2 KORINTUS 8:7 - PERJANJIAN BARU NALCA YUBA

⁷ Anasa wenyek dara, ugunda yokaʾ-yokaʾ pe unululumaʾ yak nim ululum. Yuba dib senenaʾ hnon, perob yuba sanaʾ hnon, perobaʾ ella danganaʾ ak hnon, ganya gouluwoka aranaʾ ak hnon, nuk sam wanaʾ ulusulumaʾ hnon, ban nidyaʾ pelelumaʾ anasa, an yok nim ek aranaʾ anaba hyak nauba perobnya nedya unulululum.

2 KORINTUS 8:7 ပူးပေါင်းရင်းမြစ်များ

MATIUS 25:22

”Dara onoʾ penenyaʾ rupiah elegemoknya ben yeiniboka, Neyung o, anja dara, nak ara rupiah penya ok elegonulum bok, nadya wera onoʾ penya dob sounuwasaʾ anyek, kendelom, hyok.

ROMA 15:14

Nadyaʾ hem yabo nang, ugunuk pe ununaʾ adya seleb deknewosuukanya, yok-yokaʾ ella danganaʾ damok eb, or pe ganya adyok wenebdanasom ara, nara seleb ella ulusin.

1 KORINTUS 1:5

Ugunda seleb Kristus lomok uboka, wera ugunuk dara, yokaʾ-yokaʾ nidyaʾ ara, dub danganaʾ ak ululum. Ugunda yok-yok yuba salalumaʾ hnon, ella dangalalumaʾ hnon adya, dub nim ululum.

1 KORINTUS 12:13

Anasonya neikik, numbabya Yahudi nimi yokaʾ gom, Yahudi gom nim gom, ek wa nang gom, seleb blebdangoka sikbeyok ganya doboka ulumak nimi gom, nunda nidyaʾ hnonok nong ak denewoka ulunokaʾ aboka, hnonok neik Geisinya bedya seleb mek dibaʾ dabsuk. Numbabya nidyaʾ ak neik Geisinya elegosuk.

1 KORINTUS 12:8

Dara nimi ben hnonda Geisinya bedya yuba geremsengaʾ salalulaʾ aboka, wa wenaʾ damok eleklamla. Nimi hnonda al neik Geisinya bedya, pe ella dangoka yuba lelelulaʾ aboka, wa wenaʾ en damok eleklamla.

1 KORINTUS 13:2

Nara Imik Neyung yuba lenaʾ migib elegenyokaʾ adya pe leb elegoka, yokaʾ-yokaʾ ara, hyak lomoknya neneba olowoka ella uboka, yokaʾ-yokaʾ nidyaʾ ella uboka, Imik Neyung ak hyak dib senenaʾ adya, mok soko mein anaba dama delewoka yokok sam bukillil yabalesinya bok, yok nim ek wanaʾ usinaʾ orok dara, wera nak dara, hyak salyaʾ nongnya bek ulumnesinya.

1 KORINTUS 13:8

Wanaʾ unaʾ dibaʾ ara, hyak denghemenggomaʾ ulumla. Wenyek dara, nimi ganya geremseng uboka, Imik Neyung yuba lel eleklesak bok, eimik era unuwoka lebnenggunumak. Wenyek dara, nimi hnonda yok-yok yuba salamak bok, eimik era dengaro lobnamla. Wenera nimi yokaʾ-yokaʾ nidyaʾ ella dangalamak bok, eimik era denghenemla.

1 KORINTUS 14:12

Ugunuk dara, Imik Neyung adya eleklesil wa wenaʾ dobnob senen ganya ululumaʾ anasa, dib nong ara, Imik Neyung adya eleklesil wa wenaʾ damoka dobmunaʾ ara, yuba dolomak nim enyek, pebgiga balalulaʾ aboka migib unaʾ ak dobnobaʾ aboka, duboka elelulum.

1 KORINTUS 4:7

Anasa wera anak dara, heknedya men perob so uyinyok senelelam do? Anda yokaʾ-yokaʾ bololamaʾ ara, hnon eleganggunjoknya nek hnon bololam de? Wera dara, yokaʾ-yokaʾ nidyaʾ anak elegenjok bok dara, hekasa nabeyok dolomna senewoka, nonggo alalam do?

2 KORINTUS 7:7

Dara, nuk ganya heksukaʾ ara, Titus be anyagan yokaʾ adya ok gom, alda ugunja alak hek elegolumaʾ adya numba ganya heksuk. Alja dara, ugunja nab hyak eibdeisibya senelelumaʾ anyek, alda nak neknyok. Anya hnonda ugunja angoo senelelumaʾ ara, onoʾ nak mala dolonulumaʾ anasa, hyak nauba so eiya dabnyok.

2 KORINTUS 8:6

Ban unumek anasa, ugun gangganek sam hnon, Imik Neyung adya pe arawoka unulusilaʾ adya, neik unaʾ unulumnulum aboka, Titus bedya nek einimoknya nenyek webdaknamla aboka orugomouba.

2 KORINTUS 9:14

Dara Imik Neyung adya ugunuk perobaʾ unulusilnya nenesa leboka, sikda ugunuk wanaʾ uboka Imik Neyung ak mololomnasak.

2 KORINTUS 9:8

Imik Neyung senemlya dara, ugunuk yok-yok perob eleknaʾ lendewoka eleklemnesil. Wera onoʾ alda yok-yok nidyaʾ pe eleganesilaʾ adya, ugunda yok-yok perob wa nidyaʾ wel dibilloklomnulum aboka hyak nauba ugunuk ulumnesil.

EPESUS 4:29

Ugunda yuba sabnemun dara, malya yub enyek geregoka salyaʾ sanaʾ ara mem. Nimi perob yuba ok salamakaʾ adya, nimi kelemak nim era, perobaʾ dousululaʾ aboka, nimi keboka perob danamlya yub ok sunuwoka saldalalulum.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

PILIPI 1:9

Wera nadya ugunsamba mololosinaʾ ara ban: Ugunda perobnya nek ella danganaʾ ab geremseng unaʾ ab dara, nauba danggiga balasilyekanya, Imik Neyung ak hnon, nim ak hnon, nauba wanaʾ ubgiga balalulumaʾ aboka, mololesin.

2 TESALONIKA 1:3

Hem yab o, nunda ugunsamba leboka sobaʾ Imik Neyung ak perob aboka giblemab. Ugun nong anyek, Kristus ak nauba dib senebgiga balalumukanya, ugun moumen anaba wanaʾ ubdanggiga balalumaʾ anasa leboka, wera wanoksodya nera unulumab.

2 TIMOTIUS 2:1

Nadya me Timotius o! Kristus Yesus ak pik uboka Imik Neyung adya wanaʾ uboka eleksinaʾ adya, anda migib nongaʾ dangoka ululom.

IBRANI 12:28

Wera anasa, nuk dara borom-borom henggunumla heik mok soko ek dolomab. An nenesa leboka, nunda Imik Neyung ak perob aboka giboka, nunda alak perob senewanalenya nedya, alak imik geboka hyak lok uboka giblenob.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.

WAHYU 3:17

Dara anja lelelamaʾ ara, nara bonaʾ dubnya uboka, yokaʾ-yokaʾ nidyaʾ sangaʾ ok ulunel aboka, anasa yokaʾ-yokaʾ ak ara, bunya buknenggunusinya, alalam. Bok an nong ara hyak malya nongaʾ anyek senggeiriwoka igina kwelenggel bok, ella unggululamakanya lelelam! Anda bonaʾ garan uboka, akleng ongonaʾ orokaʾ anyek, henga luma yajokaʾ ak ululam.