2 KORINTUS 8:2 - PERJANJIAN BARU NALCA YUBA

² Sikenek hyak yok-yok senenggom igina kwelesukaʾ anaba, sikda nauba ei-ei ganya boboka heknaʾ ganya uboka, sikda hyak bonaʾ garan ulumekjok, yok nim ek nauba arawanamab senen ganya bolomek.

2 KORINTUS 8:2 ပူးပေါင်းရင်းမြစ်များ

MATIUS 20:15

Nadya bonaʾ ek gom anaba unuwanamna senewanasinyaʾ ok unuwanasinya goma? Nak heknaʾ nong anasa, anda solom ganya bobnesom gom, wenyamok,” hyok.

ROMA 12:8

Wenewoka pe memenaʾ amba elegesilya dara, wera nunda or pe weneldalamnemab. Anasa heknedya yok-yok bonaʾ pe bogoka elekdo yabalamnesil dara, wera alda hyak perob ganya bomlyekanya unululul. Heknedya ban wa nen bo uboka webnelam henemla dara, alda yeng ganya boboka unululul. Heknedya angoo yadyek senewoka men arawounun uruma bobnelanya bera, alda ganya eiya daboka unululul.

ROMA 2:4

Anasa anda aljaʾ heknaʾ ganya ab, aljaʾ or malye senewoka diri usin ganya ab, aljaʾ sangarob ganya ab danera, wera dolbalek so senelelam de? Dara ban Imik Neyung adyaʾ heknaʾ ganya anera, anak ganya dangawoka yuba donaʾ ak bo balenggelaʾ ara, anda elgom ululam de?

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

2 KORINTUS 2:9

Wera ugunja dara, yokaʾ-yokaʾ nidyaʾ pe keboka unulumakaʾ ara ella doununaʾ aboka, nara sene sunusinaʾ dibaʾ momnya doboka beibsisa.

2 KORINTUS 6:10

Nunda igin ganya bolomab bok, onoʾ sobaʾ ei-ei ganya bolomab. Nuk bonaʾ garan ulumab bok, nunja yok nim ek ara bonaʾ dub nimi nenelemab. Nuk dara, yokaʾ-yokaʾ garan ulumak senen bok, hyak yokaʾ nauba ulusil nang ek ulumab. Dara ban yokaʾ-yokaʾ nidyaʾ ak, perob wa wen nang beknaʾ dangalasululaʾ aboka laga amalamab.

2 KORINTUS 9:11

Wera anadya ugunda yokaʾ-yokaʾ ara, denaʾ bonaʾ yak nim domunukanya, onoʾ ugunja dara, yokaʾ-yokaʾ nidyaʾ ak heknaʾ ganya boboka nauba eleklemnelum. Dara, ugunja wen bolowoka beillilelumaʾ anyek hnon, nunja bokdo yibinimab aranaʾ enedya, yok nim era Imik Neyung ak nauba perob aboka giblimnemak.

2 KORINTUS 9:13

Ugunja an laga pe unululumnya nenedya, ugunja yuba doblumaʾ anyek sunuwoka unululumaʾ anasa, ugunja an bojam unululumaʾ adya, Kristus adyaʾ perob lero yanggan yub amba anasa, yok nim era, sikda Imik Neyung ak gigilemnemak. Ugunuk an hekaʾ ulusilaʾ anyek, heknaʾ ganya boboka, sikenek hnon, onoʾ nimi yok nang ek hnon bokoka eleklesulumaʾ anasa leboka, sikda Imik Neyung ak gigilemnemak.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

1 TESALONIKA 2:14

Nadyaʾ hemyabo nim o, ugunuk an igina kweboka malya nenelesilaʾ ara, Yudea sam Imik Neyung yuba doboka, Yesus Kristus mabo dangamek nim eneba unulusil. Ugunuk an igina kwellilisakaʾ ara, ugunjaʾ meneng mok nang edya ulusak, dara Yudea sam yuba dolomak nim igina kwellilisakaʾ anaba sikja mok nimi Yahudi nang edya ulusak.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

WAHYU 2:9

Anak an yokaʾ-yokaʾ okna uboka ulunggelaʾ ara nara seleb ella ulumna. Anda bonaʾ garan ululamaʾ ara naba ella ulumna! (Bok saawoka anda aldib dubnya ululam.) Hnon nim era bisaʾ dubnya Satan alja bisaʾ mabo silibaʾ uboka, Yahudi nimi dibaʾ unaʾ orokjok, nunda Yahudi nim aldalamak nim edya anak an, geklewoka derewoka walasakaʾ ara nara seleb ella ulumna!