2 KORINTUS 8:4 - PERJANJIAN BARU NALCA YUBA

⁴ Sikja nuk, munaʾ Imik Neyung mabo Yudea sokok ulumak nim ek, numba hnon arawanamab aboka dukaʾ lolom-lolom aboka moloweisik.

2 KORINTUS 8:4 ပူးပေါင်းရင်းမြစ်များ

MATIUS 10:42

Heknedya alda nadya yuba doro diriga bannya ulumlaʾ anasa leboka, ban mek nim ek or mek dem ak eleklamla dara, eimik era ban nenesa leboka deknaʾ nauba dobnamlaʾ anyek, ugunuk dib lebsin!” hyok.

MATIUS 12:50

Nadya neyung be imik heikek ululanya bedya alja unuwanok senelamlaʾ anyek, unulumak nim era, nadya weisabo, nadya hmal gelewa, nadyaʾ genong yab ulumakaʾ ara an,” hyok.

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

MARKUS 14:7

Bonaʾ garan uboka araweisiseng senen nim era, ugun gangganek sam sobaʾ ulumak. Anasa ugunda arawanob senewanesom dara, sikenek arawanasusum. Bok nak dara, ugunub sobaʾ neikaʾ unggulumnemab.

RASUL 11:29

nimi nidyaʾ Yesus yuba doro diriga ban nang edya yuba saboka, numba bolomabaʾ sunuwoka, nunja hemyabo Yudea sokok ulumak Imik Neyung mab enesa, elek arawanamab aboka yuba samek.

RASUL 16:15

Wera dara, Lidia geb alja ek nimi nidyaʾ meka dasik. Seleb Lidia gera meka dabgogomek dara, alda nuk nadya ek sam yanalum aboka e bilisuk. ”Hem yab o, ugunja nak alda Imik Neyung pik uboka Yesus ak dib domla senemun dara, wera ugunda nadya ek sam mabnelum,” aboka e bilisuk. Dara, alja nadya pe keboka unuwanok, lobijek senewoka dukaʾ lolom-lolom asukaʾ adya, yo amouba.

RASUL 24:17

”Nara gibnaʾ wen Yerusalem heikek unggulumsa ara, onoʾ wenyok ara, nadya mok soko nim emba sikenek arasik bonaʾ enyek, boboka onoʾ Imik Neyung ak gibgiga yokaʾ-yokaʾ beil bunun aboka anasa Yerusalem heikek yeilimsa.

ROMA 15:31

wera anedya, nara Yudea sam bleklemak nang ek ab pe arawoka bo ubnelekanya, onoʾ anedya Yerusalem amba webnamna wa nera, sik munaʾ Imik Neyung mab edya ganya hekoka or senewanok.

1 KORINTUS 16:1

Wera rupiah yub ak lebnesin. Ugunja rupiah yokaʾ munaʾ Imik Neyung mab emba mamagoka beillililum ara, Galatia moka yuba dolomak nim ek, nadya wenyasisa yub enyek, sunuwoka pe unuwolulum.

1 KORINTUS 16:15

Hemyab o, Akhaya sokok men yuba domek nimi Stefanus ek nim era, ugunda seleb ella ululumaʾ anyaʾ. Sikda munaʾ Imik Neyung mab amba aran wa ara nauba welemak.

2 KORINTUS 9:1

Nimi munaʾ Imik Neyung mab ek aranaʾ ara, ugunda arawanasibya ganya seleb nauba bololumaʾ anasa, unuwanalum aboka momnya dobnenggunusisinya. Makedonia nim ek anaba, sikda anaso ganya bolomak aboka, ugunuk gigileng sok lero yibisa. Makedonia nim ek ara, Akhaya mok ulumak Imik Neyung mab era seleb lemoub gibnaʾ ek abaʾ, sikda anaso arawanamab aboka seleb seinibgogomek aboka nekesisa. Dara, ugunja unululumnya nedya, nimi nauba yeng ganya neneiyilum.

GALATIA 2:10

Sikja dara, nimi bonaʾ denaʾ garan ulumak nim enyek, arawoka unulumnulum aboka, banyek ok moloweisik. Nadyaʾ anaba wa nera dib nong wa senewoka, hyak unuwanamna senemsa.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.