʾ nidyaʾ eleganesinaʾ ara, dobnamla. Nara alja Imik Neyung danamna dara, alda nadya me danamla.

WAHYU 3:18

Anasa nadya dara, anak ara dub dalomaʾ aboka, nadyaʾ senedyaʾ yakaʾ meilik dangman enyek deklomaʾ aboka wenelenggen. Hnonda nong baneng uboka, alya ubgelyek anasa, nadya geisaʾ akleng enyek deklomaʾ aboka wenelenggen. Anya heng ek ngikoka, pe eiblomaʾ aboka heng hwenaʾ meka nak ab deknelam wenyalenggen.”