2 KORINTUS 7:7 - PERJANJIAN BARU NALCA YUBA

⁷ Dara, nuk ganya heksukaʾ ara, Titus be anyagan yokaʾ adya ok gom, alda ugunja alak hek elegolumaʾ adya numba ganya heksuk. Alja dara, ugunja nab hyak eibdeisibya senelelumaʾ anyek, alda nak neknyok. Anya hnonda ugunja angoo senelelumaʾ ara, onoʾ nak mala dolonulumaʾ anasa, hyak nauba so eiya dabnyok.

2 KORINTUS 7:7 ပူးပေါင်းရင်းမြစ်များ

MATIUS 26:75

Danyek Petrus bera Yesus adya alak men, ”Anda ayam yuba ngoubnenggumlya salek, nak sondaʾ amba li winilya bobnenewoka lebnenelem,” wenyamok ak gigiwal senewok. Dara alda goboka yibuukanya, nauba soloma daboka hyak goukduk-goukduka engewok.

MATIUS 5:4

Igin ganya bolomak nim era, Imik Neyung adya sikenek ganya sangab eleganesil bok anasa, pe ulumak!

LUKAS 22:44

Yesus ara alda ganya ak nauba igina berewoka gweklemokaʾ anasa, alda hyak ganya dib beiliwoka nauba Imik Neyung ak mololomok. Dara hwin ara eneng anasoʾ anyek sokok sam debom-deboma belega yanggalamok.

RASUL 11:23

Wera, Barnabas bera seleb Antiokhia heikek yeiniboka, Imik Neyung adya nimi ganya lomok yokaʾ-yokaʾ nidyaʾ pe arawoka unulumokaʾ eiyimok dara, alda hyak eiya damok. Dara, Barnabas bedya Antiokhia nim ek, ugunda hyak Wenelesilnya bek pe ganya dib ologoka kweboka ululum aboka wenewoka lesuk.

ROMA 1:12

Wera banedya, neikaʾ uwibyikanya, ugun pik uboka, ugunja yub ak dibaʾ dolum ganya eb, nadya dibaʾ domsa ganya eb, ugunub, nab neikaʾ ganya meebdanasibya.

1 KORINTUS 5:2

Ban unululumjok, wera onoʾ ugunda dengdang aboka, imik nenebdangdo yabalalum. Ban unululumnya nera, dib nong ara, onoʾ angwei salyaʾ ulumla senewoka engelemnesomokanya, malya unulumak nim era, ugun gangganek ab doboka yaknasom.

2 KORINTUS 1:4

Nunuk nidyaʾ yokaʾ-yokaʾ igina kwelesilaʾ ak ab, Imik Neyung adya ganya hekellilisilaʾ adya, ban ganya heknaʾ enedya, nimi yok nim igina kwelesil nim ek, sikja igina kwelesilaʾ nidyaʾ ak, nunda ganya heknaʾ gebnokaʾ aboka nuk eleklesil.

2 KORINTUS 2:9

Wera ugunja dara, yokaʾ-yokaʾ nidyaʾ pe keboka unulumakaʾ ara ella doununaʾ aboka, nara sene sunusinaʾ dibaʾ momnya doboka beibsisa.

2 KORINTUS 5:2

Nunda Imik Neyung adya solomla e nenyek, imik heikek bindiwoka ongowanesibya senelemabaʾ adya, nunja sokok an ulumab ek anyeb dara, angoo aboka lelemab.

2 KORINTUS 7:6

Bok, Imik Neyung adya alda nimi malya dan nim ek ganya hekellilisilnya bedya, nuk dara, Titus benyek anyagan bo yokaʾ nong adya, nunja ganya hekom husuk.

2 KORINTUS 7:8

Nadya momnya doboka beibsisaʾ adya, ugunja ganya soloma neneweisisa. Men dara, angoo salya umsa senemsa bok, wenera wensenenggulumna. Ban momnya doboka beibsisaʾ adya, ugunja ganya soloma neneweisisaʾ ara, or seʾ amba ok ubsisaʾ ak eibsa.

2 KORINTUS 8:16

Nara ugunuk senelesin sok, Imik Neyung adya Titus benyek ganya gouluwoka ugunuk aran ganya elegokaʾ anasa, Imik Neyung ak giblenob!

PILIPI 1:20

Nadya dara, nadya nong ok meknewanya danyek alya ubnelyek senewoka nauba seinilamna. Nadya seinilenanya nera, al wene salek eneba, nadya nonga ganya gekman asaʾ ganya boboka, nara embengaʾ ulumnyaʾ gom, somogamnyaʾ gom ara, Kristus si anyek imik dolul senelamna.

KOLOSE 2:5

Wera na nong anaba ugunublaboka neikaʾ unggulumab bok, ganya ak dara, nara ugunub neikaʾ ulumab. Anya ugunja Kristus ak dib senewoka migibaʾ ululum ab, ugunja ganya pe meebdangoka ululum dara, nara eiya dablenel.

1 TESALONIKA 3:6

Wera Timotius bera nak seleb yeiniboka ugunda Kristus ak hekaʾ huboka dib senewoka uboka, ugunja wanaʾ uldalalumaʾ ara, perob yub enera neksuk. Dara onoʾ Timotius bedya nuk ara, hekaʾ huboka pero-pero unululumnya nenyek, anya nunja ganya edya dara pelemak senenya nu beklemnemab senelelumnya nenyek seleb neksuk. Anya ugunja dara nuk sikeneb eibdeisibya senelelumaʾ ara, nunjaʾ anaba ugunuk eibdeisibya senelemab sok ulululumaʾ aboka neksuk.

1 TESALONIKA 3:8

Alda ugunuk Wenelesilnya beb neikaʾ kwebdangoka uboka, gasaʾ anyek pe ululumaʾ anasa, nunda aldib pe ulumnemab.

IBRANI 2:1

Wera anasa, nunja kemoubaʾ anyek, mek-mekaʾ uboka mok danggiga bibyek anasa, nunja seleb keboka domoubaʾ ak ara, hyak pe salabmouboka ulumnemab.

YAKOBUS 5:17

Elia bera alba nimi sirikaʾ nun so ulumok bok, alda Imik Neyung ak moka yanggunumla aboka, hyak dib beiliwoka molomok dara, wera gibnaʾ winilya uboka walaʾ hnab badya moka mekaʾ yanggumok.

2 YOHANES 1:4

Imik Neyung adya nuk alja lelesil sok, genong anja mabo darasam ara, dib yuba sunuwoka ulumakaʾ anyek, nara eiyiwoka, nara hyak eiya ulunel.

YUDAS 1:3

Nadya hemyabo wanaʾ ulusin nim o! Nunja neikaʾ dib senewoka domouba blebsinaʾ damok enesa, momnya doboka beibsununaʾ aboka ulumnakanya, onoʾ munaʾ Imik Neyung mab ek dib senenaʾ damok gobdo elegesuknya bemba, ugunda duboka salabmoubnelum aboka, ugunuk dukaʾ lolom-lolom along sok wenyaboka lebnesin senewoka momnya doboka beibsin.